Ymgynghorydd Myfyrwyr Mathemateg ac Ystadegau

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Mae’r Ganolfan Llwyddiant Academaidd yn darparu ystod eang o gyrsiau, apwyntiadau unigol a chynnwys ar-lein i alluogi myfyrwyr i ymgysylltu’n llawn â’u hastudiaethau academaidd a datblygu sgiliau trosglwyddadwy a fydd yn berthnasol pan fyddant yn graddio. 

Caiff ymgynghorwyr Myfyrwyr Mathemateg ac Ystadegau eu recriwtio i gynorthwyo’r tîm Llwyddiant Academaidd wrth ddarparu arweiniad mathemateg ac ystadegau un i un i fyfyrwyr Prifysgol Abertawe ar y campws neu’n rhithwir drwy apwyntiadau a drefnwyd o flaen llaw ar-lein. At hynny, byddwch yn codi ymwybyddiaeth myfyrwyr o’n hadnoddau ar-lein ac yn eu cyfeirio at wasanaethau eraill fel y bo’n briodol. Mae ein cymorth mathemateg ac ystadegau ar gael i’r holl fyfyrwyr, waeth be fo galluoedd presennol myfyrwyr. 

Myfyriwr israddedig neu ôl-raddedig presennol ym Mhrifysgol Abertawe, sy’n astudio Mathemateg, Ystadegau neu radd arall sydd â lefel uchel o gynnwys

Y rôl

• Darparu cymorth dysgu mathemateg ac ystadegau i amrywiaeth eang o fyfyrwyr ar ffurf sesiynau cymorth un i un.
• Hysbysu myfyrwyr o adnoddau dysgu ar-lein ar Canvas a chynnig arweiniad ar ddefnyddio’r deunyddiau.
• Defnyddio adnoddau ar-lein mewn sesiynau cymorth.
• Ymdrin â materion myfyrwyr ehangach mewn modd sensitif a chyfeirio myfyrwyr at wasanaethau cymorth priodol ar y campws.  
• Cynorthwyo gyda chyhoeddusrwydd ar gyfer sesiynau galw heibio ac adnoddau ar-lein.
•  Cynorthwyo wrth weinyddu dogfennau cofrestru ac adborth.
• Sicrhau y rhoddir holl bolisïau’r Brifysgol ar waith o fewn cylch gwaith y swydd. Rhoddir hyfforddiant llawn.
• Mynd i’r holl sesiynau hyfforddiant perthnasol.
• Ymgymryd â dyletswyddau rhesymol eraill yn ôl y gofyn o fewn cwmpas y swydd.

 

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Disgrifiad Swydd Lawrlwytho PS-Llyfryn yr Ymgeisydd-(CY).pdf Argraffu'r dudalen hon Yn ôl at y rhestr