Mentor Arbenigol Iechyd Meddwl/Cyflyrau ar y Sbectrwm Awtistig

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Bydd deiliad y swydd yn gyfrifol am ddarparu Mentora Arbenigol (Iechyd Meddwl/Cyflyrau ar y Sbectrwm Awtistig), fel rhan o'r ddarpariaeth Cynorthwywyr Anfeddygol, a ariennir gan y Lwfans i Fyfyrwyr Anabl. Bydd yn ofynnol i ddeiliad y swydd:

• Roi cymorth un i un i fyfyrwyr a ddyrannwyd i chi gan eu helpu gydag effaith ymarferol eu hiechyd meddwl neu gyflwr ar y Sbectrwm Awtistig ar eu profiad academaidd
• Gweithio'n agos a chyfathrebu'n effeithiol â Thîm Lles y Brifysgol i gefnogi'r broses o ymgysylltu â staff academaidd a gwasanaethau'r Brifysgol.
• Cyflwyno ymyriadau â ffocws i helpu myfyrwyr i reoli eu hiechyd meddwl/awtistiaeth, gan alluogi myfyrwyr i ymgysylltu â'u dysgu, gan gynnwys astudio annibynnol
• Bod â gwybodaeth a gwerthfawrogiad am yr ystod o weithgareddau, cyrsiau, cyfleoedd, sefydliadau ac unigolion y gellir eu defnyddio i roi cymorth ychwanegol i fyfyrwyr a pharchu'r rhain, ac annog annibyniaeth
• Cofnodi pob asesiad, cam gweithredu a chanlyniad yn glir yn y systemau cofnodi presennol.
• Cydymffurfio â fframwaith moesegol y Tîm Lles a chôd ymddygiad unigolion proffesiynol, gan gymryd rhan mewn goruchwyliaeth glinigol reolaidd.
• Bod yn ymwybodol o ymchwil ac ymarfer presennol ym maes awtistiaeth a rhannu arfer gorau.
• Cydweithredu â gweithdrefnau sicrhau ansawdd fel rhan o ofynion Lwfans Myfyrwyr Anabl

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Disgrifiad Swydd Argraffu'r dudalen hon Yn ôl at y rhestr