Ymrwymiad i Noddfa

Dydd Mercher 22 Hydref - 1-2pm

Fel ceisiwr lloches neu ffoadur sy'n astudio mewn prifysgol, gall cynllunio eich gyrfa yn y dyfodol yn y DU ddod â heriau unigryw. Roedd ein Sesiwn Hwb Gyrfa yn weithdy 1 awr ar-lein pwrpasol a gynlluniwyd i helpu myfyrwyr o gefndiroedd sy’n ceisio lloches i feithrin hyder gyrfa a gwella eu cyflogadwyedd.

Dydd Llun 16eg i ddydd Gwener 22 Mehefin yn Yr Orsaf Gydweithredol, 9-11 Plas Dewi Sant, SA1 3LG

Rydym wedi gweithio ar y cyd ag elusennau a sefydliadau lleol yn Abertawe i gynnal rhaglen o ddigwyddiadau yn llawn sgyrsiau ysbrydoledig, celf, bwyd, diwylliant a mwy! Mae pob digwyddiad am ddim ac yn agored i bawb.

Dydd Mercher 11 Mehefin 2025 - Taliesin, Campws Singleton

Bydd y sesiwn hon yn helpu aelodau staff/y cyhoedd i ddeall system lloches bresennol y DU, heriau amrywiol a wynebir gan ffoaduriaid a cheiswyr lloches mewn addysg uwch, a sut gallan nhw gyfrannu at ddiwylliant o groeso a pherthyn yn ein cymuned ym Mhrifysgol Abertawe.

Dydd Mercher 5ed Chwefror

Cafodd myfyrwyr o Wcráin, gan gynnwys rhai o brifysgol bartner Abertawe yn y wlad, eu croesawu'n swyddogol i Abertawe mewn derbyniad ar y campws.

Mae Prifysgol Abertawe hefyd yn archwilio ffyrdd o roi cymorth i fyfyrwyr ac aelodau staff o brifysgolion eraill yn Wcráin.

Mae aelodau staff yn Abertawe hefyd yn cymryd rhan mewn mentrau i gefnogi Wcráin. Er enghraifft, Dr Dmitri Finkelshtein, Athro Cysylltiol Mathemateg, yw cadeirydd Sunflowers Wales, grŵp cymunedol nid-er-elw a drefnwyd gan wirfoddolwyr o Wcráin yng Nghymru i gefnogi Wcreiniaid y mae ymosodiad Rwsia wedi effeithio arnynt. Mae'r grŵp yn anfon cyflenwadau meddygol, dillad a chymorth dyngarol i Wcráin ddwywaith y mis.

Dydd Iau 17 o Fis Hydref 1pm – 3pm, Campws y Bae, Y Twyni

Dere i Arddangosiad y Gwasanaethau Cymorth i gwrdd â staff o'r gwasanaethau hyn, cael sgyrsiau wyneb yn wyneb am dy brofiadau di, a meithrin dealltwriaeth well o'r holl ffyrdd y gall y Brifysgol dy helpu i ffynnu yn ystod dy amser yma, beth bynnag rwyt ti'n ei astudio a beth bynnag yw dy gam astudio. Gobeithiwn fod ein holl fyfyrwyr yn teimlo'n gartrefol gyda ni yma yn Abertawe ond os oes angen cymorth personol neu academaidd arnat ti yn ystod dy astudiaethau, mae nifer o wasanaethau myfyrwyr a staff sydd ar gael i dy helpu di.

Bydd diodydd poeth ar gael, a nwyddau am ddim i gasglu o’ch gwasanaethau cymorth

Am mwy o wybodaeth: Arddangosiad y Gwasanaethau Cymorth

17 Rhagfyr 2024 - Prifysgol Efrog

Myfyrdod gan Amy Cribb Price, Swyddog Mynediad – Myfyrwyr sy'n ceisio Noddfa:

Roedd mynd i Gynhadledd Prifysgolion Noddfa ym Mhrifysgol Caerefrog, a gynhaliwyd gan STAR, yn brofiad llawn ysbrydoliaeth, gan ailddatgan bwysigrwydd ein gwaith ym Mhrifysgol Abertawe. Daeth y digwyddiad ag unigolion angerddol ynghyd o brifysgolion ledled y DU sy'n ymrwymedig i greu amgylchoedd croesawgar a phecynnau ysgoloriaeth ar gyfer ceiswyr lloches mewn addysg uwch.

Es i i lawer o weithdai amrywiol yn ystod y digwyddiad, gan archwilio arferion gorau ar gyfer cefnogi ysgolheigion noddfa, meithrin ymdeimlad o berthyn, goresgyn heriau a mynd i'r afael â rhwystrau mynediad. Roedd y trafodaethau hyn yn llawn syniadau arloesol a straeon llwyddiant gan sefydliadau eraill, gan ysgogi syniadau newydd ar gyfer ein rhaglen ni.

Roedd trafod gwaith noddfa gydag eraill sy'n gweithio yn yr un maes yn hynod werthfawr. Roedd rhannu heriau ac atebion yn pwysleisio cryfder rhwydwaith cydweithredol ar draws prifysgolion yn genedlaethol ac roedd hi'n galonogol gweld cynnydd Abertawe'n cyd-fynd â'r mudiad noddfa ehangach.

