Dysgwch sut aeth yr Hen Eifftiaid ati i fymieiddio'r marw gyda'n mymi dymi maint llawn

Dewch i weld ffosiliau, planhigion ac anifeiliaid o bob lliw a llun o gasgliadau arbennig Amgueddfa Cymru. Dewch i gyfarfod â Gwyddonwyr yr Amgueddfa a chlywed am ein hymchwil a'n casgliadau, o garreg eich drws i bellafoedd byd

Ymwelwch â thîm Sŵ Trofannol Plantasia i ddysgu am eu casgliad coedwig law a chyfarfod â rhoi o'u hoff anifeiliaid, gan gynnwys nadroedd, ymlusgiaid a phryfetach. Bydd gwobrau yn cael eu rhoi drwy gydol y dydd

Trowch eich ofn, eich anniddigrwydd neu'ch dirmyg tuag at gynrhon ar ei ben yn ein harddangosfa Caru Cynrhon sydd wedi'i threfnu gan Grŵp Ymchwil Cynrhon Prifysgol Abertawe

Ymunwch â ni i ddysgu mwy am y ffordd mae Peirianwyr a Gwyddonwyr Deunyddiau yn datblygu atebion ar gyfer dyfodol cynaliadwy. Ewch ati i ddefnyddio microsgopeg ac adeiladu eich teganau eich hun sydd wedi'u pweru gan fatris a'r haul

Dewch i'n gweithdy robotiaid i gyfarfod â'n cŵn robot a'n cath robot 8 troedfedd

Dewch ag Ynni'n Fyw gydag Ynni Da. Byddwch yn rhan o'r archwiliad gwych hwn i ynni, gallwch adeiladu ac arbrofi gydag adnoddau ynni adnewyddadwy gwych. Gall arbed egni fod yn hwyl yn ogystal a'ch cadw'n heini

Hoffech chi ddefnyddio eich breuddwydion i greu gwaith celf? Ewch ati i ddweud wrth y gwyddonydd cwsg Mark Blagrove am eich breuddwyd a'i baentio gyda'r artist Julia Lockheart. Byddwch yn dysgu pam rydyn ni'n breuddwydio a'r wyddoniaeth sy'n sail i freuddwydion. Bydd eich paentiad yn cael ei daflunio ar y sgrîn fawr i bawb ei weld!

Taflwch y bagiau ffa at y targedau gwahanol i ddangos eich gwybodaeth am yr hyn sy'n effeithio ar blant iach a bywyd teuluol iach.

Dewch i ddarganfod sut gall hydrogen ein hatal rhag llygru pethau a darparu dyfodol gwyrdd ffyniannus!

Dwlu ar Chwarae Gemau Fideo? Dewch draw i stondin Esports Wales a dysgu am y diwydiant chwarae gemau fideo yng Nghymru.

Byddwn yn arddangos sut rydym yn bwriadu dal gwres o ddiwydiant a'i ddefnyddio i wresogi gofod. I ddangos hyn, byddwn yn cynnal digwyddiad rhyngweithiol lle gall cyfranogwyr gynhyrchu gwres o'n deunyddiau gan ddefnyddio eu hanadl.

Deall sut mae'r glust yn gweithio a pham mae rhai pobl yn fyddar neu'n drwm eu clyw? Dysgwch sut i ddweud eich enw yn Iaith Arwyddion Prydain

Rydym yn cynnal cystadleuaeth godio ar gyfer pob grŵp oedran rhwng 7 ac 16 oed dros y penwythnos gyda gwobrau TG gwych i'w hennill, ac wrth gwrs bydd digon o weithgareddau ymarferol i chi gymryd rhan ynddynt, os nad ydych am fod yn rhan o'r gystadleuaeth. Peidiwch â cholli'r cyfle hwn!

Stondin o lyfrau gwyddoniaeth i blant ac oedolion, digon o fargeinion! Bydd yr holl arian a godir yn mynd i OXFAM i gefnogi prosiectau ynni adnewyddadwy mewn cymunedau sy'n delio ag effaith newid yn yr hinsawdd.

Ydych chi'n meddwl y gallwch chi ddatrys Ciwb Rubik yn gynt na robot? Beth am sgorio gôl yn ein gêm pêl-droed robotiaid? Beth am raglennu twll mewn un gyda'n cwrs golff byr roboteg? Dewch i gymryd rhan ar ein stondin arddangosfa Technocamps!

Cyfle i yrru trenau ar ein rheilffordd fodel a dysgu sut mae ein system reilffordd glyfar yn gweithio.

Beth yn eich barn chi yw'r datblygiad pwysicaf mewn gofal iechyd yn ystod 75 mlynedd y GIG? Pleidleisiwch dros eich ffefryn, ac ysgrifennwch eich negeseuon ar gyfer y GIG ar ein cerdyn pen-blwydd enfawr.

Mae Sgrambl Microbioleg yn hawdd os ydych wedi chwarae scrabble erioed, ac mae'n ffordd wych o gael plant ac oedolion i ymwneud â microbioleg.

