Cynllun Rheoli Carbon

Yn 2015, gwnaeth Prifysgol Abertawe, a oedd cyn hynny'n brifysgol un campws ym Mharc Singleton, agor Campws y Bae, sef prosiect ehangu gwerth £450 miliwn dros 65 erw, gan droi'n brifysgol campws deuol.

O ganlyniad i'r newid sylweddol hwn yn ein cyfleusterau a'n poblogaeth, cytunwyd ar y cyd â Chyngor Cyllido Addysg Uwch Cymru mai 2015 – 2016 fyddai'r flwyddyn waelodlin gynrychioliadol berthnasol ar gyfer y Cynllun Rheoli Carbon (CMP). O ganlyniad, gwnaeth cynllun 2016-2026 ddisodli ein Cynllun Rheoli Carbon 2010 – 2020 blaenorol, ac fe'i cymeradwywyd gan Uwch Dîm Rheoli'r Brifysgol a'i Phwyllgor Cyllid.

This is a picture of our active office, a fully sustainable and eco-friendly building at our Bay Campus.

A few of the ceiling of the school of management atrium.

Mae'r Cynllun Rheoli Carbon yn darparu:

targedau lleihau carbon clyfar (SMART) amlwg ar gyfer y tymor byr, y tymor canolog a’r tymor hir (e.e. 3.5% y flwyddyn a 35% erbyn 2026)
fframwaith o fesurau lleihau carbon, buddsoddiadau gofynnol ac arbedion disgwyliedig (e.e. strategaeth datblygu lleihad carbon a meddylfryd carbon is, gan gynnwys cyfathrebu a hyfforddi)
eglurder ar lywodraethu rheoli carbon, rolau a chyfrifoldebau
ymrwymiad i fonitro a strwythuro cynnydd adrodd am garbon tuag at y targedau yn gyhoeddus ac yn flynyddol (h.y. cwmpas 1, 2 a 3)
arwyddion at ddogfennaeth ategol (e.e. Strategaeth Gynaliadwyedd a Chynllun Teithio)
adroddiadau a thargedau; gan bennu mesurai lleihau ar gyfer allyriadau cwmpas 3.

An aerial view of our Bay Campus. There are lots of buildings and facilities such as a sports field.

Darllenwch ein Cynllun Rheoli Carbon nawr

SUT YDYM YN MESUR EFFEITHIOLRWYDD EIN CYNLLUN?

Bob blwyddyn, fel rhan o'n System Rheoli Amgylcheddol ISO14001, rydym yn adrodd ar ein cynnydd mewn perthynas â'n cynllun. Mae'r adrodd hwn am ein cyflawniadau'n digwydd yng nghyfarfodydd o Bwyllgor Cyfrifoldeb Corfforaethol y Brifysgol, sydd wedi'u cadeirio gan Gofrestrydd a Phrif Swyddog Gweithredu'r Brifysgol ac y mae staff, myfyrwyr a chynrychiolwyr yr undeb lafur yn eu mynychu.

AM GYMRYD RHAN?

Mae datblygu “Meddylfryd Carbon Isel” yn un o'n pum thema leihau graidd yn y Cynllun Rheoli Carbon, ac mae'n canolbwyntio ar gynnwys staff a myfyrwyr wrth fonitro, rheoli a lleihau carbon.

I lwyddo yn ein nod o leihau allyriadau carbon gan 35% erbyn 2026, rhaid i ni gynnwys holl gymuned y Brifysgol yn ein rheolaeth o garbon.

Drwy'r prosiect canlynol, rydym yn datgloi potensial ein staff a’n myfyrwyr i leihau ein defnydd o ynni, wrth lywio ac ysbrydoli cenedlaethau'r dyfodol i gael meddylfryd carbon isel.

Prosiect Ynni Myfyrwyr

Yn 2016, ni oedd y brifysgol gyntaf yng Nghymru i gyflwyno cynllun Prosiect Ynni Myfyrwyr (TSEP) yn ein preswylfeydd ar Gampws Parc Singleton i'n helpu ni i leihau ein hôl troed carbon a chynnig arbedion cost ynni. Yn ystod y flwyddyn gyntaf o weithredu, cofnododd y TESP ostyngiad o 4% yn ein defnydd o ynni trydanol, gan gyfateb i 60,000 kWh o arbedion.

Beth yw'r Prosiect Ynni Myfyrwyr (TESP)?

Pan fyddwch yn cofrestru'ch ystafell gyda TSEP, gallwch fonitro eich defnydd o ynni a dŵr yn hawdd. Mae'r cynllun yn cynnig canllawiau syml i arbed ynni megis defnyddio golau naturiol yn lle troi'r goleuadau ymlaen a diffodd dyfeisiau pan na fyddant yn cael eu defnyddio. Os ydych chi'n defnyddio llai o ynni nag y disgwyliwyd, gallwch ennill pwyntiau y gallwch eu cyfnewid am wobrau gwych.

Sut gallaf fod yn rhan o TSEP?

Mae ymuno â TESP yn rhwydd. Y cyfan y mae angen i chi ei wneud yw cofrestru'ch ystafell. Unwaith y byddwch chi wedi cofrestru, gallwch ymuno drwy gystadlaethau, gwirfoddoli, cyrsiau ar-lein a hyd yn oed gyfleoedd swyddi drwy TESP.

