Cymorth gyda Chasineb

Cysylltwch â thîm diogelwch campws y Brifysgol drwy ffonio 01792 604271

Defnyddiwch ap SafeZone, sef ffordd haws a chyflymach o roi gwybod i'r tîm diogelwch os bydd angen help arnoch ar y campws

 Os ydych chi mewn perygl difrifol, ffoniwch Heddlu De Cymru ar 999

Gallwch chi roi gwybod am y drosedd neu'r digwyddiad casineb i'n canolfan lle gall trydydd partïon adrodd am droseddau casineb, sef Canolfan Cyngor a Chymorth Undeb y Myfyrwyr, drwy lenwi ffurflen ar-lein.

Mae gan Ganolfan Cyngor a Chymorth Undeb y Myfyrwyr dîm o gynghorwyr hyfforddedig a all eich cynghori a’ch cynrychioli’n ddiduedd ac yn gyfrinachol am ddim, yn annibynnol ar y Brifysgol.

Gallan nhw eich helpu gyda nifer o broblemau cyfreithiol a materion personol, ynghylch arian, lles, gwaith academaidd, tai, aflonyddu a thrais rhywiol.

Mae'r Ganolfan yn cynnig apwyntiadau wyneb yn wyneb o ddydd Llun i ddydd Gwener rhwng 10am a 3pm yn ei swyddfa ar Gampws Singleton ar lawr gwaelod Tŷ Fulton. Mae ei swyddfeydd ar Gampws y Bae ar gau yn ystod yr haf ond gellir trefnu apwyntiadau yno yn ôl yr angen. A wnewch chi anfon e-bost i drefnu apwyntiad.

E-bost: advice@swansea-union.co.uk

Ffôn: 01792 295 821

Sesiynau galw heibio dros Zoom: 9.30am-12pm bob dydd Llun, dydd Mawrth, dydd Mercher a dydd Gwener drwy rif adnabod cyfarfod 712 079 3003, lle byddwch chi'n mynd i ystafell aros

Rydyn ni'n cynnig gwasanaeth gwrando cyfrinachol ac anfeirniadol i fyfyrwyr sy'n chwilio am glust i wrando arnyn nhw mewn modd ystyriol.

Nid oes rhaid i chi drafod problem benodol, ond weithiau gall siarad am rywbeth fod yn ddigon i helpu i liniaru rhywfaint o straen bywyd myfyriwr.

Trefnwch sgwrs gyfeillgar drwy ein cyfrif e-bost a gwnewch yn siŵr eich bod chi'n rhoi gwybod i ni os hoffech chi siarad ag aelod penodol o'n tîm.

Mae gwasanaethau cymorth emosiynol ar gael i chi ym Mhrifysgol Abertawe.

Hoffen ni eich cefnogi i gael y budd mwyaf o'ch astudiaethau a'ch bywyd personol, yn ystod eich amser yma ac ar ôl i chi raddio.

 Rydyn ni'n cynnig adnoddau, strategaethau hunangymorth, gwasanaethau ar-lein, sesiynau cymorth a chwnsela i'ch helpu i reoli eich lles.

Mae True Vision yn cynnig arweiniad ar roi gwybod am droseddau a digwyddiadau casineb. Os nad ydych chi’n dymuno siarad ag unrhyw un wyneb yn wyneb am y digwyddiad neu os hoffech chi aros yn ddienw, mae ffurflen ar-lein i roi gwybod am droseddau casineb; gallwch chi roi gwybod am ddigwyddiadau casineb nad ydyn nhw'n droseddau i'r heddlu er mwyn ceisio atal y sefyllfa rhag gwaethygu.

Mae Cymorth i Ddioddefwyr yn wasanaeth cefnogol sy’n galluogi trydydd partïon i gyflwyno adroddiadau, a hynny’n annibynnol ar yr heddlu.

Mae Zoteria yn ap sydd wedi'i ddatblygu gan Sefydliad Vodafone mewn partneriaeth â Stonewall a Gallop.
Gelli di roi gwybod yn ddienw am achosion o gasineb LHDTC+ tuag atat ti neu bobl eraill.

Mae Cyngor ar Bopeth yn darparu gwybodaeth ddefnyddiol am fathau amrywiol o aflonyddu a throseddau casineb.

Mae Stop Hate UK yn darparu gwasanaeth adrodd a chymorth annibynnol a chyfrinachol i ddioddefwyr, tystion a thrydydd partïon.

Mae Galop yn elusen sy'n gwrthwynebu trais yn erbyn pobl LGBT+, gan gefnogi pobl sydd wedi cael profiad o drosedd gasineb, trais rhywiol neu gam-drin domestig. Mae'r elusen hefyd yn cefnogi pobl lesbiaidd, hoyw, ddeurywiol, drawsryweddol a chwiar sydd wedi cael problemau gyda'r heddlu neu sydd am ofyn cwestiynau am y system cyfiawnder troseddol.

Mae Tell MAMA yn cefnogi dioddefwyr casineb gwrth-Fwslimaidd. Mae'n wasanaeth cyhoeddus sydd hefyd yn mesur ac yn monitro achosion gwrth-Fwslimaidd.

Mae Community Security Trust (CS) yn helpu'r rhai sydd wedi dioddef gwrthsemitiaeth, aflonyddu neu ragfarn.

Os ydych chi wedi dioddef trosedd ac rydych chi’n meddwl ei bod yn ymwneud â'r ffaith eich bod chi’n Sipsi, yn Sipsi Roma neu'n Deithiwr, gallwch chi gael cyngor gan Travelling Ahead. Gall y gwasanaeth hwnnw helpu os byddwch chi’n penderfynu eich bod chi am gysylltu â'r heddlu.

Travelling Ahead

Ffôn: 0808 802 0025

E-bost: travellingahead@tgpcymru.org.uk 

Mae galwadau am ddim o ffonau symudol a llinellau tir.

Nod Myfyrwyr Diogel yw rhoi cyngor ar atal troseddau, cyngor ar ddiogelwch a chyngor cyffredinol i bob myfyriwr prifysgol ledled de Cymru.

Ewch i wefan yr ymgyrch a dilynwch ‘Report a Crime’ neu ‘Request Support’.

info@umbrellacymru.co.uk

0300 302 3670