Cyrsiau Byr

Mae cyrsiau byr Prifysgol Abertawe wedi'u cynllunio i'ch helpu i ddatblygu'n broffesiynol, ennill sgiliau newydd, a chyflawni eich nodau, pa bynnag gam o'ch gyrfa rydych chi arno.

Yn hyblyg ac yn hygyrch, mae ein cyrsiau heb gredydau yn eich galluogi i ddysgu ochr yn ochr â gwaith, teulu, ac ymrwymiadau eraill, gan ei gwneud hi'n hawdd cael mynediad at gyfleoedd dysgu sy'n cyd-fynd â'ch amserlen, ac yn cefnogi eich datblygiad gydol oes.

P'un a ydych chi eisiau archwilio pwnc newydd, gwella'ch arbenigedd, neu feithrin hyder mewn gweithle sy'n newid, mae ein cyrsiau'n darparu dysgu ymarferol o ansawdd uchel gyda manteision uniongyrchol yn y byd go iawn.

Croeso i Brifysgol Abertawe

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae ein cymuned amrywiol a chroesawgar yn ffynnu ar archwilio a darganfod, a cheir cydbwysedd o addysgu ac ymchwil rhagorol, ynghyd ag ansawdd bywyd gwych. Mae myfyrwyr sy'n astudio yma yn mwynhau, yn cael eu hysbrydoli ac yn cyflawni - sydd oll yn rhoi cyfle gwell iddynt sicrhau rhagolygon cyflogaeth rhagorol.

Mae ein cymuned amlddiwylliannol yn cynnig safbwynt byd-eang, gan alluogi'r rhai sy'n ymuno â ni i ddatblygu'r sgiliau a'r wybodaeth a fydd yn eu rhoi ar ben ffordd tuag at yrfaoedd llwyddiannus a gwerthfawr.