Cynorthwy-ydd Cyllid a Digwyddiadau - Partneriaeth Ymestyn yn Ehangach De-orllewin Cymru

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Rydym yn chwilio am Gynorthwy-ydd Cyllid a Digwyddiadau hynod drefnus a rhagweithiol i ymuno â thîm Partneriaeth Ymestyn yn Ehangach De-orllewin Cymru. Dyma gyfle cyffrous i gyfrannu at raglen ehangu cyfranogiad sefydledig sy'n cefnogi pobl ifanc a grwpiau heb gynrychiolaeth ddigonol i gael mynediad at addysg uwch ar draws de-orllewin Cymru.

Mae'r bartneriaeth, a arweinir gan Brifysgol Abertawe ac sy'n rhan o Fywyd Myfyrwyr, yn gweithio'n agos gydag ysgolion uwchradd, colegau addysg bellach a sefydliadau trydydd sector i ddarparu gweithgareddau effeithiol sy'n ysbrydoli ac yn cefnogi dysgwyr o gefndiroedd amrywiol. Fel rhan o'r tîm ymroddedig hwn, byddwch chi'n chwarae rhan bwysig wrth helpu'r rhaglen i weithredu'n effeithiol ac yn effeithlon.
Gan adrodd i Reolwr Partneriaeth Ymestyn yn Ehangach De-orllewin Cymru, bydd yr ymgeisydd llwyddiannus yn darparu cymorth ariannol a gweinyddol hanfodol ar draws ystod eang o weithgareddau. Mae'r rôl yn cynnwys rheoli prosesau ariannol dydd i ddydd, prosesu taliadau, cynnal cofnodion cywir a chefnogi'r gwaith o fonitro cyllidebau i sicrhau bod y rhaglen yn cael ei chyflwyno'n llwyddiannus ac er mwyn sicrhau datblygiad y rhaglen yn y dyfodol. 

Byddai'r rôl hon yn addas i rywun sydd â sgiliau trefnu rhagorol, sylw i fanylder a'r gallu i reoli nifer o flaenoriaethau'n effeithiol. Mae gwybodaeth ymarferol dda am Microsoft Excel a hyder wrth ymdrin â gwybodaeth ariannol yn hanfodol. Bydd yr ymgeisydd llwyddiannus hefyd yn meddu ar sgiliau cyfathrebu a rhyngbersonol cryf, gyda'r gallu i weithio'n gydweithredol fel rhan o dîm cefnogol sydd wedi'i ysgogi gan bwrpas.

Os ydych chi'n chwilio am rôl wobrwyol lle gallwch wneud cyfraniad ystyrlon at gyfle addysgiadol a symudedd cymdeithasol, byddem yn croesawu eich cais.

 

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Bydd angen darparu tystysgrif foddhaol gan y Gwasanaeth Datgelu a Gwahardd cyn y gellir cadarnhau dyddiad dechrau.

Rhannu Lawrlwytho Disgrifiad Swydd Lawrlwytho Llynfryn Argraffu'r dudalen hon Yn ôl at y rhestr