Gwyddoniaeth a Thechnoleg: Ysgol Graddedigion Gwyddorau Cymdeithasol Cymru yr ESRC (YGGCC) – Cymdeithaseg/Astudiaethau Gwyddoniaeth a Thechnoleg (RS995)

Darparwyr y cyllid:  Ysgol Graddedigion Gwyddorau Cymdeithasol Cymru yr ESRC (YGGCC)

Y meysydd pwnc:  Cymdeithaseg/Astudiaethau Gwyddoniaeth a Thechnoleg

Dyddiadau dechrau'r prosiect:  Hydref  2027 **

*(Gweler y nodyn isod ynghylch dyddiadau dechrau hwyrach posibl). 
** Mewn amgylchiadau eithriadol, ac yn amodol ar gymeradwyaeth y Brifysgol a/neu'r corff cyllido perthnasol, gellir caniatáu gohirio cynnig tan y cyfnod cofrestru nesaf sydd ar gael. Fel arfer, ni fydd gohiriad o'r fath yn fwy na thri mis calendr o'r dyddiad dechrau a bennwyd yn wreiddiol. Sylwer, dim ond un cais i ohirio gaiff ei ystyried ac ni ellir gwarantu y caiff ei gymeradwyo. 

Goruchwylwyr:  

Nodwch Oruchwyliwr - Dyfarniad 'agored' yw'r ysgoloriaeth ymchwil hon. Rhaid i ymgeiswyr gysylltu â darpar oruchwyliwr cyn cyflwyno cais. Mae hyn er mwyn cadarnhau bod gallu goruchwylio priodol yn y Brifysgol ac i drafod y drafft o'u cais y mae'n rhaid i'r goruchwyliwr gwblhau rhan ohono.Mae gwybodaeth am ddiddordebau ymchwil ein staff ar gael ar wefan Prifysgol Abertawe. Mae disgrifiadau byr o bob llwybr achrededig i'w gweld ar wefan YGGCC yr ESRC.

Rhaglen astudio gydnaws: Llwybr Cymdeithaseg/Astudiaethau Gwyddoniaeth a Thechnoleg, PhD Partneriaeth Hyfforddiant Doethurol YGGCC

Dull astudio: Bydd yn bosib astudio'n amser llawn neu'n rhan-amser. Sylwer na chaniateir i ddeiliaid ysgoloriaeth ymchwil amser llawn YGGCC yr ESRC fod â swydd amser llawn, swydd ran-amser barhaol neu rôl dros dro am gyfnod estynedig, yn ystod cyfnod eu dyfarniad. Ni chaniateir i ddeiliaid ysgoloriaeth ymchwil ran-amser YGGCC yr ESRC fod â swydd amser llawn.

Man Astudio: 

• Prifysgol Abertawe (Campws Y Singleton) 
• Prifysgol Abertawe (Campus Y Bae)

Disgrifiad o'r Prosiect:

Bydd y llwybr hwn yn defnyddio darpariaeth ac ymchwil arbennig mewn hyfforddiant dulliau cymdeithasegol yn Abertawe, er mwyn datblygu gallu a gwireddu strategaeth wedi'i rhwydweithio ar draws Cymru gyfan ar gyfer hyfforddiant doethurol ym maes Cymdeithaseg ac Astudiaethau Gwyddoniaeth a Thechnoleg, gan ddefnyddio ymagweddau wyneb yn wyneb, hybrid ac ymagweddau cyfunol. Mae cryfderau'r llwybr yn cynnwys canolfannau a buddsoddiadau eraill gan UKRI, YDG Cymru, y Ganolfan Ymchwil Heneiddio a Dementia. 

Mae Cymdeithaseg/Astudiaethau Gwyddoniaeth a Thechnoleg yn gryfder disgyblaethol sy'n datblygu ym Mhrifysgol Abertawe ac sy'n rhan o uned asesu 20, gyda meysydd rhagoriaeth sy'n gysylltiedig â themâu trawsbynciol YGGCC. Mae hwn yn uno dau lwybr DTP2, sy'n debyg iawn o ran natur ddisgyblaethol, gydag estyniad i gynnwys Bangor ac Abertawe, yn ogystal â Chaerdydd. 

