1. Hafan
  2. Y Brifysgol
  3. Astudio
  4. Astudio, Gweithio a Haf Dramor
  5. Cyfleoedd Byd Eang i Fyfyrwyr
  6. Prifysgolion Partner Astudio Dramor
  7. Unol Daleithiau America
  8. Prifysgol Ohio
  9. Stori Myfyriwr

Stori Myfyriwr

Stori myfyriwr

Treuliodd Leah flwyddyn academaidd dramor (2015-2016) ym Mhrifysgol Ohio fel rhan o'i gradd Astudiaethau Americanaidd ym Mhrifysgol Abertawe. Dyma rai sylwadau oedd ganddi am ei phrofiad:

Group Image

Prifysgol Ohio

"Ers i mi gyrraedd yr Unol Daleithiau ym mis Awst 2015 dydw i ddim wedi edifarhau eiliad ohono. Roeddwn yn disgwyl yr ychydig wythnosau cyntaf yma i fod yr anoddaf, ond beth brofais yn lle oedd y croeso mwyaf twymgalon a wnaeth imi ymlacio a theimlo’n gartrefol ar unwaith. Y brifysgol yw'r hynaf yn nhalaith Ohio, ac mae ganddi draddodiad cyfoethog sy’n eich taro yn syth wrth gyrraedd Athens."

Prif Uchafbwyntiau

"Byddwn yn dweud mai uchafbwynt mwyaf fy semester cyntaf y tu allan i’r brifysgol oedd pan wnaeth fy nhgydletywyr fy ngwahodd i'w cartrefi yn ystod dathliadau’r diolchgarwch. Roedd yn wir yn brofiad bythgofiadwy ac fe fydda i’n ddiolchgar am byth am y cyfle i ddod yn rhan o'u teulu am un o'r wythnosau pwysicaf yn y calendr Americanaidd."

"Uchafbwynt yr ail Semester i mi fu'r wythnos a dreuliais yn Cleveland, Ohio yn ystod gwyliau'r gwanwyn. Roedd yn brofiad gwych i grwydro Dinas mor hanesyddol sydd ag atyniadau mor wych, gan gynnwys y ‘Rock and Roll Hall of Fame’, a oedd yn uchafbwynt personol. Cefais y cyfle hefyd i fynychu gêm pêl-fasged Cavaliers a oedd yn syfrdanol."

Rhannu ystafell

"Un o'r pethau oedd yn fy mhoeni mwyaf am ddod yma oedd gorfod ymgyfarwyddo â rhannu ystafell gyda 3 pherson arall. Er hyn, canfyddais fy mod wedi fy mendithio â chyd-letywyr croesawgar, doniol a gwych sydd wedi troi mas i fod y ffrindiau gorau yr wyf wedi'u gwneud yma yn OU. Rwyf yn dra diolchgar fy mod wedi dod i'w hadnabod ac wedi ffurfio cyfeillgarwch a fydd yn para'n hir wedi imi ddychwelyd i Abertawe. Rwy'n credu fy mod hyd yn oed wedi eu hargyhoeddi i drefnu taith yn ôl i Gymru pan fyddant yn cael y cyfle."

 

 

Leah Newman Football

Myfyrdod

"Wrth gwrs cefais adegau pan oeddwn yn gweld eisiau cysuron cartref, ond mae'r da yn drech na'r drwg yn y sefyllfa hon, sydd wedi fy ngadael gydag atgofion anhygoel a gwerthfawr am gyfnod mor unigryw na fyddaf byth yn ei anghofio ... Ni allaf ddiolch digon i bawb a oedd â rôl waeth pa mor fach i'w chwarae yn y trefniadau a wnaeth fy ngalluogi i ddod yma a chael cyfle gwirioneddol anghredadwy i wneud rhywbeth hollol allan o'm parth cysur, ynghyd â phawb sydd wedi ei wneud yn ddigwyddiad mor fythgofiadwy yn fy mywyd."