Cynhelir y symposiwm ar Gampws y Bae Prifysgol Abertawe, cyfleuster modern, pwrpasol mewn lleoliad trawiadol ar lan y môr ym Mae Abertawe. Mae'r campws yn cynnig darlithfeydd o'r radd flaenaf, mannau cydweithredol a thechnoleg arloesol i sicrhau profiad eithriadol i'r holl gyfranogwyr.
Ynglŷn â Phrifysgol Abertawe
Mae Prifysgol Abertawe'n sefydliad blaenllaw yn y DU sy'n adnabyddus am ei rhagoriaeth ymchwil, addysgu arloesol a phartneriaethau rhyngwladol cryf. Wedi'i sefydlu ym 1920, mae gan y Brifysgol hanes balch o feithrin darganfyddiadau academaidd a chydweithio ar draws disgyblaethau. Gyda champysau sy'n edrych dros Fae Abertawe, mae'n cynnig amgylchedd bywiog lle mae myfyrwyr a staff yn gweithio ar y cyd i fynd i'r afael â heriau byd-eang, datblygu gwybodaeth a chreu effaith fyd-eang go iawn.
Pam Campws y Bae?
- Lleoliad llawn ysbrydoliaeth: Mae Campws y Bae ar yr arfordir prydferth lle ceir golygfeydd syfrdanol ac amgylchedd tawel ar gyfer dysgu a rhwydweithio.
- Cyfleusterau o'r radd flaenaf: Ceir mannau addysgu a chynadledda uwch, ystafelloedd ymneilltuo a chysylltedd cyflym.
- Mynediad Hawdd: Mae'n lleoliad cyfleus, ychydig funudau o ganol dinas Abertawe ynghyd â chysylltiadau trafnidiaeth ardderchog a pharcio ar y safle.
