Bydd y datblygiad arfaethedig ym Mharc Chwaraeon Bae Abertawe, Lôn Sgeti ar Gampws Singleton y Brifysgol yn dod ag arloesedd ynghyd ac yn hyrwyddo arloesedd mewn chwaraeon, iechyd a lles, a byddant yn tynnu ar arbenigedd o rwydwaith y Brifysgol o bartneriaid academaidd, iechyd a diwydiannol cydweithredol.
Ariennir y datblygiad drwy Fargen Ddinesig Bae Abertawe mewn partneriaeth â Bwrdd Iechyd Prifysgol Bae Abertawe, Bwrdd Iechyd Prifysgol Hywel Dda, ac Cyngor Abertawe.
Bydd y datblygiad yn helpu'r Brifysgol i feithrin, tyfu ac ehangu cydweithrediad rhwng partneriaid iechyd a chwaraeon i ddatblygu cysyniadau arloesol a meithrin cydweithrediad. Bydd hyn yn ei dro'n creu cyfleoedd busnes gyda'r nod cyffredin o wella perfformiad pobl, iechyd y boblogaeth, creu swyddi a thwf economaidd i’r rhanbarth ehangach, a dyrchafu'r dirwedd chwaraeon drwy gyfleusterau o safon fyd-eang.
Bydd hyn yn ategu dyhead Prifysgol Abertawe i gael ei chydnabod fel y brifysgol chwaraeon fwyaf gweithgar a llwyddiannus yng Nghymru, ac yn galluogi datblygiad dyfeisiau arloesol ym meysydd gofal iechyd a meddygaeth, gan ddefnyddio ymchwil o'r radd flaenaf yn y gwyddorau bywyd a thechnoleg i hybu twf economaidd a dyrchafu'r dirwedd chwaraeon drwy gyfleusterau o safon fyd-eang.
Dysgwch fwy yn nish.walesBydd gwaith yn dechrau ym Mharc Chwaraeon Bae Abertawe ar ddydd Llun 16 Mawrth ar adeilad newydd Y Sefydliad Cenedlaethol dros Chwaraeon ac Iechyd.
Bydd y cyfleuster newydd yn cefnogi datblygiad cymuned amlddisgyblaethol ym meysydd technoleg chwaraeon, technoleg meddygol a gofal iechyd, gyda’r nod o hyrwyddo chwaraeon, iechyd a lles. Darllenwch fwy yma.
Cefndir y Prosiect
Wedi’i leoli’n gyfleus ym Mharc Chwaraeon Bae Abertawe, yn agos at Gampws Singleton y Brifysgol ac Ysbyty Singleton, bydd yr adeilad pedwar llawr 2,000m² yn cynnwys academi iechyd a lles, ystafell efelychu, cyfleusterau cyfryngau a mannau cydweithredol – cymerwch daith rithwir.
Rydym yn falch o fod wedi penodi Willmott Dixon yn brif gontractwr ar gyfer y prosiect. Bydd y tîm yn Willmott Dixon yn cydweithio’n agos gyda Phrifysgol Abertawe a Pharc Chwaraeon Bae Abertawe i sicrhau bod mynediad i’r cyfleusterau chwaraeon yn cael ei gynnal a bod aflonyddwch yn cael ei leihau cymaint â phosibl drwy gydol y rhaglen adeiladu. Disgwylir i’r prosiect gael ei gwblhau erbyn Hydref 2027.
Rhaglen Waith Gychwynnol
Bydd gweithgaredd cychwynnol ar y safle yn dechrau gyda gwaith paratoi:
Parcio i Gwsmeriaid
Er mwyn lleihau’r effaith ar barcio i gwsmeriaid, rydym wedi gweithio gyda Willmott Dixon i gadw maint compownd y safle I’r lleiafswm. Efallai y bydd cyfleoedd i leihau maint y compownd yn ystod y prosiect, gan ryddhau mwy o leoedd parcio. Rydym hefyd wedi sicrhau parcio gorlif am ddim i’n cwsmeriaid ym maes parcio staff y Bwrdd Iechyd – gweler y cynllun isod.
Byddwn yn parhau i ddarparu diweddariadau wrth i’r prosiect fynd rhagddo. Os oes gennych unrhyw gwestiynau neu bryderon ynghylch y gwaith, anfonwch e-bost at: campusdevelopment@swansea.ac.uk.
Cynllun y Safle
Lawrlwythwch gynllun y safle: Cynllun y Safle NISH
