1. Hafan
  2. Y Brifysgol
  3. Astudio
  4. Astudio, Gweithio a Haf Dramor
  5. Cyfleoedd Byd Eang i Fyfyrwyr
  6. Prifysgolion Partner Astudio Dramor
  7. Unol Daleithiau America
  8. Prifysgol Oklahoma
  9. Stori Myfyriwr

Stori Myfyriwr

Stori myfyriwr

Astudiodd Freddie ym Mhrifysgol Oklahoma am un semester (2017) fel myfyriwr cyfnewid o'r adran Astudiaethau Gwleidyddol a Diwylliannol ym Mhrifysgol Abertawe. Dyma rai o'i sylwadau am ei brofiad: 

Prifysgol Oklahoma

"Mae Prifysgol Oklahoma yn lle anhygoel, mae'r campws yn enfawr a hefyd yn hardd iawn, mae'r swyddfa ryngwladol yno yn cael ei rhedeg yn anhygoel o dda, ac mae'r brifysgol ei hun yn gartref i gymuned fawr a chyffrous o fyfyrwyr rhyngwladol. Mae'r Brifysgol yn gwneud ymdrech enfawr i integreiddio myfyrwyr o dramor, gan drefnu digwyddiadau a pharu myfyrwyr gyda naill ai teuluoedd lletyol neu fyfyriwr Americanaidd lleol."

Hoff atgof

"Fy hoff atgof o'r trip oedd pan benderfynodd fy ffrindiau llety a minnau fynd ar daith o Oklahoma i Chicago. Roedd y trip yn hir iawn, gan ei fod tua 600 milltir i Chicago, ond roedd hefyd yn dipyn o hwyl. Ar hyd y ffordd aethon ni i St. Louis a pharc thema Six Flags, bwyton ni mewn bwytai ar gyfer tryciau a ‘diners’ ar y ffordd, a gwelsom gymaint ag y gallem o Chicago."

 

Heriau

"Efallai mai'r anhawster mwyaf oedd addasu i wahanol arddulliau ysgrifennu, yn enwedig y gramadeg, a hefyd y gwahanol fathau o waith y mae athrawon yn eu disgwyl gennych, sydd er ychydig yn haws na'n gwaith ni, yn gymhleth yn ei ffordd ei hun oherwydd ei fod yn aml yn wahanol iawn."

 

Myfyrdod

"Fy nodau ar gyfer mynd ar y semester dramor oedd gweld America, gweld rhannau llai metropolitanaidd o’r wlad, gwneud ffrindiau o bob cwr o'r byd, ac wrth gwrs, i wneud yn dda yn fy astudiaethau. Fe gyflawnais bron pob un o'r rhain, er, yn anffodus, doeddwn i ddim yn gallu gweld cymaint o America ag y buaswn wedi hoffi. Mae'n wlad enfawr!"