Cydlynydd Lleoliadau Gwaith Proffesiynol

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Rydym yn chwilio am unigolyn hynod drefnus a rhagweithiol i gefnogi'r gwaith o gydlynu a chyflwyno lleoliadau gwaith proffesiynol a chlinigol yn effeithiol yn y Tîm Lleoliadau Clinigol.

Bydd deiliad y swydd yn rheoli'r gwaith o weinyddu a chydlynu lleoliadau ymarfer, gan sicrhau bod prosesau'n gadarn, yn effeithlon ac yn cydymffurfio â gofynion proffesiynol, rheoleiddiol a sefydliadol. Gan weithio'n agos gyda chydweithwyr y GIG, staff academaidd, myfyrwyr a phartneriaid allanol ar draws rhaglenni penodol o astudio, neu gefnogi swyddogaeth benodol yn y tîm, bydd y rôl yn cefnogi profiadau lleoliad gwaith o ansawdd uchel ac yn cyfrannu at welliant gwasanaeth parhaus. Mae'r gallu i feithrin perthnasoedd gweithio effeithiol a datblygu dealltwriaeth gadarn o raglenni academaidd a rheoliadau'n hanfodol.

Lleolir y swydd yn bennaf ar Gampws Singleton, gyda gwaith achlysurol ar Gampws Caerfyrddin yn ôl yr angen.

Bydd yr ymgeisydd llwyddiannus yn gyfrifol am gyflwyno'r holl agweddau ar weinyddu lleoliadau ymarfer i safon broffesiynol uchel a dod â phrofiad gweinyddol sylweddol, sgiliau cyfathrebu a datrys problemau cryf, a'r gallu i reoli prosesau cymhleth â chywirdeb, disgresiwn a phroffesiynoldeb. Mae profiad o weithio ym maes addysg uwch neu amgylchedd arall sy'n cael ei reoleiddio yn ddymunol.

Mae'r rôl yn rhan o dîm Lleoliadau Clinigol perfformiad uchel a phrysur. Bydd deiliad y swydd yn drefnus ac yn rhagweithiol iawn, gan feddu ar sgiliau TG cryf, sylw ardderchog i fanylion, a'r gallu i weithio i derfynau amser tynn dan bwysau, gan ragweld a datrys problemau wrth iddynt ddod i'r amlwg.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Bydd angen i chi ddarparu tystiolaeth foddhaol o wiriad gan y Gwasanaeth Datgelu a Gwahardd cyn y gellir cadarnhau dyddiad dechrau 

Rhannu Lawrlwytho Disgrifiad Swydd Argraffu'r dudalen hon Yn ôl at y rhestr