Datganiad Preifatrwydd BywydCampws

Mae BywydCampws yn cynnwys y timau canlynol: Ffydd@BywydCampws, Cymuned@BywydCampws, Rhyngwladol@BywydCampws, Arian@BywydCampws, Cyfranogiad@BywydCampws a Llesiant@BywydCampws.

Yn dibynnu ar amgylchiadau unigol, efallai y bydd yn briodol i'r timau hyn gasglu naill ai Data Personol, Categori Arbennig neu'r ddau ohonynt gan fyfyrwyr.

• Gall data personol sy'n ymwneud â myfyriwr gynnwys: enw, dyddiad geni, data pasbort, cyfeiriad cartref, manylion mewnfudo, rhif ffôn cartref, cyfeiriad e-bost preifat, cyswllt mewn argyfwng, rhif myfyriwr, ac yn y blaen.
• 
  Gall data categori arbennig sy'n ymwneud â myfyriwr gynnwys: tarddiad hiliol ac ethnig, crefydd, materion lles, manylion iechyd meddwl a chorfforol, ac yn y blaen.

Bydd y wybodaeth yr ydych yn ei darparu yn cael ei defnyddio gan BywydCampws i ddarparu cymorth i fyfyrwyr, a all gynnwys y gwasanaethau canlynol:

• Darparu cyngor ariannol a gweinyddu cyllid (e.e.  cronfeydd caledi, bwrsariaethau, ac yn y blaen.)
• Darparu Cyngor ar Fewnfudo a Visa a Gwasanaethau
• Darparu Gwasanaethau Cymorth i Fyfyrwyr
• Hyrwyddo ein Gwasanaethau
• Diogelu a hyrwyddo llesiant myfyrwyr
• Sicrhau diogelwch y myfyriwr

Rydym yn defnyddio'r wybodaeth hon amdanoch gan fod prosesu’r data hwn yn angenrheidiol er mwyn darparu cymorth i fyfyrwyr yn y Brifysgol.

Yn dibynnu ar natur y gwasanaeth, mae timau BywydCampws yn dibynnu ar wahanol ganolfannau cyfreithiol ar gyfer prosesu data.  Mae’r rhain yn cynnwys:

Llesiant@BywydCampws a Ffydd@BywydCampws:
Bydd y ddau dîm fel arfer yn dibynnu ar ganiatâd penodol gan wrthrych y data yn dilyn datgelu data personol neu gategori arbennig sensitif.  Gofynnir i fyfyrwyr adolygu datganiad caniatâd yn dilyn datgeliad.  Mae gan fyfyrwyr yr hawl i dynnu caniatâd yn ôl ar unrhyw adeg ond gall hyn effeithio ar i ba raddau y gellir eu cefnogi gan BywydCampws (am fwy o wybodaeth gweler Datganiad Caniatâd BywydCampws yma ( ychwanegwch y ddolen yn hwyrach).

Mae Ffydd@BywydCampws yn cynnig gwasanaeth i staff yn ogystal â myfyrwyr. Gofynnir i'r staff hefyd  adolygu datganiad caniatâd yn dilyn datgeliad. Mae gan y staff yr hawl i dynnu caniatâd yn ôl ar unrhyw adeg ond gall hyn effeithio ar i ba raddau y gellir eu cefnogi gan BywydCampws (am fwy o wybodaeth gweler Datganiad Caniatâd BywydCampws yma ( ychwanegwch y ddolen yn hwyrach).

Mewn rhai amgylchiadau risg uchel, efallai y bydd angen prosesu data heb ganiatâd penodol i ddiogelu buddiannau hanfodol gwrthrych y data neu berson naturiol arall lle nad yw gwrthrych y data yn gallu rhoi caniatâd yn gorfforol neu'n gyfreithiol.

Arian@BywydCampws, Cyfranogiad@BywydCampws, Rhyngwladol@BywydCampws a Cymuned@BywydCampws:
Mae angen i'r timau hyn brosesu data personol er mwyn darparu gwasanaeth sydd o fudd i'r myfyrwyr; felly, mae ganddynt Fudd Cyfreithlon i brosesu'r data hwn.  Os bydd datgeliad sy'n cynnwys data personol neu gategori arbennig sensitif, bydd y timau hyn yn dibynnu ar ganiatâd penodol gan wrthrych y data trwy'r datganiad caniatâd er mwyn prosesu'r data hwn.

Bydd gwybodaeth amdanoch yn cael ei rhannu gyda staff priodol y Brifysgol ar y sail bod arnynt angen  gwybod.  Ar adegau, gellir rhannu gwybodaeth gyda thrydydd partïon priodol er mwyn darparu gwasanaethau i wrthrychau’r  data.  Am fwy o wybodaeth gweler Datganiad Preifatrwydd y Brifysgol (Cliciwch yma i ddarllen Datganiad Preifatrwydd y Brifysgol).

Byddwn yn cadw'r data personol yr ydych wedi darparu i ni am saith mlynedd yn unol â pholisi Rheoli Cofnodion y Brifysgol (Cliciwch yma am wybodaeth bellach).  Bydd eich data yn cael ei storio ar system fewnol ddiogel.

Prifysgol Abertawe yw'r Rheolydd Data ac mae’n ymrwymedig i ddiogelu hawliau unigolion yn unol â Deddf Diogelu Data 1998 (DPA) a'r Rheoliad Diogelu Data Cyffredinol (GDPR).  Mae gan Brifysgol Abertawe Swyddog Diogelu Data – manylion cyswllt: y dataprotection@abertawe.ac.uk.

Gellir gweld Datganiad Preifatrwydd Myfyrwyr Prifysgol Abertawe yn llawn yma.