Stori Myfyriwr

"Yn ogystal â Mardi Gras, es i ar sawl trip arall. Roedd y rhain yn cynnwys crwydro ym mynyddoedd Blue Ridge yn Asheville, Gogledd Carolina, taith penwythnos diwrnod Llafur i dref arfordirol hardd Charleston, De Carolina, Diolchgarwch yn ninas Efrog Newydd, wythnos hanner tymor hydref yn teithio Florida, penwythnos cerddoriaeth werin yn Nashville, gwyliau gwanwyn bythgofiadwy yn y Bahamas a Chiwba, ac yn olaf, trip ffordd gyda saith o ferched ar hyd arfordir y gorllewin a Chanada."

"Yr her fwyaf i mi oedd dod dros y ffaith nad oedd hi'n bosibl i ‘bigo gartref’ os oeddwn byth yn ddigalon neu’n dymuno cael rhywfaint o gysuron cartref. Er i mi weld symud i Abertawe yn hawdd, roedd yr addasiad i fyw mewn cyfandir arall yn eithaf brawychus. Wrth gwrs, ar ôl i'r wythnosau cyntaf fynd heibio, roedd Carolina yn teimlo fel fy nghartref oddi cartref."