Stori myfyriwr
Treuliodd Holly flwyddyn academaidd (2015-2016) yn astudio ym Mhrifysgol Talaith Colorado fel rhan o'i gradd Astudiaethau Americanaidd ym Mhrifysgol Abertawe. Dyma rai o'i sylwadau am ei phrofiad:
Prifysgol Talaith Colorado yn Fort Collins
"Dod i Colorado...Gallwn brofi'r America bob dydd yr oeddwn wedi bod eisiau ei wneud erioed, ond dal heb fod yn bell o ddinas fawr. Rwyf wedi darganfod bod pobl Colorado yn hynod gyfeillgar, ac yn bobl wych. Maent bob tro yn barod am antur ac mae'r profiad wir wedi gwneud i mi werthfawrogi'r awyr agored, gyda mynyddoedd y Rockies ar stepen drws y campws."
Prif Uchafbwyntiau
"Un o'r penderfyniadau gorau a wnes i tra ym Mhrifysgol talaith Colorado oedd ymuna â thîm newyddion KCSU. Bob dydd Mercher rydym yn creu ac yn darlledu sioe radio sy'n mynd allan ar donnau sain Fort Collins. Trwy hyn, rwyf wedi cwrdd â phobl anhygoel, rwyf wedi magu hyder ac rwyf hefyd wedi gallu ymdrin â newyddion a digwyddiadau hwyliog a aeth ymlaen o amgylch y ddinas a wnaeth i mi deimlo'n agosach at gymuned Colorado, yn fy marn i."
Teithio
"Yn ystod y gwanwyn a’r seibiant diolchgarwch roeddwn i'n gallu teithio o gwmpas hyd yn oed fwy o'r Taleithiau. Yr wyf yn awr wedi ymweld â 10 talaith wahanol ac wedi rhyfeddu at y modd y gall diwylliant hollol wahanol fod mewn talaith gyfagos. Rwyf wedi profi'r ardaloedd twristaidd megis Califfornia, Efrog newydd ac Orlando, Fflorida. Er bod y teithiau hyn yn anhygoel, mwynheais anturiaethau i leoedd fel Salt Lake City, Utah a Cody, Wyoming, gan fy mod yn teimlo eu bod yn dangos ochr i'r Unol Daleithiau nad yw'n cael ei phortreadu’n aml yn y cyfryngau."
Myfyrdod
"Mae dod 4,000 o filltiroedd oddi cartref am flwyddyn gyfan yn bendant wedi bod yn brofiad sy'n newid bywyd. Rwyf wedi dysgu sut i werthfawrogi a chadw mewn cysylltiad â ffrindiau oedd gen i yn y DU a gwneud ffrindiau newydd yma hefyd. Rwyf wedi dysgu manteisio ar unrhyw gyfleoedd sy'n dod i'm ffordd ac i feddwl am bob un ohonynt fel anturiaethau posibl. Er fy mod yn sicr wedi gweld eisiau cysuron fy nghartref a'm teulu, rwyf wedi cael blwyddyn fwyaf anhygoel fy mywyd yn yr Unol Daleithiau ac rwy'n gwybod ei bod wedi chwarae rôl enfawr o ran pwy ydw i nawr fel person a'r penderfyniadau y byddaf yn eu gwneud yn ddiweddarach mewn bywyd."