Amgylchedd Ymchwil 

Hyfforddiant: Mae'r llwybr yn cynnig hyfforddiant uwch ar gyfer: Dulliau Ansoddol a Meintiol (yr holl sefydliadau addysgu uwch); Ethnograffeg; Dadansoddi rhyngweithiad (sain, fideo ac ymagweddau amlfodd); Ymagweddau uwch at Astudiaethau Gwyddoniaeth a Thechnoleg; Damcaniaethu Newid a Thrawsffurfiad Cymdeithasol Cyfoes; Ystadegaeth Uwch; a'r Ysgol Haf ar Ystadegau i Fyfyrwyr Ymchwil Ôl-raddedig, o 2024 (Abertawe). Bydd myfyrwyr hefyd yn medru cymryd rhan mewn hyfforddiant a ddarperir gan WISERD, sy'n cyd-fynd yn agos â’r llwybr, a byddant yn elwa o'i bartneriaeth â Chanolfan Genedlaethol ar gyfer Dulliau Ymchwil (NCRSM) yr ESRC (2019-2024), sef canolfan ar gyfer darparu hyfforddiant arloesol a gweithgareddau sy'n datblygu gallu. Yn ogystal â chyfuno'r adnoddau hyn pan fo'n bosibl, byddwn hefyd yn defnyddio cymorth hyfforddiant YGGCC i ddatblygu a chyflwyno cyfres o gyrsiau byr ar-lein ar gyfer hyfforddiant ar ddulliau, yn ogystal â chreu a chyflwyno ysgol haf sy'n benodol ar gyfer y llwybr/clwstwr (a gynhelir ar sail gylchdroadol fel digwyddiad 'signal'), ac sydd hefyd yn agored i lwybrau eraill a Phartneriaethau Hyfforddiant Doethurol, lle y bo'n ymarferol.  

Mae gwaith ymgysylltu â'r gymuned yn cynnwys cyflwyniadau yn yr Eisteddfod Genedlaethol a Gŵyl y Gelli ac ymchwil gydweithredol gydag, e.e. Y Gwasanaeth Mabwysiadu Cenedlaethol, Arolygiaeth Gofal Cymru, Cyngor Gwasanaeth Gwirfoddol Cymru (partner ffurfiol YGGCC), Shelter Cymru, a Chanolfan Gymunedol ac Ieuenctid Senghennydd (de Cymru).  

Meithrin Carfan

Byddwn yn sefydlu grwpiau ymchwil sy'n canolbwyntio ar sefydliadau addysgu uwch i holl fyfyrwyr y llwybr a'r clwstwr. Bydd yr ymagwedd rwydweithio hon yn plethu'r gweithgareddau hyn yn gyfres o weithgareddau hybrid a fydd yn agored ar draws y llwybr, gan fwyafu cyfleoedd i feithrin carfannau a chyfranogiad. Mae cylchdroi'r ysgol haf yn gweithredu fel digwyddiad signal blynyddol y garfan.

I dderbyn cyllid ysgoloriaeth ymchwil gan yr  YGGCC, rhaid bod gennych gymwysterau neu brofiad sy'n gyfwerth â gradd anrhydedd ar lefel dosbarth cyntaf neu ail ddosbarth uwch, neu radd Meistr gan sefydliad ymchwil academaidd yn y DU. Croesewir ceisiadau hefyd gan fyfyrwyr â chefndiroedd academaidd anhraddodiadol.

Mae YGGCC yn ymrwymedig i gefnogi a hyrwyddo cydraddoldeb ac amrywiaeth ac i greu amgylchedd cynhwysol i bawb. Rydym yn croesawu ceisiadau gan holl aelodau’r gymuned fyd-eang, heb ystyried oedran, anabledd, rhyw, hunaniaeth rhywedd, ailbennu rhywedd, statws priodasol neu bartneriaeth sifil, beichiogrwydd neu famolaeth, crefydd neu gred a chyfeiriadedd rhywiol.

Iaith Saesneg: IELTS 6.5 yn gyffredinol (gyda sgôr o 6.5 neu’n uwch ym mhob elfen unigol) neu gymhwyster a gydnabyddir yn gyfwerth gan Brifysgol Abertawe. Ceir manylion llawn ein polisi Iaith Saesneg, gan gynnwys hyd dilysrwydd tystysgrif, yma Gofynion Iaith Saesneg - Prifysgol Abertawe.

Os oes gennych gwestiynau o ran eich cymhwysedd academaidd neu ffïoedd yn seiliedig ar yr uchod, e-bostiwch pgrscholarships@abertawe.ac.uk gyda'r ddolen i'r ysgoloriaethau y mae gennych chi ddiddordeb ynddynt.

Mae'r ysgoloriaeth ymchwil a ariennir gan yr ESRC yn talu ffïoedd dysgu ac ariantal blynyddol di-dreth yn unol ag isafswm cyfraddau UKRI (£21,805 ar gyfer 2026/27 ar hyn o bryd).

Os oes gennych anabledd, efallai y bydd gennych hawl i'r Lwfans i Fyfyrwyr Anabl ar ben eich ysgoloriaeth ymchwil Lwfans Myfyrwyr Anabl (DSA).

Mae gan fyfyrwyr hefyd fynediad at Grant Cymorth Hyfforddiant Ymchwil.

