Stori myfyriwr
Treuliodd Grace flwyddyn (2015-2016) yn astudio ym Mhrifysgol De Mississippi fel rhan o’i gradd Astudiaethau Americanaidd yma ym Mhrifysgol Abertawe. Dyma rhai o’i sylwadau am ei phrofiad:
Prifysgol De Mississippi
"Prifysgol De Mississippi oedd fy newis cyntaf wrth ymgeisio i brifysgolion yn yr Unol Daleithiau. Dewisais i hon yn wreiddiol oherwydd ei hanes cyfoethog a’i hamrywiaeth, a dyma’r brifysgol agosaf at New Orleans…Pan ymchwiliais Mississippi gyntaf, cefais ddisgrifiadau megis ‘y dalaith lletygarwch’, ‘Croeso cynhesaf y De’ a ‘man geni cerddoriaeth America’. Dechreuodd darlun ffurfio o le breuddwydiol, gyda thai trefedigaethol, te melys, wynebau cyfeillgar, cerddoriaeth jazz, a’r dosbarthau cymdeithasol sy’n rhan ohono."
Sioc Ddiwylliannol
"Yn America, mae’r llwyth gwaith yn uwch, ac mae papurau, cwisiau ac arholiadau trwy gydol y semester, sy’n cymryd amser i ymgyfarwyddo â nhw. Er ei fod yn ymddangos fel cryn dipyn o waith, mae’n llai anodd i wneud yn dda, fel mae hi gartref; ac mae nifer o bethau y gallwch wneud i ennill credydau pellach fydd yn gwella eich marciau.”
"Bues i'n byw yn llety’r brifysgol am y semester cyntaf, a dyma’r sioc ddiwylliannol fwyaf imi ei phrofi. Mae pawb yn rhannu ystafell gyda rhywun arall, rhywbeth dydw i ddim wedi gorfod gwneud yn fy mywyd, felly roedd yn rhaid imi addasu’n gyflym i’r agwedd hon o fy mywyd, gan oedd yn rhaid ystyried y person arall pan oeddwn yn fy ystafell.”
Prif Uchafbwyntiau
"Mae Mississippi yn le anhygoel a chwympais mewn cariad ag e dros y flwyddyn. Rwyf wedi ymweld â nifer o daleithiau gwahanol yn ystod y flwyddyn, a bob tro roeddwn yn ysu am gael dychwelyd i Hattiesburg. Dros y flwyddyn, rwyf wedi cefnogi’r tîm pêl droed, ac wedi ymweld â rodeo, rwyf wedi treulio Mardi Gras yn New Orleans, wedi gweld Stevie Wonder yn perfformio’n fyw, ac wedi cael yr amser gorau yn gyffredinol.”
Myfyrdod
Byddwn yn argymell blwyddyn dramor yn Ne Mississippi i unrhyw un, gan mai dyma’r peth gorau yr wyf wir wedi’i wneud erioed…Mae’r dalaith hon wir yn dalaith gartrefol, ac mae pawb yn cynnig croeso cynnes iawn, mae cymdogion yn dod i nabod ei gilydd, mae tipyn o de melys, a dydw i byth eisiau gadael. Rwy’n ystyried Hattiesburg yn gartref.”