Stori Myfyriwr

"Roedd y campws yn enfawr ac fel tref ynddo’i hun ac roedd partïon ‘ffrat’ yn union fel yr oeddwn yn disgwyl – yn llawn cwpanau plastig coch! Er fy mod yno ar gyfer y profiad Americanaidd nodweddiadol, fel myfyriwr Astudiaethau Americanaidd fy nod oedd cymryd ystod eang o fodiwlau a fyddai'n rhoi syniadau i mi ar gyfer fy nhraethawd estynedig a gwneud y gorau o'r adnoddau oedd ar gael."

"Gan fy mod eisiau elwa o brofiad coleg Americanaidd llawn, ymunais hefyd â chwaeroliaeth ‘sorority’ ... Roeddwn i'n byw yn nhŷ’r ‘sorority’ gyda 53 o ferched eraill a oedd yn gymaint o hwyl, ond roedd yn fwy na dim ond nosweithiau ffilm a phartïon ‘ffrat’. Roedd dyngarwch yn bwysig iawn i’m chwaeroliaeth i, ac roedd llawer o ddigwyddiadau codi arian y buom yn cymryd rhan ynddynt i godi arian ar gyfer sefydliad Make a Wish. Fy hoff foment o'r flwyddyn oedd y digwyddiad datgelu dymuniad, lle roeddem yn cyhoeddi faint o arian y gwnaethom ei godi y flwyddyn honno, a chwrdd ag un o'r plant yr oeddem wedi ariannu eu dymuniad."

"Yn ystod y flwyddyn, ymwelais â thros 16 o daleithiau, rhai gyda ffrindiau a rhai ar fy mhen fy hun, a gwelais olygfeydd anhygoel fel y Grand Canyon a Pharciau Cenedlaethol Yosemite."

"Fy mlwyddyn dramor oedd blwyddyn orau fy mywyd yn bendant, a dwi mor falch fy mod i wedi gwneud hynny a byddwn yn bendant yn annog eraill i astudio dramor. Fe wnes i ei fwynhau gymaint fel fy mod i'n ystyried ymgeisio i brifysgolion yn America ar gyfer astudiaethau ôl-raddedig a dwi eisoes yn ymchwilio i fwy o lefydd i deithio iddyn nhw."