Gweithgareddau CCTT

Mae’r Athro Tracey Sagar a’r Athro Cysylltiol Debbie Jones wedi ymchwilio i natur a dealltwriaeth o waith rhyw ers nifer o flynyddoedd. Mae eu gwaith wedi ceisio ailgysyniadu gwaith rhyw er mwyn lleihau stigma a gwella lles gweithwyr rhyw yn enwedig o ran myfyrwyr. Mae hyn wedi arwain at newidiadau eang mewn polisïau ymarfer yng Nghymru ac ystyrir gwaith rhyw yn fater y mae angen dulliau aml-asiantaeth arno ac yn ffactor hanfodol o ran llunio polisi mewn meysydd eraill, gan gynnwys trais domestig a chaethwasiaeth fodern.  

Mae’r adroddiad diweddaraf gan Ganolfan Arbenigedd ar Gam-drin Plant yn Rhywiol, a gyd-ariennir gan Lywodraeth Cymru ac a ysgrifennwyd gan Dr Susan Roberts. 

Ceisiodd yr ymchwil a ddisgrifiwyd yn yr adroddiad hwn greu dealltwriaeth well o raddfa’r cam-drin plant yn rhywiol a brofwyd gan wasanaethau plant awdurdodau lleol yng Nghymru ac archwilio sut y caiff pryderon ynghylch cam-drin plant yn rhywiol eu hadnabod a’u cofnodi a sut yr ymatebir iddynt. Mae’r adroddiad yn rhan o weithredoedd a restrir yng Nghynllun Gweithredu Cenedlaethol Llywodraeth Cymru 2019: Atal ac Ymateb i Gam-drin Plant yn Rhywiol. 

Mae Mark Jones a Debbie Jones yn rhannu eu profiadau o gynnal grwpiau ffocws cynhwysol gydag oedolion sydd wedi troseddu neu sydd mewn perygl o droseddu. Maent yn awgrymu y gall ymchwilwyr fod yn ddewr a chamu allan o’r cyfyngiadau sy’n eu dal yn ôl a gwireddu newidiadau cymdeithasol mewn ffordd ymarferol.

Darllenwch y postiad blog

Cyd-ysgrifennodd Dr Rick Lines a myfyriwr Troseddeg, Ellie Harding, bostiad blog ar gyfer ‘Talking Drugs’. Mae eu postiad yn trafod effeithiau pandemig Covid-19 ar lefelau defnyddio cyffuriau, yn ystyried sut mae carcharorion ymhlith y bobl fwyaf bregus o ran dal heintiau feiriol, yr ynysu eithriadol a achoswyd gan y pandemig, economi anghyfreithlon gwerthu cyffuriau mewn carchardai a’r cylch cythreulig y mae hyn yn ei achosi ar gyfer carcharorion.

Darllenwch y postiad cyfan.

Postiad blog a ysgrifennwyd gan Dr Rick Lines a myfyrwyr Troseddeg, Olivia Howells a Daniel Webb, ar gyfer Arsyllfa Polisi Cyffuriau Byd-eang ym Mhrifysgol Abertawe. Mae’r blog yn edrych ar sut defnyddir cyffuriau mewn carchardai a’r ‘canlyniadau anfwriadol’ – gan ymchwilio a yw gwahardd defnyddio cyffuriau yn gyrru niwed sy’n gysylltiedig â chyffuriau megis defnyddio’r sylweddau seicoweithredol newydd (NPS).

Darllenwch y postiad blog cyfan.

Deall Dyheadau ac Addysg o ran Ymataliad rhag Troseddu: Rôl Addysg Uwch yng Nghymru

Nod yr astudiaeth hon oedd archwilio rôl Addysg Uwch wrth gefnogi dyheadau er mwyn ymatal rhag ymddygiad troseddol mewn ardal leol iawn, sef Abertawe. Wrth lwyddo yn y nod cyffredinol hwn, ceisiodd y prosiect archwilio’r defnydd o Fapio Naratif ar ffurf Llun hefyd fel dull ymchwil i gasglu data a grymuso’r rhai hynny sy’n rhan o’r ymchwil.

Cyflwynwyd ymchwil a wnaed ar y cyd gan Rick Lines a Chymdeithas Lleihau Niwed Ewrasiaidd (EHRA) mewn dau ddigwyddiad, un yn Llundain ar 29 Hydref a'r llall ym Mhrifysgol Abertawe ar 30 Hydref. Roedd y cyflwyniadau'n canolbwyntio ar eu hymchwil ddiweddar ar y defnydd o sylweddau seicoweithredol newydd ym Moldofa ac ym Melarws ac argymhellion i fabwysiadu ymateb lleihau niwed. Cafodd yr ymchwil gefnogaeth gan y Gronfa Ymchwil i Heriau Byd-eang.

Daeth amrywiaeth o bobl i'r digwyddiadau o lu o sefydliadau, a oedd yn cynnwys sefydliadau anllywodraethol a noddwyr (Release, Harm Reduction International, y Consortiwm Polisi Cyffuriau Rhyngwladol, Frontline AIDS, Talking Drugs a Sefydliad AIDS Elton John), yn ogystal â staff a myfyrwyr o Brifysgol Abertawe.

Mae'r Ganolfan Cyfiawnder Troseddol a Throseddeg yn cynnal rhaglen o seminarau rheolaidd. Cynhaliwyd seminarau cyntaf blwyddyn academaidd 19/20 ar 23 Hydref, pan gafodd dau bapur eu cyflwyno:

1) Dr Melissa Mendez - 'Partisanship and positionality in qualitative research: Exploring the influences of the researcher’s experiences of serious crime on the research process'.

2) Joe Janes - 'The Role and Influence of Welsh Youth Offending Teams in the Context of Pre-Devolution Youth Justice'.

Mae New Pathways a Phrifysgol Abertawe (Dr Susan Roberts) wedi derbyn cyllid gan Sefydliad Lloyds Bank Cymru a Lloegr i gynnal ymchwil i oedolion sydd wedi goroesi trais rhywiol i ddysgu mwy am eu profiadau cwnsela a'u barn nhw am sut y dylid hyfforddi cwnselwyr. Bydd canfyddiadau'r ymchwil yn llywio cynnwys a chyflwyno Diploma newydd mewn Cwnsela ar gyfer Trauma a'u rhannu mewn digwyddiad ar 15 Awst 2019 ym Mhrifysgol Abertawe.

Ar hyn o bryd, mae Dr Susan Roberts yn rhan o ymchwil a ariannwyd ar y cyd â'r Ganolfan Arbenigedd ar Gam-drin Plant yn Rhywiol

Ffocws yr ymchwil fydd: 'Datgelu helaethder cam-drin plant yn rhywiol mewn cofnodion gofal iechyd.'