Brwydro yn erbyn camddefnyddio sylweddau gydag offer a thechnegau canfod cyffuriau datblygedig

Rydym yn ymladd yn erbyn camddefnydd o sylweddau

Yr Her

Mae Dr Amira Guirguis o Brifysgol Abertawe'n fferyllydd ac yn arbenigwr o fri rhyngwladol ym maes camddefnyddio sylweddau a chanfod cyffuriau. Mae hi'n disgrifio lledaeniad sylweddau seicoweithredol newydd fel ‘maes sy'n peri pryder cynyddol’.

Mae sylweddau seicoweithredol newydd, y cyfeiriwyd atynt o'r blaen fel 'gwefrau cyfreithlon' (maent bellach yn anghyfreithlon), yn wahanol i gyffuriau niweidiol traddodiadol ac mae cannoedd ohonynt wedi llifo i'r farchnad fyd-eang yn ystod y degawd diwethaf.

Y Dull

Ymunodd Dr Guirguis ag Ysgol Feddygaeth Prifysgol Abertawe ym mis Mawrth 2019, â'r nod o ganolbwyntio’n benodol ar sylweddau seicoweithredol newydd yn ei hymchwil.

Ar y cyd â thîm newydd yn yr Ysgol Feddygaeth, mae hi'n sefydlu uned ymchwil newydd i ddadansoddi priodweddau ac effeithiau sylweddau seicoweithredol newydd a sylweddau eraill a gamddefnyddir, er mwyn eu deall yn well ac, yn hollbwysig, i gynnig cyngor i'r proffesiwn meddygol ar sut i drin pobl sydd wedi'u cymryd.

Amira Guirguis

A yw ‘tywyllwch digidol’ ar y gweill?

Yr Effaith

Mae Dr Guirguis wedi arwain y gwaith o sefydlu'r gwasanaeth cyntaf i wirio cyffuriau yn y gymuned ac sydd wedi'i drwyddedu gan y Swyddfa Gartref. Mae'n rhan o wasanaeth camddefnyddio sylweddau, mewn cydweithrediad ag Addaction, un o elusennau mwyaf blaenllaw'r DU ym maes cyffuriau, alcohol ac iechyd meddwl.
Mae canfyddiadau ei hymchwil wedi cael eu cynnwys mewn cronfeydd cydnabyddedig, yn ogystal â llyfrau testun hanfodol ar gyfer israddedigion fferylliaeth yn y DU.
Hi yw'r arweinydd ar Gyffuriau a Reolir ar gyfer Bwrdd Gwyddoniaeth ac Ymchwil y Gymdeithas Fferyllol Frenhinol (RPS) gan cynghori Prif Wyddonydd yr RPS. Ymgynghorir â hi ar unrhyw beth sy'n ymwneud â chyffuriau newydd ac mae ei hargymhellion yn dylanwadu ar bolisi'r DU ar gyffuriau ac yn cefnogi'r Cyngor Fferyllol Cyffredinol.
Mae Dr Guirguis yn arwain grŵp ymchwil o bum myfyriwr PhD y mae eu hymchwil yn creu sylfaen ar gyfer ymagwedd gyfannol at ymdrin â Sylweddau Seicoweithredol Newydd. Mae'r myfyrwyr wedi cwblhau eu PhD yn llwyddiannus ac maent bellach yn cydweithio â'r grŵp ymchwil.