I wneud cais, cwblhewch y ffurflen gais gyfan, gan ddilyn y ddolen hon.

Gallwch gyflwyno cais yn Gymraeg ac ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg. Gweler Polisi Prifysgol Abertawe ar ddyfarnu grantiau a darparu cymorth ariannol  

Er mwyn cael eich ystyried ar gyfer y dyfarniad ysgoloriaeth hon, mae angen y camau canlynol hefyd.  

1) Yn yr adran 'Gwybodaeth sy'n gysylltiedig â'r Rhaglen', rhowch y Cod RS perthnasol ar gyfer y dyfarniad ysgoloriaeth h.y. RS995

2) Yn yr adran 'Ymchwil' fe welwch 'Teitl prosiect arfaethedig/teitl ysgoloriaeth'* (Gorfodol)  

• Yn 'Teitl prosiect arfaethedig/teitl ysgoloriaeth' rhowch y ddau:   
  • y Cod RS995, a  
  • teitl yr ysgoloriaeth.    
• Gadewch y maes Goruchwyliwr Arfaethedig yn wag  
• Gadewch y Prosiect Ymchwil (os yw'n berthnasol) yn wag  
• Yn 'Oes gennych gynnig i'w uwchlwytho?*' (Gorfodol) Dewiswch Ydw 
• Yna uwchlwythwch eich ffurflen gais YGGCC

3) Yn yr adran 'Gwybodaeth am gyllid' dewiswch yr opsiwn 'Cyllid Ysgoloriaeth' yn unig. Gwnewch yn siŵr nad oes unrhyw opsiynau eraill wedi'u dewis.   

*Cyfrifoldeb yr ymgeisydd yw rhestru'r wybodaeth uchod yn gywir wrth wneud cais, sylwch na fydd ceisiadau a dderbynnir heb y wybodaeth uchod a restrir yn cael eu hystyried ar gyfer dyfarniad yr ysgoloriaeth.  

Os ydych wedi gwneud cais am y rhaglen hon o'r blaen, bydd y system yn arddangos rhybudd 'Cais Wedi'i Gyflwyno' ac yn blocio cyflwyniad newydd. Yn yr achos hwn: 

1. Gwnewch gais am yr un cwrs gyda'r dyddiad cychwyn nesaf sydd ar gael (e.e., dewiswch Ionawr os nad yw mis Hydref ar gael). 
2. Anfonwch e-bost at pgrscholarships@abertawe.ac.uk gyda'ch rhif myfyriwr a chod RS yr ysgoloriaeth berthnasol, gan ofyn i'r dyddiad cychwyn gael ei ddiwygio i gyd-fynd â'r hysbyseb.  
3. Yna bydd staff derbyn yn diweddaru'ch cais yn unol â hynny. 

Pwysig: Os ydych chi eisoes wedi cyflwyno cais am yr un rhaglen a dyddiad dechrau, peidiwch ag ail-ymgeisio gan ddefnyddio cyfeiriad e-bost gwahanol. Ni fydd ceisiadau a gyflwynir gyda chyfeiriad e-bost sy'n wahanol i'r un a ddefnyddiwyd yn eich cais gwreiddiol yn cael eu derbyn na'u hystyried. 

Mae angen un cais i bob dyfarniad ysgoloriaeth ymchwil unigol dan arweiniad Prifysgol Abertawe; ni ellir ystyried ceisiadau sy'n rhestru sawl dyfarniad ysgoloriaeth ymchwil dan arweiniad Prifysgol Abertawe.  

NODER: Ymgeiswyr ar gyfer PhD/EngD/ProfD/EdD - er mwyn cefnogi ein hymrwymiad i ddarparu amgylchedd heb wahaniaethu a dathlu amrywiaeth ym Mhrifysgol Abertawe, mae'n ofynnol i chi lenwi Ffurflen Monitro Cydraddoldeb, Amrywiaeth a Chynhwysiant (EDI) yn ychwanegol at eich ffurflen gais rhaglen.     

Sylwch fod llenwi'r Ffurflen Monitro EDI yn orfodol; Efallai na fydd eich cais yn symud ymlaen os na chyflwynir y wybodaeth hon.  

Fel rhan o'ch cais ar-lein, RHAID i chi uwchlwytho'r dogfennau canlynol (peidiwch ag anfon y rhain trwy e-bost):  

• Ffurflen Gais YGGCC 

• CV academaidd (dim mwy na dwy dudalen)

• Tystysgrifau gradd a thrawsgrifiadau (os ydych chi'n astudio ar gyfer gradd ar hyn o bryd, mae sgrinluniau o'ch graddau hyd yma yn ddigonol) 

• Llythyr cyflwyno sy'n cynnwys 'Datganiad Personol Atodol' i esbonio pam mae'r swydd yn cyd-fynd yn arbennig â'ch sgiliau a'ch profiad a sut rydych chi'n dewis datblygu'r prosiect. 

