1. Hafan
  2. Y Brifysgol
  3. Astudio
  4. Astudio, Gweithio a Haf Dramor
  5. Cyfleoedd Byd Eang i Fyfyrwyr
  6. Prifysgolion Partner Astudio Dramor
  7. Y Ffindir
  8. Diakonia-Ammattikorkeakoulu
  9. Stori Myfyriwr

Stori Myfyriwr

Stori myfyriwr

Treuliodd Romany semester (yn 2019) yn astudio yn y Ffindir fel rhan o'i gradd nyrsio ym Mhrifysgol Abertawe. Dyma rai o’i sylwadau am ei phrofiad:

Diakonia-Ammattikorkeakoulu

"Dewisais astudio dramor fel rhan o'm gradd gan fy mod bob amser wedi dyheu am deithio'r byd gyda phwrpas. Fy nyheadau yn y pen draw yw dod yn nyrs ddyngarol a gweithio o fewn gwersylloedd ffoaduriaid a gwledydd y trydydd byd...Dewisais weithio ac astudio dramor am fy mod am gael profiad o nyrsio mewn cyd-destun gwahanol, fyddai’n fy ngalluogi i gymharu gwahanol ffyrdd o nyrsio ac ennill ystod newydd o sgiliau clinigol."

Romany Finland

Sgiliau Newydd

"Rwyf wedi datblygu llawer o sgiliau clinigol a chymdeithasol newydd yn ogystal â datblygu rhai oedd gennyf eisoes. Cefais 10 wythnos o leoliad clinigol a llwyddais i nyrsio cleifion yn unol â chanllawiau a gweithdrefnau'r Ffindir. Cawsom ein hyfforddi i bibelli a chymryd gwaed cleifion; sef cyfle nad yw'r Cyngor Nyrsio a Bydwreigiaeth yn ei roi i fyfyrwyr Cymru. Cefais ddigon o gyfleoedd i ofyn cwestiynau a chyfrannu’n ymarferol, rwy'n ddysgwr cinesthetig, felly roedd hyn o fudd mawr i mi ac roeddwn yn gallu deall y rhesymau dros driniaethau penodol a’u llwybrau."

Hoff Atgof

“Arhosom mewn gwesty iâ oedd â thema ‘Game of Thrones’ ar ddechrau ein taith. Dwi'n cofio cerdded tu allan a doedd dim siw na miw i’w glywed. Roedd y coed wedi eu gorchuddio gyda dalennau gwyn pur, disglair, o eira. Roedd yr aer mor iach a ffres ac yn hawdd i’w anadlu. Cofiaf y teimlad o serenedd a diolchgarwch llwyr a gefais ar y foment honno."