Hyfforddwr Cryfder a Chyflyru

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Mae Chwaraeon Prifysgol Abertawe yn chwilio am Hyfforddwr Cryfder a Chyflyru brwdfrydig a llawn cymhelliant i ymuno â'i thîm chwaraeon perfformiad uchel. Mae hwn yn gyfle cyffrous i chwarae rhan allweddol wrth gefnogi myfyrwyr-athletwyr ar draws ystod o chwaraeon, gan eu helpu i wneud y mwyaf o berfformiad, meithrin gwydnwch, a chyflawni eu potensial chwaraeon.

Bydd yr ymgeisydd llwyddiannus yn arwain y gwaith o ddylunio a chyflwyno rhaglenni cryfder a chyflyru ar sail tystiolaeth ar gyfer athletwyr a thimau unigol. Gan weithio ar draws amgylcheddau campfa, cae a phwll, byddwch yn cymhwyso egwyddorion gwyddor chwaraeon i wella perfformiad corfforol, lleihau'r risg o anafiadau, a chefnogi prosesau adsefydlu a dychwelyd i chwarae. Byddwch yn gyfrifol am fonitro datblygiad athletwyr drwy brofi, proffilio a dadansoddi perfformiad, gan ddefnyddio data i lywio dylunio rhaglenni a gwerthuso canlyniadau.

Agwedd allweddol o'r rôl yw cydweithio. Byddwch yn gweithio'n agos gyda hyfforddwyr, ffisiotherapyddion, ymarferwyr meddygol, a staff cymorth eraill i gyflwyno dull integredig o ddatblygu athletwyr. Bydd meithrin perthnasoedd cryf gydag athletwyr, hyfforddwyr, cyrff llywodraethu a phartneriaid allanol yn hanfodol i sicrhau gwasanaeth o ansawdd uchel sy'n bodloni amcanion y rhaglen a disgwyliadau rhanddeiliaid.

Mae'r rôl hefyd yn cynnwys cefnogi'r gwaith o gyflwyno rhaglenni chwaraeon perfformiad yn weithredol, gan gynnwys cynnal a chadw cyfleusterau ac offer, cyfrannu at arferion gwaith diogel, a chynorthwyo â gofynion adrodd ar gyfer partneriaid a rhanddeiliaid allweddol. Bydd cyfle gennych i gefnogi cystadlaethau, gwersylloedd hyfforddi a digwyddiadau drwy gydol y flwyddyn, tra hefyd yn cyfrannu at ddatblygu a goruchwylio rhaglenni interniaeth.

Rydym yn chwilio am unigolyn sydd â sgiliau hyfforddi, cyfathrebu a threfnu rhagorol a all reoli gofynion gweithio ar draws nifer o raglenni chwaraeon a pherfformiad yn effeithiol. Mae ymrwymiad i ddatblygiad proffesiynol parhaus, arloesedd ac ymarfer sy'n canolbwyntio ar yr athletwr yn hanfodol.

Mae'r swydd hon yn cynnig y cyfle i greu effaith ystyrlon mewn amgylchedd chwaraeon prifysgol ffyniannus, gan helpu i feithrin diwylliant o ragoriaeth, cydweithio a pherfformiad uchel. Os ydych chi'n angerddol am ddatblygiad athletwyr ac yn mwynhau gweithio mewn tîm amlddisgyblaethol deinamig, byddem yn croesawu'ch cais.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Bydd angen darparu tystysgrif foddhaol gan y Gwasanaeth Datgelu a Gwahardd cyn y gellir cadarnhau dyddiad dechrau.

Rhannu Lawrlwytho Disgrifiad Sydd Argraffu'r dudalen hon Yn ôl at y rhestr