Swyddog Ymchwil - Ystadegydd

Y Brifysgol

Mae Prifysgol Abertawe'n brifysgol a arweinir gan ymchwil sydd wedi bod yn gwneud gwahaniaeth ers 1920. Mae cymuned y Brifysgol yn ffynnu ar archwilio a darganfod ac mae'n cynnig y cydbwysedd cywir o addysgu ac ymchwil rhagorol i gyd-fynd ag ansawdd bywyd ardderchog.

Mae ein campysau glan môr a'n cymuned amlddiwylliannol yn gwneud y Brifysgol yn weithle dymunol i gydweithwyr o bedwar ban byd. Mae ein cydnabyddiaeth a'n buddion, a'n ffyrdd o weithio, yn galluogi i bobl sy'n ymuno â ni i gael gyrfaoedd gwobrwyol, ar y cyd â chydbwysedd gwaith-bywyd rhagorol.

Y rôl

Swydd am gyfnod penodol yw hon tan fis Medi 2027, amser llawn.

Bydd gan yr ymgeisydd llwyddiannus rôl ganolog yn rhaglen ymchwil a ariennir gan Diabetes UK ym Mhrifysgol Abertawe.  Prif nod y prosiect yw deall datblygiad niwropatheg berifferol ddiabetig (DPN) a'i pherthynas â ffactorau risg hydredol mewn pobl â diabetes math 2, gan ddefnyddio cofnodion iechyd electronig mewn amgylcheddau ymchwil dibynadwy.   Byddwch yn arwain y gwaith modelu ystadegol llwybrau HbA1c, pwysau gwaed systolig, BMI, cyfanswm colesterol a thriglyseridau, gan ddefnyddio modelau effeithiau cymysg llinol-rigol gan gymryd mesuriadau unigolion. Bydd eich gwaith modelu'n cynnwys newid graddfeydd ac amrywiant dros amser, nifer gwahanol o fesuriadau fesul unigolyn a thybiaeth goll ar hap.

Yna byddwch yn integreiddio'r dadansoddiadau epidemiolegol hyn â deallusrwydd artiffisial sy'n deillio o fiofarcwyr delweddau retinol a modelau rhagfynegi risg, i fynd i'r afael â phedwar prif gwestiwn ymchwil:  nodi patrymau ffactor risg sy'n rhagflaenu dechrau DPN; mapio sut mae rhagfynegi risg retinol ar sail AI yn cyd-fynd â llwybrau risg hydredol;  archwilio sut mae datblygiad DPN yn cysylltu â chymhlethdodau eraill diabetes;  ac asesu sut mae meddyginiaethau newydd (e.e. cydweddau GLP-1 RA a GLP-1 RA+GIP) yn dylanwadu ar risg DPN. Byddwch yn paratoi dadansoddiadau disgrifiadol, yn gosod amryw o fodelau atchweliad cocs  gydag addasiad dryswr, cynnal dadansoddiadau haenedig ac is-grŵp (gan gynnwys yn ôl rhyw, ethnigrwydd, math o ddiabetes a hanes o hypoglycaemia) a chreu allbynnau gweledol megis mapiau gwres nodweddion retinol a llwybrau risg cysylltiedig.  Byddwch yn cydweithio â chydweithwyr clinigol, gwyddor data a gwybodeg, yn cyfrannu at lawysgrifau ac adroddiadau ac yn helpu i drosi canfyddiadau'n negeseuon clinigol ac o ran polisi. Mae'r swydd yn gyfle i ddefnyddio methodoleg o'r radd flaenaf, datblygu eich proffil cyhoeddi a chyfrannu at effaith yn y byd go iawn o ran gofal diabetes.

Cydraddoldeb, Amrywiaeth a Chynhwysiant

Mae'r Brifysgol yn ymrwymedig i gefnogi a hyrwyddo cydraddoldeb ac amrywiaeth yn ei holl arferion a gweithgareddau. Rydym yn ymdrechu i greu amgylchedd cynhwysol a chroesawn geisiadau gan ymgeiswyr amrywiol o'r grwpiau nodweddion gwarchodedig canlynol: oedran, anabledd, ailbennu rhywedd, priodas a phartneriaeth sifil, beichiogrwydd a mamolaeth, hil (gan gynnwys lliw croen, cenedligrwydd, tarddiad ethnig a chenedlaethol), crefydd a chred, rhyw, tueddfryd rhywiol.

Sgiliau Cymraeg

Lefel y sgiliau Cymraeg sydd ei hangen ar gyfer y rôl hon yw Lefel 1 - Ychydig. Bydd deiliad y swydd yn gallu ynganu geiriau Cymraeg, ateb y ffôn yn Gymraeg, a defnyddio geiriau ac ymadroddion sylfaenol bob dydd (diolch, os gwelwch yn dda). Gellir cyrraedd lefel 1 o gwblhau cwrs hyfforddi un awr.

Mae’r Brifysgol yn sefydliad dwyieithog balch, ac mae Strategaeth Gymraeg y Brifysgol yn amlinellu ein dyheadau i hyrwyddo’r iaith a galluogi ein staff i ddod i gyswllt â’r iaith fel sgil ychwanegol yn y gweithle ac fel porth i gyfleoedd diwylliannol a chymdeithasol newydd. Croesewir ceisiadau yn y Gymraeg ac ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg. Mae gan siaradwyr Cymraeg yr hawl i gael cyfweliad yn Gymraeg. Disgwylir i ymgeiswyr ar gyfer rôl lle mae sgiliau Cymraeg yn hanfodol gyflwyno’u cais yn Gymraeg, a bydd y cyfweliad yn Gymraeg, os byddwch yn cyrraedd y rhestr fer.

Gwybodaeth Ychwanegol

Gallwch gyflwyno CV a llythyr eglurhaol ar gyfer y swydd hon.

Rhannu Lawrlwytho Disgrifiad Swydd Argraffu'r dudalen hon Yn ôl at y rhestr