Llwybrau i Feddygaeth

“Efallai ei fod yn anodd, ond mae dilyn gyrfa ym maes meddygaeth yn rhoi llawer o foddhad”

Sylfeini delfrydol i fynd ymlaen i astudio Meddygaeth

Pa un a ydych yn chwilio am y radd ddelfrydol fel eich 5ed dewis ar UCAS, yn dymuno datblygu eich diddordeb mewn gwyddoniaeth, neu heb lwyddo i gael lle ar radd israddedig mewn Meddygaeth, mae ein Llwybrau i Feddygaeth yn sicrhau bod gennych gynllun wrth-gefn i fynd ymlaen i astudio Meddygaeth.

Mae gennym ystod o raddau israddedig a fydd yn rhoi sylfaen i chi fynd ymlaen i astudio Meddygaeth i Raddedigion. Mae’r rhaglenni hyn yn canolbwyntio ar y wyddoniaeth sy’n sail i feddygaeth. Mae ein graddau Llwybr yn rhoi cyfle i ymgeiswyr sy’n mwynhau gwyddoniaeth ddatblygu eu diddordeb wrth gadw eu hopsiynau ar gyfer gyfra ym maes Meddygaeth ar agor.

Beth yw llwybr i feddygaeth?

Sut mae ein Rhaglen Llwybrau i Feddygaeth yn gweithio

Rydym yn falch o allu gwarantu i raddedigion ar ein detholiad o raddau israddedig y byddant yn cael cyfweliad ar gyfer ein rhaglen Meddygaeth i Raddedigion, ar yr amod eu bod yn bodloni’r gofynion mynediad.

Bydd myfyrwyr sy’n dewis rhaglen llwybr i feddygaeth yn elwa o fodiwlau pwrpasol, lleoliadau gwaith yn ymwneud â gofal iechyd a chymorth arbenigol i baratoi ceisiadau ar gyfer y rhaglen meddygaeth i raddedigion. Ynghyd â hyn, byddant yn derbyn gwarant o gyfweliad ar gyfer ein cwrs meddygaeth i raddedigion, ar yr amod eu bod yn bodloni’r gofynion mynediad.

5ed dewis delfrydol

Mae UCAS yn mynnu bod ymgeiswyr sy’n gwneud cais am gwrs Meddygaeth israddedig yn dewis 5ed dewis nad yw’n ymwneud â Meddygaeth ar eich cais UCAS. Mae ein Llwybrau i Feddygaeth wedi eu dylunio’n arbennig i weithredu fel y 5ed dewis, gyda gradd a fydd yn eich helpu i gyflawni eich uchelgais o astudio Meddygaeth.

Mae ein llwybrau pwrpasol sydd â ffocws ar Feddygaeth, gyda gwarant o gyfweliad, yn sicrhau bod gan ymgeiswyr am gwrs Meddygaeth israddedig y 5ed dewis delfrydol ar gyfer eu cais UCAS. Mae’r rhaglenni hyn yn gynllun wrth-gefn gyda gwarant o gyfweliad i astudio Meddygaeth.

Ein rhaglenni Llwybrau i Feddygaeth:

Gwyddorau Meddygol Cymhwysol

Bydd Gwyddorau Meddygol Cymhwysol yn rhoi dealltwriaeth drylwyr i chi o hanfodion y wyddoniaeth ac mae’n un o’n Llwybrau i Feddygaeth sy’n rhoi sylfaen i chi fynd ymlaen i astudio Meddygaeth i Raddedigion. Mae’r rhaglen hon yn canolbwyntio ar y wyddoniaeth sy’n sail i feddygaeth. Mae ein graddau Llwybr yn rhoi cyfle i ymgeiswyr sy’n mwynhau gwyddoniaeth ddatblygu eu diddordeb wrth gadw eu hopsiynau ar gyfer gyfra ym maes Meddygaeth ar agor.

Biocemeg Feddygol

Bydd ein rhaglen BSc Biocemeg Feddygol yn eich addysgu am y prosesau cemegol sy’n digwydd o fewn organebau byw a chewch astudio sut mae celloedd yn gweithio ar lefel foleciwlaidd ac isgellog. Mae’r gradd hyn yn rhan o’n rhaglenni Llwybrau i Feddygaeth sy’n rhoi sylfaen i chi fynd ymlaen i astudio Meddygaeth i Raddedigion.

Biocemeg Feddygol, BSc (Anrh.)

Geneteg Feddygol

Bydd ein rhaglen BSc Geneteg Feddygol yn rhoi gwybodaeth drylwyr i chi o flociau adeiladu sylfaenol bywyd. Dyma faes cyffrous sy’n datblygu’n gyflym, ac sy’n cael effaith fawr ar feddyginiaeth a’r modd y caiff clefydau eu trin. Mae’r gradd hyn yn Llwybr i Feddygaeth sy’n rhoi sylfaen i chi fynd ymlaen i astudio Meddygaeth i Raddedigion.

Geneteg Feddygol, BSc (Anrh.)

Ffarmacoleg Feddygol

Ffarmacoleg Feddygol yw’r wyddoniaeth y tu ôl i gyffuriau a meddyginiaethau, eu heffeithiau ar systemau byw, a’u rôl wrth drin clefydau. Mae Ffarmacoleg Feddygol yn un o’n Llwybrau i Feddygaeth sy’n rhoi sylfaen i chi fynd ymlaen i astudio Meddygaeth i Raddedigion. Mae’r rhaglen hon yn canolbwyntio ar y wyddoniaeth sy’n sail i feddygaeth.

Ffarmacoleg Feddygol, BSc (Anrh.)

Iechyd Poblogaethau a Gwyddorau Meddygol

Bydd ein BSc Iechyd Poblogaethau a Gwyddorau Meddygol yn rhoi sylfaen gadarn i chi mewn gwyddorau bywyd a meddygol, gwyddorau cymdeithasol, epidemioleg, demograffeg, iechyd y cyhoedd a gwybodeg iechyd. Mae Iechyd Poblogaethau a Gwyddorau Meddygol yn un o’n Llwybrau i Feddygaeth sy’n rhoi sylfaen i chi fynd ymlaen i astudio Meddygaeth i Raddedigion.