Cymorth Proffesiynol

Byddwch yn elwa o gael mynediad at ein Tîm Cyflogadwyedd a Lleoliadau Gwaith penodol, sy'n cynnig cymorth wedi'i deilwra i'ch gofynion personol.

O gymorth gyda CVs i baratoi am gyfweliadau, a chymorth wrth drefnu digwyddiadau i'ch rhoi mewn cysylltiad â chyflogwyr allweddol, mae'r tîm yn cynnig amrywiaeth o gymorth a fydd yn helpu wrth symud ymlaen â'ch gyrfa, sydd ar gael am hyd at 5 mlynedd ar ôl i chi raddio.

Hefyd, gallwch gymryd rhan yn ein Cynllun Lleoliadau Gwaith, sy'n eich galluogi i gael profiad amhrisiadwy gyda chyflogwyr lleol. Mae bwrsariaethau ar gael i helpu wrth wneud lleoliad gwaith; ceir rhagor o wybodaeth ar Wefan y Parth Cyflogaeth.

Ceir amrywiaeth o gymorth ariannol i'ch helpu i ymgymryd â rhaglen broffesiynol.

Bwrsariaethau

Ceir dewis o fwrsariaethau sydd ar gael i fyfyrwyr amser llawn a myfyrwyr rhan-amser fel a ganlyn.

Amser llawn:

• Graddedigion LLB Prifysgol Abertawe: £2,000
• Cyn-fyfyrwyr prifysgolion yng Nghymru: £1,500
• Graddedigion GDL Prifysgol Abertawe: £2,000

Rhan-amser:

Mae'r un bwrsariaethau ar gael i fyfyrwyr rhan-amser, ond mae 50% yn cael ei dalu ym mlwyddyn 1 a 50% ym mlwyddyn 2.

Sylwer bod y bwrsariaethau presennol sy’n cael eu harddangos ar gyfer y flwyddyn academaidd 23/24 a gallent newid yn y dyfodol.

Ysgoloriaethau

Mae ein Hysgoloriaethau Ysbrydoli Dyfodol Disglair ar gael i fyfyrwyr ar ein rhaglenni LLM, ond cofiwch ystyried yn ofalus yr opsiwn a fyddai o fudd i chi fwyaf, oherwydd efallai na fyddwch yn gymwys i gyfuno opsiynau gwahanol o ran ysgoloriaethau a bwrsariaethau.

Cyllid Myfyrwyr

Mae ein 3 rhaglen LLM broffesiynol yn gymwys am fenthyciadau ôl-raddedig a addysgir drwy Gyllid Myfyrwyr yng Nghymru a Lloegr, gan ddibynnu ar eich cyfeiriad cartref. Rydym yn eich annog i ymweld â'u gwefannau i ddysgu rhagor am sut y gallai'r cyllid sydd ar gael weithio i chi.

Mae ein holl fyfyrwyr yn cael eu cefnogi drwy gydol eu hastudiaethau gan ein Swyddfa Gwybodaeth  Myfyrwyr, sydd wrth law i ateb yr holl ymholiadau academaidd a phersonol, naill ai wyneb yn wyneb neu gan ddefnyddio sianeli digidol. Mae ystafelloedd preifat ar gael i hwyluso sgyrsiau cyfrinachol.

Hefyd, mae Tiwtor Personol yn cael ei ddynodi i bob myfyriwr, a threfnir cyfarfodydd rheolaidd i ateb unrhyw ymholiadau manwl sydd gennych, neu i gynnig cymorth ac arweiniad personol ynghylch cyrraedd eich nodau.

Fel un o fyfyrwyr Prifysgol Abertawe, byddwch hefyd yn gymwys i gael cymorth ehangach ar draws y Brifysgol. Mae'r rhain yn cynnwys amrywiaeth o gymorth ariannol, personol a lles ar ein platfform MyUni, yn ogystal â digwyddiadau cymdeithasol ac academaidd sydd ar gael ledled y Brifysgol. Hefyd, bydd mwy na 15 o glybiau a chymdeithasau myfyrwyr ar gael i chi, gan gynnwys ein Cymdeithas y Gyfraith sydd wedi'i chynnal gan fyfyrwyr.

Fel rhan annatod o'r Ganolfan, mae gennym gymuned graddedigion ffyniannus, sy'n cael ei hwyluso ar ein platfform Cysylltu Abertawe.

Mae'r gymuned groesawgar hon yn meithrin y gwaith o ddatblygu cysylltiadau proffesiynol a phersonol, a bydd yn eich galluogi i gael yr wybodaeth ddiweddaraf am gyfleoedd cyflogaeth ar ôl i chi raddio.