Swyddog Technoleg ac Addysg â Chymorth Digidol

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Mae'r Tîm Datblygu Addysg yn cydweithio â chydweithwyr yn y Cyfadrannau a'r gwasanaethau proffesiynol trwy drafod, myfyrio ac ysbrydoli er mwyn i addysgu ddatblygu'n barhaus ac i fyfyrwyr Abertawe allu achub ar gyfleoedd dysgu gwerthfawr. Gwneir hyn drwy lunio a chefnogi datblygiad addysgeg staff fel bod Abertawe'n parhau i gael ei chydnabod am ei hamgylchedd dysgu ac addysg rhagorol, gan greu effaith gadarnhaol ar brofiad y myfyrwyr.

Bydd gan yr ymgeisydd llwyddiannus ddealltwriaeth gref o addysgeg a phrofiad o gyflawni rhagoriaeth ac arloesi mewn dysgu ac addysgu gydag arbenigedd penodol o ran sut gall dylunio technoleg a dysgu digidol gael eu defnyddio i wella ansawdd addysgu.

Bydd deiliad y swydd yn rhoi cyngor, arweiniad, cymorth a hyfforddiant arbenigol i staff academaidd a rhanddeiliaid allweddol eraill ar draws y brifysgol o ran y defnydd addysgegol priodol o blatfformau dysgu â chymorth technoleg. Bydd hyn yn gofyn am ddealltwriaeth fanwl o dechnolegau a ddefnyddir i gefnogi dysgu yn Abertawe, gan gynnwys Canvas a Turnitin, ymhlith platfformau eraill, ar gyfer dysgu cyfunol, o bell a thraddodiadol.

Bydd y rôl hon yn galw am sgiliau gwaith tîm, ysgogi a chyfathrebu rhagorol, gallu trefnu eich hun, bod yn hyblyg a'r angen i weithio at derfynau amser priodol.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Disgrifiad Swydd Lawrlwytho Llynfryn Argraffu'r dudalen hon Yn ôl at y rhestr