Sylwer bod y dudalen hon wedi cael ei harchifo ac nid yw'n cael ei diweddaru mwyach.
Bydd cynhadledd yn canolbwyntio ar y thema Deall y Profiad Ymfudo yn cael ei chynnal yng Nghanolfan Ymchwil Polisi Ymfudo Prifysgol Abertawe (CMPR).
Bydd y gynhadledd, a gynhelir ar 25ain-26ain Mehefin, yn galluogi myfyrwyr ôl-raddedig sy’n astudio ymfudo a phrofiadau ymfudwyr i archwilio themâu’r seminar mewn mwy o fanylder ac arddangos eu gwaith.
Meddai’r Athro Heaven Crawley, Cyfarwyddwr CMPR yn y Coleg Gwyddoniaeth: “Rydw i’n gobeithio y bydd y gynhadledd hefyd yn cyfrannu at drafodaethau academaidd a pholisi ehangach, gan gynyddu ymwybyddiaeth a dealltwriaeth o’r profiad ymfudo a phwysigrwydd hyn o ran creu polisïau a dadleuon gwleidyddol.
“Rydw i hefyd yn gwahodd myfyrwyr ôl-raddedig i gyflwyno papurau ar bob agwedd o’r profiad ymfudo. Mae croeso i fyfyrwyr ôl-raddedig ym mhob cyfnod o’u hymchwil, ar draws pob disgyblaeth academaidd gyflwyno papurau a chroesewir cyfraniadau rhyngddisgyblaethol yn arbennig.”
Themâu’r gynhadledd yw:
• Beth yw’r ‘profiad ymfudo’? Damcaniaethu’r cysyniad
• Materion Methodoleg wrth ymchwilio’r profiad ymfudo
• Rôl rhyw, oed, dosbarth a hil wrth lunio’r ‘profiad ymfudo’
• Y celfyddydau fel offer ar gyfer deall profiad ymfudwyr
• Gwleidyddiaeth cynrychioli
• Sut y gall y profiad ymfudo hysbysu’r broses creu polisïau
• Gwahanol agweddau ar y profiad ymfudo, er enghraifft, y daith prosesau mewnfudo, bod dan gadwad ac integreiddio
- Dydd Llun 30 Ebrill 2012 01.00 BST
- Dydd Mercher 11 Medi 2019 11.57 BST
- Swansea University