Bod yn gynrychiolydd TESP

Os ydych chi'n hynod frwd, gallwch fod yn gynrychiolydd TESP a'n helpu i annog myfyrwyr eraill i gofrestru ar y cynllun. I ddangos gwerthfawrogiad am eich ymrwymiad, cewch siwmper am ddim, bonysau arian a phrofiad gwaith mewn cwmni yn y sector ynni.

Gallwch wylio fideo am TSEP yma a chael gwybod mwy yma.

Blackout - Ymgyrch Diffodd Prifysgol Abertawe

Bob blwyddyn ym Mhrifysgol Abertawe, cynhelir ymgyrch ar draws y campws sy'n atgoffa myfyrwyr a staff i ddiffodd pob dyfais, arbed ynni a lleihau allyriadau carbon.

Yn ystod yr ymgyrch, rydym yn cynnal digwyddiad diffoddlle bydd grŵp o wirfoddolwyr staff a myfyrwyr yn dychwelyd i'r Brifysgol gyda'r hwyr i fonitro ymdrechion diffodd pawb. Rydym yn gadael danteithion melys i'r rhai sydd wedi diffodd a negeseuon atgoffa cwrtais i'r rhai y mae angen mwy o anogaeth arnynt.

Y llynedd, roedd yr ymgyrch diffodd wedi arbed 9% i'r Brifysgol, o'i gymharu â phenwythnos tebyg ychydig o wythnosau cyn hynny. Mae'n hymgyrch diffodd blynyddol yn ffordd o wych o'ch atgoffa i ddiffodd popeth. Mae'n ddigwyddiad llawn hwyl, yn ffordd wych o ddod i adnabod pobl newydd a chymdeithasu gyda chyd-fyfyrwyr a staff a byddwch yn ennill profiad gwerthfawr ar yr un pryd.

Mae cymryd rhan yn y digwydd diffodd yn helpu myfyrwyr i weithio tuag at Wobr Gynaliadwyedd ac yn galluogi staff y Brifysgol i ennill pwyntiau SWell drwyGynllun Cynnwys SWell.

Ymgysylltiad Staff a Lleihau Carbon SWell

Drwy gynllun SWell y Brifysgol, rydym yn gwobrwyo ein staff am roi ystod o weithrediadau cynaliadwy sy'n gysylltiedig â lles ar waith.

Un o wyth thema gweithgareddau SWell yw “Fy ôl-troed”. Gall staff ennill taleb gwerth £5 os ydynt yn ennill mwy na 4000 o bwyntiau drwy gwblhau gweithgareddau rheolaidd, gan leihau eu hôl-troed carbon a chan helpu'r Brifysgol i reoli carbon a llwyddo i gyrraedd ein targed o leihad 35%.

Mae lleihau carbon yn thema gyffredin sydd wedi'i gwreiddio mewn llawer o'n gweithgareddau cynnwys SWell eraill. Isod, ceir rhestr o weithgareddau eraill ar SWell lle mae lleihau carbon yn ysgogydd.

Cynllun Beicio i'r Gwaith
Cymudo Cynaliadwy ac Iach
Teithio Campws Cynaliadwy Iach
Telegynhadledda
Wythnos Dim Siopa
Llun Llysfwytäol
Ailgylchu
Ailddefnyddio Dodrefn
Grisiau Dros Lifftau
Cwpanau Ailddefnyddiadwy
Mercher Dim Gwastraff

Cewch ragor o wybodaeth am SWell yma.

RYDYM YN MANTEISIO AR DRYDAN A GRËIR O FFYNONELLAU ADNEWYDDADWY

Ym Mhrifysgol Abertawe, rydym yn talu pris adnewyddadwy ar gyfer 100% o'n trydan o'r grid. Golyga hyn ein bod ni'n ariannu ein defnydd o drydan y mae'r grid yn ei gyflenwi o ffynonellau adnewyddadwy. Dyma ddadansoddiad o'n Ffynonellau Adnewyddadwy o'r tariff gwyrdd.

MAE PRIFYSGOL ABERTAWE’N AELOD BALCH O RWYDWAITH CARBON ISEL BAE ABERTAWE

Mae Bae Abertawe Carbon Isel yn gweithio i leihau ôl-troed carbon Abertawe. Diben cyffredinol y fenter hon yw datblygu dull cydlynol, integredig a chynaliadwy i leihau allyriadau carbon ar draws pob sector yn Abertawe a de-orllewin Cymru. Yn fwy penodol, dyma’i nodau:

Datblygu a hyrwyddo ymagwedd gydlynol at leihau carbon.
Sicrhau bod modd mesur y lleihad a’i fod yn bodloni neu’n rhagori ar dargedau cenedlaethol.
Uchafu cyfleoedd i brosiectau lleihau carbon yn y rhanbarth gael mynediad at adnoddau a rhannu arfer da.

Edrychwch ar ein Tystysgrif Aelod o Rwydwaith Abertawe Carbon Isel.

Cynllun Rheoli Carbon