• 2 eirda academaidd neu broffesiynol (rhaid i ymgeiswyr gysylltu â chanolwyr eu hunain a chynnwys cyfeiriadau gyda'u cais). Rhaid i'r geirda fanylu ar gryfderau ymchwil yr ymgeisydd). Sylwch nad ydym yn gallu derbyn cyfeiriadau a dderbynnir yn dyfynnu cyfrifon e-bost preifat, e.e. Hotmail. Dylai dyfarnwyr ddyfynnu eu cyfeiriad e-bost cyflogaeth i wirio geirda. 

• Tystiolaeth o fodloni gofynion Iaith Saesneg (os yw'n berthnasol – nodwch gall unrhyw gynnig a wneir fod yn amodol ar y lefel briodol o Saesneg. Mae rhestr lawn o brofion Saesneg derbyniol i'w gweld yma).  
• Copi o fisa preswyl y DU (os yw'n berthnasol)  
• Cadarnhau cyflwyno ffurflen EDI  

Asesiad:

Rhaid i geisiadau gael eu derbyn erbyn 6 Rhagfyr 2026 fan hwyraf, gan gynnwys yr holl ddogfennau gofynnol.  Oherwydd nifer y ceisiadau rydym yn eu cael, ni fydd ceisiadau anghyflawn yn cael eu hystyried. 

Caiff ymgeiswyr sy'n cyrraedd y rhestr fer eu gwahodd i gyfweliad. Disgwylir i'r Cyfweliadau gael eu cynnal ym mis Chwefror 2027. Fel rhan o'r broses gyfweld, gofynnir i ymgeiswyr roi cyflwyniad byr ac ateb cyfres o gwestiynau gan banel. 

Gellir cynnal cyfweliadau wyneb yn wyneb ond dylent fod ar gael hefyd drwy Zoom/Teams i'r holl fyfyrwyr sy'n dymuno cymryd rhan yn y ffordd honno.

Gall y rhan fwyaf o ymgeiswyr ddisgwyl clywed am ganlyniad eu cyfweliad ymhen 10-12 wythnos.

Bydd hi'n ofynnol i ymgeiswyr llwyddiannus am ddyfarniad 1+3 gyflwyno cais gradd Meistr ar wahân yn ogystal â'r cais safonol/PhD uchod.

Darperir manylion llawn am sut i gwblhau'r cam ychwanegol hwn i'r ymgeisydd/ymgeiswyr llwyddiannus. Ar y cam hwn, nid oes angen cais ychwanegol am radd Meistr - dilynwch broses ymgeisio safonol ar gyfer PhD a amlinellir uchod.

Lleoliad gwaith ymchwil mewn ymarfer:    

Mae'n ofynnol i bob myfyriwr a ariennir gan YGGCC gwblhau lleoliad gwaith Ymchwil mewn Ymarfer wedi'i ariannu, a fydd yn para  3 mis (neu gyfwerth rhan-amser).Bydd pob myfyriwr yn cael cyfle i gwblhau lleoliad gwaith yn y byd academaidd, polisi, busnes neu sefydliadau'r gymdeithas sifil. 

Hyd astudio: 

Mae hyd y  rhaglen astudio yn amrywio o dair blynedd a hanner i bedair blynedd a hanner ar sail amser llawn (neu'r cyfnod rhan-amser cyfatebol) ac mae'n dibynnu ar brofiad ymchwil blaenorol ac anghenion hyfforddi'r myfyriwr a gaiff eu hasesu drwy gwblhau Dadansoddiad o Anghenion Datblygu.

Mae YGGCC yn ymrwymedig i gefnogi a hyrwyddo cydraddoldeb ac amrywiaeth ac i greu amgylchedd cynhwysol i bawb. Rydym yn croesawu ceisiadau gan holl aelodau’r gymuned fyd-eang, heb ystyried oedran, anabledd, rhyw, hunaniaeth rhywedd, ailbennu rhywedd, statws priodasol neu bartneriaeth sifil, beichiogrwydd neu famolaeth, crefydd neu gred a chyfeiriadedd rhywiol.

*Rhannu Data Cais Partner Allanol – Sylwer, fel rhan o'r broses dethol ceisiadau am ysgoloriaeth, y gall rhannu data cais ddigwydd gyda phartneriaid allanol y tu allan i'r Brifysgol, pan fo cyd-ariannu prosiect ysgoloriaeth yn berthnasol.

Croesewir ymholiadau anffurfiol; cysylltwch â: Lauren Gill esrcdtp@abertawe.ac.uk