Canolfan Zienkiewicz ar Gyfer Peirianneg Gyfrifiadurol

Datblygu datrysiadau i broblemau peirianneg cymhleth

Dros y 30 mlynedd diwethaf mae Prifysgol Abertawe wedi chwarae rhan flaenllaw mewn gwaith ymchwil rhyngwladol ym maes peirianneg gyfrifiadurol.

Rydym wedi gwneud datblygiadau arloesol ym maes technegau rhifyddol, fel y dull elfen feidraidd a'r gweithdrefnau cyfrifiadurol cysylltiedig sydd wedi helpu i ddatrys llawer o broblemau peirianneg cymhleth.

Rydym wedi bod yn ffigur blaenllaw wrth chwyldroi ymarfer dadansoddi peirianneg ddiwydiannol, gan ddefnyddio dulliau modelu cyfrifiadurol effeithlon a chywir. Yn 2016, gwnaethom ehangu ym maes Aerodynameg Arbrofol gyda'n twnnel gwynt newydd o'r radd flaenaf, a ddefnyddir at ddibenion ymchwil aerodynamig ac aeroelastig.

Enw blaenorol Canolfan Zienkiewicz ar gyfer Peirianneg Gyfrifiadurol (ZCCE) oedd y Ganolfan Peirianneg Sifil a Chyfrifiadurol (C2EC).

Grwpiau Ymchwil ZCCE

Peirianneg a Strwythurau Awyrofod

Peirianneg Biofeddygol a Rheoleg

Ynni a'r Amgylchedd

Dulliau Cyfrifiadurol mewn Peirianneg

Nanostrwythurau

Dulliau Gweithgynhyrchu

Solidau, Strwythurau a Systemau Cypledig

Staff ZCCE

Pennaeth y Ganolfan - Yr Athro Dominic Reeve

Yr Athro D.R.J Owen
Yr Athro Djordje Peric
Yr Athro Eduardo de Souza Neto
Yr Athro Harshinie Karunarathna
Yr Athro Ian Masters
Yr Athro Johann Sienz
Yr Athro Ken Morgan
Yr Athro Michael Edwards
Yr Athro Michael Friswell
Yr Athro Michael Webster
Yr Athro Oubay Hassan
Yr Athro Perumal Nithiarasu
Yr Athro Sondipon Adhikari
Yr Athro YT Feng
Dr Adesola Ademiloye
Dr Alberto Coccarelli
Dr Alex Shaw
Dr Alison Williams
Dr Ankush Aggarwal
Dr Antonio Gil
Dr Antonio Martinez
Dr Ben Evans
Dr Chenfeng Li
Dr Chenguang Yang
Dr Chengyuan Wang
Dr Chun Hean Lee
Dr Cinzia Giannetti
Dr Dunhui Xiao
Dr Farzad Mohebbi
Dr Hamed Haddad Khodaparast
Dr Hari Arora
Dr Igor Sazonov
Dr Jason Carson
Dr Jason Jones
Dr Karol Kalna
Dr Llion Evans
Dr Marinos Manolesos
Dr Michael Togneri
Dr Min Luo
Dr Mokarram Hossain
Dr Nick Croft
Dr Paul Ledger
Dr Rajesh Ransing
Dr Raul van Loon
Dr Rogelio Ortigosa
Dr Ruben Sevilla
Dr Sanjay Pant
Dr Shkir Jiffri
Dr Will Harrison
Dr Wulf Dettmer
Dr Yunqing Xuan
Dr Yuying Xia

Dull Elfen Feidraidd

Cydnabyddir ein gwaith o ddatblygu'r Dull Elfen Feidraidd fel un o'r 100 o brif ddarganfyddiadau a datblygiadau ym mhrifysgolion y DU sydd wedi newid y byd.

Mae'r Dull Elfen Feidraidd, a ddatblygwyd gan yr Athro Olek Zienkiewicz yn 1967 ym Mhrifysgol Abertawe, wedi ein galluogi i arwain y ffordd o ran technegau modelu cyfrifiadurol sy'n ei gwneud yn bosibl i beirianwyr ddylunio strwythurau a phrosesau llawer mwy heriol gan ddefnyddio cyn lleied â phosibl o brofion arbrofol drud.

DYNAMEG LLIFYDDION CYFRIFIADUROL (CFD)

Llun o ddynameg llifyddion cyfrifiadurol y BLOODHOUND SSC

Mae ein harbenigedd mewn Dynameg Llifyddion Cyfrifiadurol i'w weld mewn systemau megis meddalwedd FLITE a ddefnyddir gan BAE Systems ac Airbus.

Cafodd dyluniad y car Thrust SSC a dorrodd record y byd ar gyfer y cyflymder uchaf gan ddefnyddio cerbyd ar dir ei lywio gan ein hymchwil ym maes Dynameg Llifyddion Cyfrifiadurol. Oherwydd llwyddiant y car diwethaf i dorri'r mur sain, galwyd ar ein harbenigedd i ddylunio aerodynameg BLOODHOUND SSC.