Beth yw Blwyddyn Sylfaen?

Mae Blwyddyn Sylfaen yn raglen amser llawn, blwyddyn o hyd, sy’n rhoi’r arweiniad a’r sylfaen academaidd y bydd eu hangen arnoch i ddechrau blwyddyn gyntaf y radd o’ch dewis.

P’un a ydych heb gyflawni’r graddau yr oeddech yn eu gobeithio, neu efallai y byddech yn elwa ar ychydig o gymorth ychwanegol wrth bontio i astudio ar lefel prifysgol, mae Blwyddyn Sylfaen yn ffordd wych o ddechrau eich taith tuag at radd prifysgol.

A student speaking at the front of a class

Dilyniant wedi'i Warantu

A student on his graduation day

Ym Mhrifysgol Abertawe, rydym yn gwarantu y gallwch symud ymlaen i’r rhaglen radd o’ch dewis ar ôl cwblhau eich Blwyddyn Sylfaen, sy’n golygu nad oes angen gwneud cais eto.

Yn ystod eich Blwyddyn Sylfaen, byddwn yn eich paratoi ar gyfer astudio gradd drwy ddatblygu eich:

  • Sgiliau Dadansoddi,
  • Meddwl Beirniadol,
  • TG, a
  • Chyfathrebu,

tra byddwch yn manteisio ar ein cyfleusterau rhagorol ac yn ymgartrefu yn ein cymuned gefnogol.

Pam Dechrau gyda Blwyddyn Sylfaen yn Abertawe?

Mae sawl rheswm pam y gall ymgymryd â Blwyddyn Sylfaen fod y penderfyniad iawn i chi:

  • Datblygu Sgiliau – Byddwch yn ennill yr wybodaeth a’r sgiliau gwerthfawr sydd eu hangen arnoch mewn Addysg Uwch
  • Dilyniant wedi'i Warantu - Ar ôl cwblhau'r Flwyddyn Sylfaen, gallwch bontio'n ddidrafferth i'ch gradd israddedig ddewisol, heb orfod cyflwyno cais arall.
  • Amgylchedd Cefnogol – Byddwch yn mwynhau cyfleusterau rhagorol, lleoliad hardd ar lan y môr, a chymuned fywiog sy'n canolbwyntio ar eich llwyddiant
  • Dim Oedi - Os nad ydych chi wedi bodloni'r graddau sydd eu hangen er mwyn dechrau ar eich gradd israddedig, bydd Blwyddyn Sylfaen yn llenwi'r bwlch hwn, ac yn eich galluogi i ddechrau astudio yn y brifysgol yn syth
Two female students speaking together while working

Gall eich taith i’r brifysgol ddechrau’n gynt na’r disgwyl gyda Blwyddyn Sylfaen – siaradwch â’n tîm cyfeillgar heddiw i ddysgu mwy.

CWESTIYNAU A OFYNNIR YN AML

CAMAU NESAF