Stori Myfyriwr

"Roeddwn i yng nghanol Califfornia felly roeddwn i'n ddigon ffodus  i allu teithio i Los Angeles a San Francisco yn rheolaidd, gan ymweld â'r rhan fwyaf o ardaloedd eraill yng Nghaliffornia hefyd. Mi ges i hyd yn oed y cyfle i ymweld â gwladwriaeth gyfagos Nevada yn ystod taith penwythnos i Las Vegas. Fy hoff brofiadau oedd ymweld â’r Big Sur ar hyd briffordd arfordirol y Môr Tawel, teithiau o amgylch y dalaith a'r ffordd enwog ‘Route 66’, ac archwilio mannau llenyddol adnabyddus lle gadawodd awduron chwedlonol eu marc. Roedd yn brofiad unwaith mewn oes yr wyf yn parhau i fod yn hynod ddiolchgar amdano. Cyflawnais bopeth yr oeddwn yn gobeithio, a llawer mwy."

"Ar ôl profi rhywfaint o ysgytwad diwylliannol ac ar rai adegau, unigrwydd, fy her fwyaf oedd ymgyfarwyddo â lle newydd a brawychus lle myfi oedd yr unig fyfyriwr o Brydain. Roeddwn i'n ei chael hi'n anodd, gan fy mod yn berson mewnblyg, i gyfrannu at sefyllfaoedd gydag Americanwyr cymdeithasol, yn enwedig yn ystod dosbarthiadau Saesneg a oedd wedi'u strwythuro fel cyfarfodydd llai, o fath seminar. Fodd bynnag, roedd athrawon a chyd-fyfyrwyr y Brifysgol yn groesawgar ac yn cynnig anogaeth, a daeth yn haws i mi gyfrannu yn ystod trafodaethau."