Gwyddonydd Data

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Prif bwrpas y rôl hon yw cefnogi'r gwaith o ddatblygu galluoedd Porth Data DPUK drwy hyrwyddo datblygiad a chymhwysiad data synthetig. Byddwch yn gweithio'n agos gyda'n partneriaid a'r tîm ehangach i adeiladu offer a phiblinellau data synthetig cadarn sy'n caniatáu ymchwil data diogel.

Prif ffocws y swydd hon fydd arddangos gwerth byd go iawn data synthetig mewn amgylchoedd ymchwil data diogel. Fel rhan o'r effaith ehangach hwn, byddwch yn cydweithio â phrosiect Grŵp Cymunedol UK Synthetic Data i helpu i wella llywodraethiant, safonau ac offer data synthetig. Byddwch hefyd yn datblygu astudiaethau achos dadansoddol sy'n amlygu defnyddioldeb gwahanol fathau o ddata synthetig, gan weithio gyda chydweithwyr i greu deunyddiau ac adnoddau  gweithdai, a chynorthwyo i ysgrifennu a lledaenu adroddiadau a chanfyddiadau ymchwil i'r gymuned wyddonol ehangach.

Mae prif ddibenion y rôl yn cynnwys:

1. Datblygu piblinellau: Dylunio, adeiladu a chynnal piblinellau a setiau data am ddata synthetig.
2. Arddangos gwerth y byd go iawn: Arddangos cymhwysiad ymarferol data synthetig mewn TRE drwy astudiaethau achos sy'n amlygu defnyddioldeb data synthetig mewn achosion gwahanol.
3. Dylanwadu ar safonau cenedlaethol: Gweithio gyda Grŵp Cymunedol UK Synthetic Data i helpu i lywodraethu fframweithiau, safonau arferion gorau a rhannu offer ar gyfer data synthetig.
4. Cydweithio â chydweithwyr i greu deunyddiau gweithdai, adnoddau a chanllawiau hyfforddiant i alluogi defnydd ehangach o ddata synthetig ar draws y gymuned ymchwil data.
5. Lledaenu Canfyddiadau: Cofnodi canfyddiadau ymchwil, creu adroddiadau technegol, ac arddangos canlyniadau i randdeiliaid a'r gymuned wyddonol ehangach.
6. Gweithio'n agos gyda phartneriaid a phrosiectau ehangach i greu offer data synthetig, setiau data a phiblinellau cadarn sy'n sicrhau ymchwil diogel, cyfunol.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Disgrifiad Swydd Argraffu'r dudalen hon Yn ôl at y rhestr