Trosolwg
Gwnes gymhwyso fel bydwraig ym mis Medi 2009 fel graddedig Prifysgol Abertawe, ac rwyf yn falch iawn o ddychwelyd i’r Brifysgol i weithio fel aelod o’r tîm addysgu bydwreigiaeth ers 2014.
Ar ôl cymhwyso, gweithiais am gyfnod byr gyda Phractis Bydwreigiaeth Albany yn Peckham, Llundain, sy’n fyd-enwog, cyn i’r cytundeb gan yr Ymddiriedolaeth Iechyd leol ddod i ben. Roedd hyn yn ‘fedydd tân’ i wleidyddiaeth bydwreigiaeth, ac er bod yn siomedig iawn i beidio â pharhau yn fy swydd ddelfrydol fel bydwraig â llwyth achosion, gwnaeth y profiad hwn fy ysbrydoli mewn ffordd arall ac i weithio ymhellach er mwyn i bob menyw gael y dewisiadau yr oedd y practis yn eu cynnig. Ers hynny, rwyf wedi cael ystod o brofiad mewn amrywiaeth o swyddi gwahanol ym myd bydwreigiaeth, gan symud ymlaen i weithio i Caroline Flint yn ‘The Birth Centre’ yn Llundain, cyn symud i Melbourne ac wedyn i Fryste, ac yn y pen draw yn dychwelyd adref i Abertawe yn 2014.
Mae gennyf gariad anferth at ddarparu cyfleoedd dysgu ac addysgu safon aur i fyfyrwyr, a gwnes gwblhau PGCert mewn Addysg ar gyfer y Proffesiynau Iechyd yn 2016. Yn 2017, enillais wobr Rhagoriaeth mewn Dysgu ac Addysgu (ELTA), ar ôl cael fy enwebu gan y myfyrwyr, yr oeddwn mor falch o’i derbyn.
Materion ynghylch dewis sy’n fy ysgogi ym myd bydwreigiaeth – rwyf yn teimlo’n gryf iawn dros hybu dewisiadau ar sail gwybodaeth i fenywod, i’w cynorthwyo yn y penderfyniadau di-rif y bydd gofyn iddynt eu gwneud yn ystod eu cyfnodau beichiogrwydd, geni a rhianta. Yn fy nhyb i, mae hyn yn dechrau gydag addysg ardderchog ar gyfer darpar fydwragedd, trwy eu helpu i ddeall y dystiolaeth sy’n gefn i arfer bydwreigiaeth ac yn eu galluogi felly i gefnogi a galluogi menywod o ran eu gofal. Rwyf yn arwain ein rhaglen addysg gynenedigol a arweinir gan fyfyrwyr ac sydd wedi ennill gwobrau, sef Rhianta Cadarnhaol, a ddarperir yn yr Academi Iechyd a Lles ar y campws. Yn ogystal â darparu’r gwasanaeth di-dâl hwn ar gyfer y gymuned leol, mae hyn hefyd yn rhoi cyfle i fyfyrwyr i weithio ochr yn ochr â’u hathrawon mewn cyd-destun gwahanol, gan ddysgu a gweithio gyda’i gilydd.