Pwls Ar-Lein

Megan - Osteopatheg, Most

“Dewisais astudio ym Mhrifysgol Abertawe gan ei bod nid yn unig yn un o’r ychydig Brifysgolion a oedd yn cynnig Osteopathi, ond roedd hefyd yn uchel yn y DU am feddygaeth gyflenwol. Fy hoff beth am fy nghwrs yw'r profiad ymarferol gyda chleifion go iawn. Ar ôl i mi raddio, bwriadaf gael Fisa Llwybr Graddedig, a fydd yn caniatáu i mi fyw a gweithio yn y DU am ddwy flynedd arall. Yn y cyfnod hwnnw, gobeithiaf sicrhau cyflogaeth yn y DU a chael profiad fel Osteopath. Yn ystod fy ngradd, rwyf wedi dwlu ar y profiad prifysgol ac wedi dod o hyd i gartref yn Abertawe. Mae Prifysgol Abertawe yn cynnig addysg ragorol, ac mae wedi’i lleoli mewn ardal brydferth.”

Ffion - Biocemeg, BSc (Anrh)

“Derbyniais Ysgoloriaeth Cymhelliant y Coleg Cymraeg Cenedlaethol am dair blynedd gyntaf fy nghwrs a bwrsariaeth Academi Hywel Teifi ar gyfer fy mlwyddyn olaf. Mae’r arian ychwanegol wedi bod yn gymorth mawr wrth ganiatáu i mi brynu adnoddau a helpu gyda chostau byw a theithio wrth astudio. Roedd yn help mawr i leihau’r pwysau ariannol!”

Eloise - Seicoleg, BSc (Anrh)

“Yn fy mlwyddyn gyntaf, fe wnes i ddysgu rhwyfo gyda Chlwb Rhwyfo Prifysgol Abertawe. Rwyf mor falch fy mod wedi ymuno oherwydd dyma oedd un o fy hoff brofiadau yn y brifysgol.

Mae'r hyfforddiant yn eich gwthio - ond mewn ffordd dda, ac fe gawson nhw nosweithiau cymdeithasol gwych hefyd ar noson chwaraeon ddydd Mercher. Roeddwn i wrth fy modd gyda fy amser yn SURC ond doeddwn i ddim bob amser yn dwlu’r sesiynau bore am 6am!”

Hiu Lam - Seicoleg, BSc (Anrh)

“Rwy’n fyfyriwr ail flwyddyn yn astudio Seicoleg yn Abertawe a’r peth rwy’n ei fwynhau fwyaf yw’r ystod eang o fodiwlau, o seicoleg glinigol i seicoleg ddatblygiadol. Yn olaf ond nid lleiaf yw costau byw Abertawe. Yn wahanol i’r dinasoedd mawr, mae costau byw yma yn llawer is o gymharu â dinasoedd fel Llundain. Dyma hefyd un o’r rhesymau pam y dewisais astudio yn Abertawe!”

Harriet - Gwyddor Gofal Iechyd (Niwroffisioleg), BSc (Anrh)

“Dewisais Wyddor Gofal Iechyd gan fod gen i wir gariad at niwrowyddoniaeth ond roeddwn yn gwybod y byddai cael fy nghaethiwo i labordy yn fy ngwneud yn wallgof! Mae fy nghwrs yn fy ngalluogi i ymchwilio i fyd yr ymennydd a'r system nerfol wrth gyfathrebu'n weithredol â chleifion. Mae profiad gwaith wir wedi fy helpu i gyfuno darlithoedd â phrofiad clinigol bywyd go iawn tra mewn amgylchedd diogel.”

Bethel - Hysbyseg Iechyd, MSc

“Bydd fy ngradd meistr yn fy helpu i gyflawni nod fy ngyrfa o sefydlu ymgynghoriaeth hysbyseg iechyd sy’n darparu cynnyrch a gwasanaethau allanol yn ogystal â systemau gwybodaeth iechyd. Byddai hyn yn helpu sefydliadau meddygol i gael gwell canlyniadau ac effeithlonrwydd cleifion. Bydd cael y lefel hon o addysg yn rhoi mantais i mi, nid yn unig i greu cyfleoedd gwaith ond hefyd i annog eraill i gymryd diddordeb yn y maes hwn wrth achub bywydau. Gydag amcangyfrif o gyfradd ddiweithdra i gyrraedd 35 y cant erbyn 2023, teimlaf fod rheidrwydd arnaf i wella’r drefn yn Nigeria a bod yn rhan o’r newid yr wyf am ei weld.”

Rewa - Seicoleg, BSc (Anrh)

“Rwyf wedi caru fy amser yn Abertawe yn fawr iawn, ac rwy’n credu’n gryf mai astudio yma oedd y penderfyniad gorau i mi ei wneud! Rwyf wedi mwynhau fy nghwrs yn fawr ac yn caru’r ffaith y gallwn ennill gwybodaeth o bob maes seicoleg yn ystod fy nwy flynedd gyntaf, a oedd yn caniatáu i mi wneud y dewisiadau cywir wrth ddewis fy modiwlau dewisol yn fy mlwyddyn olaf. Fel myfyriwr rhyngwladol oddi cartref, nid wyf erioed wedi teimlo ar goll nac yn unig diolch i gefnogaeth anhygoel y staff yn academaidd ac yn gyffredinol. Byddaf nid yn unig yn graddio gyda gradd mewn Seicoleg ond hefyd gyda sgiliau a phrofiadau a enillais a chysylltiadau a adeiladwyd trwy weithio mewn rolau a chyfleoedd amrywiol a gynigir gan y brifysgol, megis bod yn Llysgennad Myfyrwyr, Llywydd PsychSoc, cynrychiolydd Ysgol ar gyfer seicoleg ac Ymddiriedolwr yn Discovery SVS, wrth astudio'n amser llawn tuag at fy ngradd.”

Jessica - Seicoleg, PhD 

“Rwyf wedi ennill ehangder o wybodaeth a phrofiadau nad wyf yn credu y byddent yn bosibl eu hennill yn unrhywle arall. Mae cwblhau PhD yn newid eich meddylfryd er gwell - nid yn unig mewn sefyllfa academaidd, ond mewn lleoliad personol hefyd. Rwy’n ystyried fy hun yn berson gwell, mwy cyflawn nawr fy mod wedi bod trwy’r broses PhD nag oeddwn yn y gorffennol.”