Gwobr

The Pharmaceutical Journal - Merched i'w gwylio 2020

Gwobr

Cymrodoriaeth Meddygaeth Fanwl PHTA

Beth mae ein partneriaid yn ei ddweud

"Mae ymchwil ac arloesi'n ein galluogi i gadw ar flaen ein cystadleuwyr, dangos ein harbenigedd, ein profiad a’n rhagoriaeth unigryw mewn meysydd sy'n datblygu neu feysydd gwreiddiol archwilio. Mae cydweithio ag Abertawe wedi rhoi mewnwelediad i ni nad oedd gennym yn y Brifysgol gynt ym Mhrifysgol Swydd Hertford ac mae wedi helpu i feithrin gallu. O ganlyniad i'n cydweithio, rydym wedi llunio sawl papur academaidd a adolygwyd gan gymheiriaid, wedi cyd-oruchwylio sawl myfyriwr PhD, wedi datblygu ymagweddau arloesol at astudio Sylweddau Seicoweithredol Newydd, wedi rhoi arweiniad i gyrff gan gynnwys Cyngor Cynghori Llywodraeth y DU ar Gamddefnyddio Cyffuriau ac wedi llywio arfer fferyllol a chlinigol." John Martin Corkery, Prifysgol Swydd Hertford

'Yn benodol, mae'r cydweithio â Phrifysgol Abertawe wedi rhoi'r cyfle i ni gynnal astudiaethau cemegol manwl, uwch a dadansoddol sy'n berthnasol er mwyn nodi'n gyflym ac yn ddibynadwy sylweddau seicoweithredol newydd anhysbys/na wyddys lawer amdanynt/ NPS o hylifau biolegol (y cyfeirir atynt yn aml fel gwefrau cyfreithlon, cyffuriau yw'r rhain sy'n atgynhyrchu effeithiau sylweddau anghyfreithlon eraill); a astudiaethau unigryw sy'n canolbwyntio ar rôl actifadu derbynyddion cannabinoid wrth reoleiddio cylch cysgu/effro." Yr Athro Fabrizio Schifano, Prifysgol Swydd Hertford

Cwrdd â'r Arweinydd Ymchwil

Dr Amira Guirguis

Canolfan ymchwil

Seicoffarmacoleg, Camddefnyddio Cyffuriau a NPS

Partner Ymchwil

Prifysgol Swydd Hertford

Cydweithiwr Ymchwil

Prifysgol Padova

Cydweithiwr Ymchwil

ULSS3 Serenissima

Rhagor o wybodaeth am yr ymchwil hon ac erthyglau eraill gan Dr Amira Guirguis

Dr Amira’s Guirguis appearance on Y Byd ar Bedwar (7m 12s), S4C BBC (2023)

COVID-19 Pandemic Impact on Substance Misuse: A Social Media Listening, Mixed Method Analysis / Davide Arillotta, Amira Guirguis, John Martin Corkery, Norbert Scherbaum, Fabrizio Schifano - Brain Sciences (2021)

Understanding the use of prescription and OTC drugs in obtaining illicit highs and the pharmacist role in preventing abuse / Chiappini, S., Guirguis, A., Corkery, J.M., Schifano, F - Pharmaceutical Journal (2020)

Piloting the UK’s First Home-Office-Licensed Pharmacist-Led Drug Checking Service at a Community Substance Misuse Service / Amira Guirguis, Rosalind Gittins, Fabrizio Schifano - Behavioral Sciences (2020)

COVID-19: The Hidden Impact on Mental Health and Drug Addiction / Stefania Chiappini, Amira Guirguis, Ann John, John Martin Corkery, Fabrizio Schifano - Frontiers in Psychiatry (2020)

Prosiect PhD a oruchwylir ar y cyd gan Dr Amira Guirguis

Enhancing the detection of smuggled psychoactive substances in UK prisons (PhD research) 2018/2022
Assessment of the extent of non-medical use of prescribed drugs focussing on pharmacovigilance databases including the EMA (European Monitoring Agency), EudraVigilance Database of Adverse Drug Reactions, the UK Yellow Card Scheme, and the UK RIDR (Report on Illicit Drug Reactions) (PhD research) 2017/2022.
A comparative study of the estimated use and prevalence of cognitive enhancers within Higher Education Institutions in the UK and UAE (PhD research) 2018/2022.
Analysing and assessing the current web-based NPS scenarios; drafting an ad-hoc theoretical model to predict future drug issues in the real world (PhD research) 2019/2023.