Cais a Chasglu

Mae’r llyfrgell yn cynnig gwasanaeth Cais a Chasglu newydd er mwyn rhoi i fyfyrwyr presennol a staff fynediad hawdd i lawer o’n heitemau.

Gellir gwneud cais am eitemau ar-lein neu drwy gysylltu â thîm Llyfrgell MyUni.

Gallwch wneud cais am eitem ar-lein drwy fewngofnodi i'ch cyfrif iFind a chwilio am yr eitem sydd ei angen arnoch. Wedi i chi dod o hyd i'r eitem yn y rhestr o ganlyniadau, cliciwch ar y teitl i agor y cofnod llawn. Os ydy'r eitem yn gymwys, byddwch yn gallu gwneud cais am yr eitem a dewis eich lleoliad casglu.

Sylwch: rhaid eich bod chi wedi mewngofnodi i'ch cyfrif iFind er mwyn i'r opsiwn Cais ymddangos ar gofnod yr eitem.

Croeso i chi gysylltu â thîm Llyfrgell MyUni os oes angen unrhyw cymorth pellach arnoch gyda gwneud ceisiadau neu gael mynediad at ddeunyddiau llyfrgell.

Gweler isod am wybodaeth am gasglu eitemau a gofynnwyd amdanynt o'ch llyfrgell ddewisedig.

Llyfrgelloedd y Bae a Pharc Singleton

Gellir casglu eitemau o Lyfrgelloedd y Bae a Pharc Singleton yn ystod oriau agor adeiladau'r llyfrgell.

Byddwch chi’n derbyn neges e-bost pan fod eich eitem ar gael i’w chasglu. Bydd y neges e-bost hon yn cynnwys côd cyfeirio ar gyfer casglu, y bydd arnoch chi ei angen er mwyn dod o hyd i’ch eitem ar y silffoedd Cais a Chasglu. Hefyd bydd y neges e-bost hon yn cadarnhau’r llyfrgell lle bydd eich eitem ar gael i’w chasglu - sicrhewch mai hwn yw’r lleoliad roeddech chi’n ei ddisgwyl cyn i chi fynd i’r llyfrgell. Bydd y neges e-bost yn nodi’r dyddiad y bydd eich cais yn terfynu hefyd.

Dewch â’ch cerdyn adnabod prifysgol gyda chi i’r llyfrgell, a’r côd cyfeirio ar gyfer casglu.

Wedi i chi dod o hyd i'ch eitem ar y silffoedd Cais a Chasglu, bydd angen i chi benthyg yr eitem i'ch eich cyfrif llyfrgell. Lleolir ciosgau hunan-fenthyca ar gyfer benthyg eitemau, ger y silffoedd Cais a Chasglu.

Llyfrgell y Glowyr De Cymru

Mae Llyfrgell y Glowyr De Cymru yn darparu gwasanaeth Cais a Chasglu ar ddydd Mawrth a dydd Iau, 11yb tan 4yp.

Byddwch chi’n derbyn neges e-bost unwaith bod eich eitem ar gael i’w chasglu. Dewch i’r Dderbynfa a sicrhewch fod eich Cerdyn Adnabod a'ch cod cyfeirio ar gyfer casglu gyda chi er mwyn casglu eitemau, ac arsylwch ar y canllawiau ymbellhau cymdeithasol o 2 fetr. Yn ystod cyfnodau prysur, efallai bydd angen ciwio y tu allan i’r llyfrgell er mwyn defnyddio’r gwasanaeth hwn.

Gallwch chi ddychwelyd eitemau i'r Blwch Dychwelyd Llyfrau yng nghyntedd y Llyfrgell, ond bydd hyn yn bosibl yn ystod oriau agor Cais a Chasglu yn unig.

Llyfrgell Parc Dewi Sant

Mae'r gwasanaeth Cais a Chasglu ar gael yn Llyfrgell Parc Dewi Sant yn ystod oriau agor y llyfrgell.

Byddwch chi’n derbyn neges e-bost unwaith bod eich eitem ar gael i’w chasglu. Bydd y neges e-bost hon yn cynnwys côd cyfeirio ar gyfer casglu, y bydd arnoch chi ei angen er mwyn dod o hyd i’ch eitem ar y silffoedd Cais a Chasglu. Hefyd bydd y neges e-bost hon yn cadarnhau’r llyfrgell lle bydd eich eitem ar gael i’w chasglu - sicrhewch mai hwn yw’r lleoliad roeddech chi’n ei ddisgwyl cyn i chi fynd i’r llyfrgell. Bydd y neges e-bost yn nodi’r dyddiad y bydd eich cais yn terfynu hefyd.

Dewch â’ch cerdyn adnabod prifysgol gyda chi i’r llyfrgell, a’r côd cyfeirio ar gyfer casglu.