Mae Y Dull 5 Pwynt (1-Proses; 2-Pobl; 3-Lleoedd; 4–Safbwyntiau; 5-Cyflwyniadau) Prifysgol Abertawe'n cydnabod consensws cynyddol ar draws y sector am sut i wneud aseiniadau'n fwy gwydn yn oes AI Cynhyrchiol. Mae nodau'r cwrs yn cynnwys y model addysgu ac asesu a gwobrwyo ffyrdd moesegol a chreadigol o ddefnyddio AI Cynhyrchiol, gan leihau'r risg o gamymddygiad academaidd. Gall staff mewn sawl disgyblaeth ei ddefnyddio ac mae'n sbardun ar gyfer cydweithio trawsddisgyblaethol. Fersiwn PDF.
Y Dull 5 Pwynt - CYNLLUNIO ASESIADAU AC UNIONDEB ACADEMAIDD YN OES DEALLUSRWWYDD ARTIFFISIAL CYNHYRCHIOL
Yr Ymagwedd
Mae'r dull yn gweithio drwy helpu myfyrwyr i osgoi sefyllfaoedd lle gallent ddefnyddio AI cynhyrchiol i wneud rhywbeth sy'n cael ei ystyried yn gamymddygiad academaidd. Mae’n gwneud hynny drwy symud myfyrwyr i ffwrdd o'u cyfrifiaduron personol lle maen nhw yn aml ar eu pennau eu hunain ac yn gweithio'n anweladwy. Yn lle hynny, mae myfyrwyr mewn lleoedd a rennir, yn cael eu gweld yn cydweithio ac yn rhyngweithio ag arbenigwyr - ac yn ysgrifennu am yr hyn maen nhw'n ei wneud, y cyfleoedd maen nhw'n dod ar eu traws a'r problemau maen nhw'n eu datrys.
Y Dull 5 Pwynt
Sgiliau A Proses
Pobl
Lleoedd
.png)
Safbwyntiau
.png)
Cyflwyniadau
.png)
Newid y pwyslais o werthuso'r allbwn neu'r 'ateb' terfynol i gwestiwn, gan werthuso'r prosesau amrywiol a ddefnyddir gan ddysgwyr. Cynnwys y fethodoleg a ddefnyddir i ddatblygu a chyflwyno'r allbwn terfynol, ychwanegu disgwyliadau at feini prawf/gynllun marcio'r asesiad. Annog dysgwyr i dynnu ar feddwl dyfnach, dadansoddol, gan ddileu'r cyfle i ychwanegu ymateb AI at deitl aseiniad. Mae hyn yn cefnogi tryloywder ac yn meithrin ymwybyddiaeth o ddewisiadau methodolegol.
Drwy ryngweithio ag ymarferwyr ac academyddion mewn amrywiaeth o ddisgyblaethau, gall dysgwyr ddarganfod safbwyntiau newydd ar eu disgyblaeth benodol. Gall perthnasoedd a chysylltiadau sy'n cael eu meithrin wrth ymwneud â phobl wyneb yn wyneb fod yn ddefnyddiol wrth iddynt fynd i’r gweithle.
Annog ymchwil mewn amgylcheddau hygyrch go iawn, e.e. lleoliad/amgylchedd penodol, archifau, ysgolion neu lyfrgelloedd - gallant archwilio ac
adrodd ar sut mae cwestiynau eu hymchwil a'u gwybodaeth am y ddisgyblaeth yn croestorri â chyd-destunau lleol go iawn. Mae ymagwedd ddysgu sy'n seiliedig ar leoedd yn cefnogi ymchwil amlddisgyblaethol, gan ysgogi dysgwyr i gysylltu eu gwybodaeth a'u fframweithiau damcaniaethol â phrofiadau ymarferol sy'n gysylltiedig ag amgylchedd penodol.
Annog defnyddio AI fel sbardun ar gyfer meddwl rhyngddisgyblaethol - paru dysgwyr o wahanol ddisgyblaethau a'u gwahodd i ddefnyddio AI Cynhyrchiol i efelychu sgyrsiau wedi'u dramateiddio rhwng eu disgyblaethau. Mae'r dysgwyr yn meithrin dealltwriaeth epistemig ac, yn benodol, ddealltwriaeth epistemig ryngddisgyblaethol, drwy ysgogi trafodaethau bywiog am wirionedd ac ymddiriedaeth o fewn eu disgyblaethau ac ar eu traws. Gall y strategaeth hon hefyd annog dysgwyr i feddwl yn feirniadol am ffyrdd y gallwn ddefnyddio AI Cynhyrchiol.
Creu cyfleoedd i ddysgwyr gyflwyno eu gwaith i gynulleidfaoedd go iawn, e.e. cynadleddau ymchwil y gyfadran, cyflwyniadau yn y dosbarth neu ar ffurf posteri. Drwy adborth gan gyd-fyfyrwyr a thiwtoriaid, mae hyn yn cynorthwyo wrth ddatblygu deialog a hunaniaeth ysgolheigaidd, ac mae'r profiadau'n helpu dysgwyr i ddatblygu sgiliau cyfathrebu a hyder wrth fynegi syniadau ar draws ffiniau disgyblaethol. Mae'n bwysig dilyn Polisi Addasiadau Rhesymol y Brifysgol.