Swyddog Ymchwil (Arloesi ac Effaith)

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Ymunwch ag Ysgol Reolaeth Prifysgol Abertawe i chwarae rhan allweddol wrth gyflawni prosiect strategol ESRC IAA sy’n canolbwyntio ar gasglu a thystiolaethu effaith ymchwil yn y byd go iawn. Bydd y cyfle cyffrous hwn yn eich galluogi i weithio ar draws llywodraeth, y GIG, diwydiant a’r trydydd sector i gefnogi datblygiad Astudiaethau Achos Effaith REF ac allbynnau effaith o ansawdd uchel. Byddwch yn ymgysylltu’n uniongyrchol â rhanddeiliaid, yn casglu ac yn dadansoddi tystiolaeth effaith, ac yn helpu i siapio sut mae ymchwil yn trosi’n newid ystyrlon i gymdeithas a sefydliadau.

Wedi’i leoli o fewn yr Academi Dysgu Dwys Arloesi (Innovation ILA), mae’r rôl hon yn cynnig cyfle unigryw i weithio ar groesffordd ymchwil, polisi ac ymarfer, gan gyfrannu at allbynnau academaidd ac effaith ymarferol. Os oes gennych ddiddordeb mewn ymchwil gymhwysol, ymgysylltu â rhanddeiliaid, a gwneud gwahaniaeth y tu hwnt i’r byd academaidd, mae’r rôl hon yn gyfle rhagorol i ddatblygu eich gyrfa mewn amgylchedd deinamig a chydweithredol.

Mae Ysgol Reolaeth Prifysgol Abertawe, sy’n rhan o Gyfadran y Dyniaethau a’r Gwyddorau Cymdeithasol, yn ysgol fusnes sy’n canolbwyntio ar ymchwil ac sydd ag enw da am ymchwil rhyngddisgyblaethol sydd ag effaith. Mae’r Ysgol wedi dangos rhagoriaeth mewn effaith ymchwil, gyda chyfran sylweddol o’i hallbynnau’n cael eu cydnabod fel rhai sy’n arwain y byd neu’n rhagorol yn rhyngwladol.

Mae’r swydd hon wedi’i lleoli o fewn yr Academi Dysgu Dwys Arloesi Cymru Gyfan ar gyfer Iechyd a Gofal Cymdeithasol (Innovation ILA), sy’n amgylchedd ymchwil sy’n dod â chyd arbenigedd academaidd mewn arloesi, rheolaeth a thrawsnewid cymdeithasol. Mae’r Innovation ILA yn gweithio’n agos gyda phartneriaid ar draws y sectorau cyhoeddus, preifat a’r trydydd sector i ddeall a chefnogi arloesi mewn systemau cymhleth, gan gynnwys iechyd, gofal cymdeithasol a datblygiad rhanbarthol.

Mae’r rôl hefyd yn gysylltiedig yn agos â phortffolio’r Academi Dysgu Dwys Arloesi a’r Cyfrif Cyflymu Effaith (IAA) ehangach, sy’n canolbwyntio ar gyflymu trosglwyddo ymchwil i effaith yn y byd go iawn. Mae’r gweithgareddau hyn yn cynnwys cydweithio â Llywodraeth Cymru, sefydliadau’r GIG, partneriaid diwydiant a’r trydydd sector i gyd-ddatblygu atebion i heriau cymdeithasol a sefydliadol.

Mae’r prosiect hwn, a ariennir gan ESRC-IAA, yn canolbwyntio ar gryfhau gallu’r Brifysgol i gasglu, tystiolaethu a chyfathrebu effaith ymchwil. Bydd yn cefnogi datblygiad nifer o Astudiaethau Achos Effaith REF drwy adeiladu tystiolaeth strwythuredig, ymgysylltu â rhanddeiliaid a datblygu dulliau cynaliadwy o greu a gwerthuso effaith.

Bydd yr ymgeisydd llwyddiannus yn ymuno ag amgylchedd deinamig a chydweithredol sy’n gweithredu ar groesffordd ymchwil, polisi ac ymarfer, gyda chyfleoedd i gyfrannu at allbynnau ymchwil o ansawdd uchel, ymgysylltu â rhanddeiliaid a datblygu cyllid yn y dyfodol.

Gweler rhagor: https://www.swansea.ac.uk/som/innovation-academy/

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Llynfryn Lawrlwytho Disgrifiad Swydd Argraffu'r dudalen hon Yn ôl at y rhestr