Cadw eich beic yn ddiogel yn y Brifysgol

Defnyddiwch glo siâp D i gloi ffrâm y beic i stondin beiciau, a chlo cadwyn ychwanegol i’w ddiogelu trwy’r olwynion (yn enwedig os ydynt yn rhai sy'n dod yn rhydd yn gyflym). Gallwch gasglu eich clo siâp D rhad ac am ddim o MyUniHub neu o unrhyw ddigwyddiad beicio a gynhelir ar y campws.

Tynnwch luniau o'ch beic gan gynnwys lluniau agos o'r gwneuthuriad, y model a rhif y ffrâm. Gwnewch gofnod o wneuthuriad, model a rhif ffrâm eich beic a’i gadw mewn man diogel.

Dylech hefyd nodi diogelwch eich beic ar y ffrâm gyda'ch enw a'ch cod post a'i gofrestru ar gronfa ddata genedlaethol y Gofrestr Feiciau. I gofrestru eich beic, cysylltwch â ni ar travel@swansea.ac.uk 

Os yw’ch beic ar goll neu wedi ei ddwyn, pan ddaw rhywun o hyd iddo bydd yr Heddlu yn gallu gwirio'r gofrestr a'i ddychwelyd i'r perchennog. 

Mae ‘Stolen Bikes UK’ yn cynnig nifer o wasanaethau i'ch helpu i ddod o hyd i'ch beic os yw wedi ei ddwyn:

Find that Bike: Mae https://findthatbike.co.uk/ yn dwyn ynghyd hysbysebion am feiciau ail law o nifer o wefannau, gan gynnwys Gumtree ac eBay, mewn un oriel fawr y gellir ei chwilio. Gallwch hefyd osod rhybudd e-bost fydd yn rhoi gwybod i chi os caiff beic o'r un disgrifiad â’ch chwiliad ei restru ar werth.

Check that Bike: Mae https://checkthatbike.co.uk/ yn coladu gwybodaeth gan gwmnïau yswiriant, gwneuthurwyr beiciau a'r Heddlu am feiciau sydd wedi'u dwyn, sy'n galluogi aelodau'r cyhoedd i wirio rhif ffrâm eu beic yn erbyn cofnodion ar y gronfa ddata.

Rhowch wybod i’r Heddlu am  unrhyw wybodaeth ynghylch trosedd beiciau trwy alw 101, neu 999 wrth iddo ddigwydd.