Mae Dr Martin Crossley yn Athro Cyswllt ym Mhrifysgol Abertawe, ac mae’n arbenigo mewn algebra a thopoleg algebraidd. Mae'n Ddirprwy Bennaeth yr Adran Fathemateg, ac yn Uwch Gymrawd yr Academi Addysg Uwch.
Cyn cyrraedd Abertawe bu Martin yn gweithio mewn prifysgolion a sefydliadau ymchwil yn Sbaen, Ffrainc a'r Almaen, gan roi persbectif rhyngwladol iawn iddo ar fathemateg ac addysg fathemateg.
Mae diddordebau addysgu Martin yn canolbwyntio ar algebra a thopoleg, a'u cydberthynas â meysydd eraill mathemateg a’u cymhwysiad. Mae ei lyfr “Essential Topology” wedi’i fabwysiadu gan brifysgolion ledled y byd, a’i ganmol am ei arddull hygyrch.
Mae ymchwil Martin wedi canolbwyntio ar algebra Steenrod, a chysylltiadau â theori cynrychioliadau fodiwlaidd, gweithrediadau cohomoleg mewn K-theori, a chwblhad cysylltiedig, a rôl algebra Hopf yn y meysydd hyn a chyfuniadeg algebraidd cysylltiedig.
Mae Martin yn Uwch Gymrawd yr Academi Addysg Uwch, ac wedi’i enwebu am Wobr Addysgu Nodedig am addysgu mathemateg i fyfyrwyr peirianneg.
