Dewch draw i’r orielau gyda’r hwyr i ymuno â’r Tîm Archwilio Trosedd, gan ddefnyddio technegau gwyddonol go iawn i astudio’r dystiolaeth a darganfod y dihiryn. Allwch chi helpu i ddarganfod beth ddigwyddodd?
Dirgelwch yr Amgueddfa
Yn ystod ei batrôl boreol arferol, mae swyddog diogelwch wedi dod o hyd i weithiwr cynnal a chadw’r amgueddfa yn anymwybodol...
I ddechrau, roedd yn ymddangos fel damwain syml yn y gweithle, ond yn fuan daeth ymchwilwyr o hyd i dystiolaeth a oedd yn awgrymu rhywbeth llawer mwy sinistr.
Eich her chi yw edrych ar y dystiolaeth, a defnyddio technegau ymchwilio gwyddonol i brofi’r bobl sy’n cael eu hamau cyn i’r lleidr ddiflannu.
Ymunwch â ni ar nos Galan Gaeaf am noson lawn cyffro wrth i ni ddatgelu dau o gystadleuwyr mwyaf dieflig The Traitors – y ddwy Gymraes Fiona ac Amanda!
Sut wnaethon nhw dwyllo’u cyd-chwaraewyr? Pa strategaethau a ddefnyddion nhw i aros yn gudd yng ngolwg pawb? A beth all eu profiadau ei ddatgelu am y ffordd rydyn ni’n barnu gwirionedd a chelwyddau mewn bywyd bob dydd?
Bydd seicolegydd o Brifysgol Abertawe, Dr Alex Jones, yn ymuno â’r Bradwyr ar gyfer trafodaeth fydd yn mynd â ni y tu ôl i’r llen i ddatgelu’r wyddoniaeth y tu ôl i’r penderfyniadau, yr emosiynau a’r ymddygiadau sy’n caniatáu twyllo mor effeithiol.
Cael eich tocyn
Mae gŵyl wyddoniaeth fwyaf Cymru yn ôl am ei degfed flwyddyn!
Mae Gŵyl Wyddoniaeth Abertawe'n dychwelyd, ac fe’ch gwahoddir i ddathlu degawd o ddarganfod, creadigrwydd a chwilfrydedd.
Yn addas i ymwelwyr o bob oedran, mae'r ŵyl yn dychwelyd gyda gweithgareddau ymarferol, sgyrsiau i’ch ysbrydoli ac ymchwil arloesol, gan ddod â gwyddoniaeth yn fyw mewn ffyrdd cyffrous ac annisgwyl.
Oriel lluniau llawn