Ymarferwch eich sgiliau peirianneg a dysgu sut y mae Tîm Peirianneg Rasio (SURE) Prifysgol Abertawe'n dylunio ac yn adeiladu ceir sy'n effeithlon yn erodynamig.  Dewch i stondin Oriel Science i gystadlu ag eraill a dysgu sut i wneud hofranlong CD.

Cnoi Cil: Faint rydych chi'n meddwl am fwyd? Dewch i fwynhau byrbrydau gyda ni, wrth i ni archwilio'r wyddoniaeth sy'n gefndir i'r hyn rydym yn ei fwyta, ein dewis bwyd, y ffactorau sy'n sail i’n hymddygiad bwyta, a ffyrdd o fwyta deiet mwy iach a chynaliadwy.

Effaith y Cyfryngau Cymdeithasol ar Les Pobl Ifanc drwy Lyfrau Comics â'r Ddau Ddeinosor.
Mae ein deinosor hynod wybodus, Wellness Rex, yn dweud wrthym ni sut gallai'r cyfryngau cymdeithasol fod yn gysylltiedig â lles pobl ifanc o ran hwyliau, cyfeillgarwch ac ansawdd cwsg. Ymwelwch â ni i weld y llyfrau comics, y tudalennau ar y cyfryngau cymdeithasol a'r sesiynau darllen. 
I bobl ifanc 9+ oed. 

Dewch i brofi'r byd microbaidd drwy weld eu siapiau, a chwarae gyda'r moleciwlau a'r deunyddiau y mae microbau'n eu creu y gellir hefyd eu defnyddio fel cyffuriau, caenu a glud newydd.

Mae ein harddangosiadau a’n hadnoddau mathemategol llawn hwyl, swnllyd a rhyngweithiol yn diddanu ymwelwyr ac yn ennyn diddordeb mewn mathemateg gymhwysol. Gwneud mathemateg yn bleserus ac yn hygyrch i bawb.

Gweithgareddau allgymorth i godi proffil Seryddiaeth yn Abertawe gydag arddangosiadau o delesgopau a chyfarpar a ddefnyddir gan aelodau o Gymdeithas Seryddiaeth Abertawe.

Dewch i ddysgu sut mae esblygiad yn rheoli’r gallu i wrthyrru dŵr. Arddangosion rhyngweithiol sy'n dangos rhyfeddodau patrymau natur.

Rydym wedi atgyfodi ystod gyffrous o gyfrifiaduron personol i chi eu mwynhau a rhoi cynnig arnynt! Cymerwch y naid o waith testun i raffigwaith drwy feistroli'r Dragon a gloywi Apple: Dewch i gael profiad o fyw, gweithio a chwarae yn y 1980au a hel atgofion neu ryfeddu at yr hyn a oedd wedi creu argraff ar eich rhieni a'ch neiniau a'ch teidiau.

Dysgwch sut i adnabod rhywogaethau siarc drwy brofiad realiti rhithwir ymdrochol a ddyluniwyd ar gyfer Prosiect SIARC, gan fyfyrwyr MSc Prifysgol Abertawe. Gallwch archwilio, trin, ac ymchwilio i fanylion diddorol wyau siarcod sydd heb eu gweld erioed o'r blaen.

Dyfalwch y gwrthrychau a ganfuwyd ar ynys anghysbell nad oes neb yn byw arni yn un o'r ardaloedd morol gwarchodedig mwyaf yn y byd. Graddiwch y traeth - o'r gorau i'r gwaethaf am lygredd plastigion.

Blwch offer byd natur: Dysgwch ragor am sut gall cynnyrch naturiol helpu i greu dyfodol gwyrddach. Byddwn yn archwilio potensial cynnyrch naturiol o ficrobau, o beiriannau algaidd i ffyngau sy'n lladd trychfilod!

Byddwn yn arddangos dyfeisiau wedi'u hadeiladu yn y Labordy Efelychu a Phrofi Peirianneg Fiofeddygol (BEST) sy'n efelychu organau'r corff. Gall ymwelwyr ryngweithio â modelau organau corfforol i ddysgu am ffisioleg a biomecaneg gan ein tîm ymchwil.  

Pwy sy'n gwneud y ddaear dan eich traed? Y pethau bychain sy'n gwneud y pridd yn iach a'r blodau lewyrchu.

Bwth carnifal ar gyfer plant cyn oed ysgol a phlant hŷn lle mae ymgeiswyr yn pysgota am hwyaid ac yna'n ateb cwestiwn ar y nwy cudd a restrir ar y gwaelod.  Ceir gwobrau am yr atebion cywir.

Cyflwyno argraffydd 3D ar gyfer creadigrwydd STEM ag arlliw cyffrous! Ymunwch â ni i gael nwyddau brand am ddim, a hwyl wrth liwio a phaentio wynebau!

Nodwch gall y stondinau a nodwyd fod yn destun newid. Os oes gennych unrhyw sylwadau ar y wefan neu ddigwyddiadau e-bostiwch swanseasciencefestival@swansea.ac.uk