Dydd Gwener yn Amgueddfa Genedlaethol y Glannau

Ymunwch â ni

Archwiliwch ryfeddodau gwyddoniaeth gyda gweithdai a sgyrsiau gwych, yn cynnwys sioeau swigod anhygoel, hyd a lledrith sy'n procio'r meddwl, a straeon syfrdanol gan fforiwr beiddgar. Profwch gyffro a datgloi rhyfeddodau'r byd o'n cwmpas - mae'n berffaith i feddyliau chwilfrydig o bob oed!

Cyffesion Bradwr

Dreigiau’r Dyfnder

Sioe Galan Gaeaf Wonderstruck

How Does It Work? gyda Maddie Moate

12pm (BSL) & 2.30pm, £7.50, 0-99 oed Yn syth o dudalennau ei llyfr i’r llwyfan byw, dyma wahoddiad gan Maddie Moate (Maddie’s Do You Know? ar CBeebies) ichi ddod ar antur ryngweithiol i weld sut mae peiriannau bob dydd yn gweithio! O oergelloedd ac injans tân i ffyrnau micro-don a rowndabowts, bydd digon o sbort i’w gael wrth i Maddie ddatgelu sut mae pethau’n gweithio, gyda gemau, cwisiau a llawer o ryngweithio â’r gynulleidfa!

Ai dim ond ceffyl clyfar iawn yw AI

1.30 pm, AM DDIM, 8-99 oed
Ym 1904, cafodd y byd ei syfrdanu gan geffyl o’r enw Clever Hans oedd yn gwneud symiau gyda’i garn. Dros ganrif yn ddiweddarach, rydyn ni wedi’n hamgylchynu gan beiriannau sydd fel petaen nhw’n meddwl: maen nhw’n sgwrsio, yn tynnu llun, yn gorffen ein brawddegau. Ymunwch â’r cyfrifiaduregydd Dr Megan Venn-Wycherley i fynd ar garlam trwy fethiannau mwyaf doniol a llwybrau byr mwyaf slei deallusrwydd artiffisial.

Sioe Galan Gaeaf Wonderstruck

2pm & 4pm, £5, 8+ oed

Dewch gyda ni am sioe Galan Gaeaf bythgofiadwy o chwerthinllyd! Gyda chymorth crochan enfawr, ysgub hofran wedi’i gyrru gan roced, a llond trol o ddewiniaeth wyddonol arall, bydd gwrachod Wonderstruck yn ceisio ail-greu’r digwyddiadau Calan Gaeaf mwyaf sbwci trwy eu hud gwyddonol arbennig eu hunain.

Cynrhon Cariadus!

3.30pm, AM DDIM, 6+ oed
Beth yn union yw therapi cynrhon, y driniaeth ryfeddol hon sydd ar gael ar bresgripsiwn gan y GIG ar gyfer clwyfau cronig heintiedig? Mae ein grŵp ymchwil cynrhon ym Mhrifysgol Abertawe wedi gwneud darganfyddiadau gwyddonol sy'n gallu esbonio sut yn union mae cynrhon yn helpu i iacháu clwyfau megis troed diabetig ac wlserau gwythiennol y goes yn gyflym ac yn hynod effeithiol.

Dreigiau’r Dyfnder

4pm, o £1, 6-99 oed
Camwch i fyd tanddwr bywiog annisgwyl a darganfyddwch sêr roc gwirioneddol tebyg i Pokémon ar arfordir Prydain: noethfranciau. Yn y sgwrs ddiddorol hon, byddwn yn plymio i'w bywydau rhyfedd a hardd. P'un a ydych chi'n blymiwr profiadol, yn archwiliwr pyllau creigiog, neu'n syml yn hoff o fywyd gwyllt, gall y sgwrs hon newid sut rydych chi'n gweld bywyd morol Prydain.

Cyffesion Bradwr

7pm, £10, 13+ oed
Ymunwch â ni ar nos Galan Gaeaf am noson lawn cyffro wrth i ni ddatgelu dau o gystadleuwyr mwyaf dieflig The Traitors – y ddwy Gymraes Fiona ac Amanda!
Byddwch barod i gwestiynu popeth rydych chi’n meddwl eich bod chi’n ei wybod am onestrwydd, ymddiriedaeth ac ymddygiad dynol, wrth i ni archwilio’r seicoleg ddifyr y tu ôl i dwyllo.