Cymorth Iechyd Meddwl

A oes rhaid i mi ddatgelu’r cyflwr sydd gennyf?

Eich dewis chi ydyw’n llwyr os ydych yn datgelu gwybodaeth am eich cyflwr iechyd meddwl.

Efallai y byddwch yn sylwi nad yw eich cyflwr yn cael effaith ar eich gallu i astudio, felly nid ydych yn teimlo ei fod yn berthnasol i’w ddatgelu. Fodd bynnag, mae’r Brifysgol yn annog myfyrwyr i ddatgelu’n benodol os gallai eich cyflwr gael effaith ar eich gallu i astudio.

Gallai’r rhain fod yn bethau megis amser ychwanegol neu ystafell fach yn ystod amodau arholiad, ffyrdd eraill o asesu gwaith cwrs ac ati. Mae hefyd yn golygu na allwn gynorthwyo a symud unrhyw gais am yr hyn a elwir yn Lwfans Myfyrwyr Anabl (DSA), neu unrhyw gymorth ffurfiol neu gymorth ychwanegol nad oes prawf modd ar ei gyfer yn ei flaen.

Sut ydw i'n datgelu cyflwr iechyd meddwl?

Os wyt ti am fynd ymlaen i roi gwybod i ni yn ffurfiol am dy gyflwr iechyd meddwl, dylet ti gwblhau Ffurflen Cymorth Myfyrwyr.

Ni fyddwn yn rhoi gwybod i unrhyw adran am dy gyflwr oni bai fod gennym dy ganiatâd i wneud hynny.

Myfyrwyr rhyngwladol

Mae'r Gwasanaeth Lles ac Anabledd ar gael i fyfyrwyr rhyngwladol fel y mae i bob myfyriwr sydd wedi cofrestru. Fodd bynnag, nid oes modd iddynt gyflwyno cais am Lwfans Myfyrwyr Anabl oherwydd bod hyn ar gyfer myfyrwyr o'r Deyrnas Unedig yn unig.

Os oes gennych gyflwr iechyd meddwl, rydym yn argymell eich bod yn cysylltu â’n gwasanaeth cyn i chi gyrraedd fel bod modd i ni esbonio’r cymorth sydd ar gael i chi a sut y mae system iechyd meddwl a seiciatrig y DU yn gweithio.

Mae cael mynediad at therapïau hir dymor megis cwnsela, seicoleg a seicotherapi yn anodd iawn ac mae’r rhestrau aros yn hir. Cymorth yn y tymor byr yn unig y mae’r Gwasanaeth Lles ac Anabledd yn gallu ei gynnig.

Felly, os oes angen i chi gael gwasanaethau o’r fath, rydym yn argymell yn gryf bod eich yswiriant iechyd yn gyfrifol amdanoch o ran taliadau a rhoi mynediad i therapïau o’r fath yn breifat.

Os wyt ti'n chwilio am gymorth emosiynol ar gyfer dy anawsterau iechyd meddwl, sefyllfa bersonol anodd neu dy les cyffredinol, gelli di gwblhau Ffurflen Cymorth Myfyrwyr a bydd y tîm yn cysylltu â thi gydag argymhelliad. Yn ogystal â'r Gwasanaeth Lles ac Anabledd, mae amrywiaeth o wasanaethau ledled y Brifysgol efallai byddi di am eu hystyried:

• Undeb y Myfyrwyr. Mae Undeb y Myfyrwyr yn cynnig ystod o wasanaethau i gefnogi eich lles, ac i fod yno ar eich cyfer pan fydd angen sgwrs arnoch. Mae’r rhain yn cynnwys nifer o gyrsiau/grwpiau, gwasanaeth galw heibio, llinell gymorth anhysbys dros nos a gwasanaeth negeseuon gwib.
• Gall Llesiant@BywydCampws ddarparu cyngor a chymorth ymarferol am nifer o faterion sy’n ymwneud â lles y gallech eu hwynebu yn ystod eich amser ym Mhrifysgol Abertawe. Byddwn yn cydweithio â chi a'ch ysgol i sicrhau eich bod yn cael y profiad gorau posib fel myfyriwr.
• Mae gwasanaeth gwrando’r Ffydd@BywydCampws yn cynnig clust i bwy bynnag sydd ei hangen - ni waeth pa grefydd ydych, os unrhyw grefydd o gwbl. Nid oes angen cofrestru, ac nid oes angen mater neu broblem benodol arnoch. I ddefnyddio'r gwasanaeth hwn, e-bostiwch listeningservice.campuslife@abertawe.ac.uk.
• Os oes gennych unrhyw bryderon am eich astudiaethau, dylech gysylltu â’ch tiwtor personol yn y lle cyntaf. Os ydych yn cael trafferth gyda chwestiwn sydd wedi’i osod ar eich cyfer, neu os hoffech gyngor ar eich cynnydd academaidd, dylai eich tiwtor personol. allu helpu. Gallwch gael manylion am eich mentor academaidd drwy fewngofnodi i’ch cyfrif MyUni.
• Yn dy goleg mae Cydlynwyr Anabledd sy'n sicrhau bod cymorth ac addasiadau ar gael i dy gynorthwyo gyda dy anableddau, dy anawsterau iechyd meddwl a/neu unrhyw gyflyrau meddygol perthynol. Mae gan y cydlynwyr gweinyddol ac academaidd gyfrifoldebau gwahanol i dy gynorthwyo.