Methu mynychu hyfforddiant yn ystod yr wythnos?

Mae pob un o'n cyrsiau hyfforddi ar ddydd Sadwrn yn cyflwyno cynnwys o weithdai hyfforddi gwahanol i greu diwrnod datblygu sgiliau dwys.

Diwrnod hyfforddi sgiliau llyfrgell

Mae’r cwrs hwn yn cynnwys hyfforddiant ar chwilio llenyddiaeth, cyfeirnodi, offer digidol ar gyfer ymchwilwyr a gwella eich proffil ymchwil proffesiynol. Gweld ac archebu yma

Cyflwyno eich ymchwil

Mae'r cwrs hwn yn cynnwys rhoi hyfforddiant ar ddylunio sleidiau PowerPoint, sgiliau cyflwyno, creu posteri academaidd ac ymgysylltu â'r cyhoedd.  Gweld ac archebu yma

Mae cyrsiau hyfforddiant ar-lein ac adnoddau ategol ar gael ar draws y themâu hyfforddiant ymchwil ôl-raddedig, ar bopeth o foeseg ymchwil ac ystadegau i ysgrifennu’n academaidd a chyflwyno. Mae mwy o fanylion am yr hyfforddiant ar-lein ac adnoddau eraill ar-lein ar gael yma.

Mae arbenigwyr ar gael ar draws y Brifysgol i roi arweiniad ac adborth pwrpasol un i un i’ch cefnogi chi ddatblygu eich sgiliau, yn ystod amser sy'n addas ichi. Trefnwch i gwrdd wyneb yn wyneb, siarad dros y ffôn, neu anfon neges trwy e-bost neu sgwrs ar-lein.

Cymerwch gip ar ein rhestr o Gysylltiadau Defnyddiol i weld pwy sy'n gallu helpu gyda phopeth o gyrchu llyfrau o bell i greu hysbysiad preifatrwydd ymchwil neu gynnwys aelodau'r cyhoedd yn eich ymchwil.

Os nad ydych yn gallu cymryd rhan yn y Thesis Tair Munud (3MT) neu gystadlaethau FameLab yn bersonol, gallwch gyflwyno cais drwy gyflwyno recordiad fideo o’ch cyflwyniad. E-bostiwch SkillsTraining@abertawe.ac.uk am fwy o wybodaeth.