Gadewais y gynhadledd wedi fy ysgogi'n llwyr gan y cysylltiadau a wnaed a'r straeon a rannwyd, gan wybod ein bod yn rhan o gymuned sy'n gweithio i greu cyfleoedd a thrawsnewid bywydau. Rwy'n llawn cyffro i roi syniadau newydd ar waith a pharhau i hyrwyddo gweithgareddau noddfa ym Mhrifysgol Abertawe.

Dydd Mercher 20 Tachwedd, 14:00-15:30, Zoom (Ar-Lein)

Bydd y sesiwn hon yn helpu aelodau staff i ddeall y system ceisio lloches bresennol yn y DU, problemau amrywiol y mae ffoaduriaid a cheiswyr lloches yn eu hwynebu a sut gallant helpu i groesawu ac integreiddio ceiswyr lloches yn y Brifysgol ac yng Nghymru. Bydd siaradwr lloches yn y digwyddiad i drafod ei brofiad personol  ac arwain trafodaethau yn y grŵp. Drwy'r sesiwn hon, rydym yn gobeithio annog unigolion i groesawu pobl yn eu cymunedau eu hunain ac annog yr egwyddor o berthyn i bawb ym Mhrifysgol Abertawe.

I gadw eich lle ar y cwrs hwn, e-bostiwch Sanctuary@abertawe.ac.uk

Dydd Mawrth 5 Tachwedd, Theatr y Grand Abertawe, 11:30am-2pm & 2pm-2:30pm

Ymunwch â ni wrth i ni ddangos DYSTOPIA (2023), ffilm sy'n canolbwyntio ar hynt a helynt ffoadur Affricanaidd yn Ewrop. Ar ôl dangos y ffilm, bydd trafodaeth banel gyda'r gwneuthurwr ffilmiau o Sbaen,Samuel Sebastian, y cyd-gyfarwyddwr a'r cyd-gynhyrchydd Dr Sergei Shubin, a chyd-drefnwyr y digwyddiad sy'n dod o gefndiroedd ffoaduriaid.

Bydd y ffilm a'r drafodaeth ganlynol yn helpu i ddyneiddio ffoaduriaid heb eu gwrthrycholi, gan helpu i ddatblygu empathi fel y meincnod ar gyfer rhyngweithio moesegol â'r bobl sydd wedi'u dadleoli. Bydd y digwyddiad yn annog cyfranogwyr i ddatblygu perthynas fwy cadarnhaol â mudwyr a dylanwadu ar eu hagwedd bersonol, wleidyddol ac adfyfyriol tuag at bobl sy’n symud.

Pynciau'r digwyddiad: Ffoadur; ceisiwr lloches; Cymru; Abertawe; dangosiad; ffilm

Math o ddigwyddiad: Gweithgaredd wyneb yn wyneb

Cynulleidfa: Ar agor i bawb

Arweinydd y Digwyddiad: Dr Sergei Shubin

Cofrestrwch yma

Dydd Iau 10 o Fis Hydref, 11am – 3pm, Campws Parc Singleton, Taliesin Create  

Dydd Iau 17 o Fis Hydref 11am – 3pm, Campws y Bae, Y Twyni

Dere i Arddangosiad y Gwasanaethau Cymorth i gwrdd â staff o'r gwasanaethau hyn, cael sgyrsiau wyneb yn wyneb am dy brofiadau di, a meithrin dealltwriaeth well o'r holl ffyrdd y gall y Brifysgol dy helpu i ffynnu yn ystod dy amser yma, beth bynnag rwyt ti'n ei astudio a beth bynnag yw dy gam astudio.

Gobeithiwn fod ein holl fyfyrwyr yn teimlo'n gartrefol gyda ni yma yn Abertawe ond os oes angen cymorth personol neu academaidd arnat ti yn ystod dy astudiaethau, mae nifer o wasanaethau myfyrwyr a staff sydd ar gael i dy helpu di.

Bydd diodydd poeth ar gael, a nwyddau am ddim i gasglu o’ch gwasanaethau cymorth

Am mwy o wybodaeth: Arddangosiad y Gwasanaethau Cymorth

Ar ddechrau'r flwyddyn academaidd hon, cynhaliom Ddigwyddiad Croeso i bob myfyriwr sy'n ceisio noddfa. Roedd hwn yn gyfle i fyfyrwyr newydd gwrdd ag aelodau o staff a mynd ar daith o amgylch rhannau o'r brifysgol. Diolch i bawb a gymerodd ran.

Ar Ddiwrnod Diolch rhannodd tîm Cyfranogiad@BywydCampws sgwrs llawn gwybodaeth am ein gwaith yn cefnogi myfyrwyr sy'n ceisio noddfa, gan gynnwys ceiswyr lloches, ffoaduriaid, a'r rhai hynny sydd â chaniatâd amhenodol i aros.

Arddangoswyd ein rhaglenni sydd wedi'u teilwra, ein harweiniad un i un, a'n hymdrechion cydweithredol i greu amgylchedd croesawgar, cynhwysol ym Mhrifysgol Abertawe.

Diolch i bawb a ymunodd â ni i ddathlu a dysgu am ein hymrwymiad i wneud gwahaniaeth.