Bay Campus image
Dr Simon Brooks

Dr Simon Brooks

Athro Cyswllt, Business

Rhif ffôn

+44 (0) 1792 513037

Cyfeiriad ebost

JavaScript is required to view this email address.

Dolenni Ymchwil

Ar gael ar gyfer Goruchwyliaeth Ôl-raddedig

Trosolwg

Mae Dr Simon B. Brooks yn Athro Cyswllt yn Ysgol Reolaeth Prifysgol Abertawe. Ef yw Cyfarwyddwr Rhaglen y rhaglen Doethur mewn Gweinyddu Busnes, sy’n cael ei lansio ym mis Ionawr 2021.

Mae Simon yn aelod o Gyngor Academi Rheolaeth Prydain, a chyn hynny bu’n cadeirio’r grŵp Busnes Cynaliadwy a Chyfrifol yn yr academi. Mae hefyd yn un o sylfaenwyr Grŵp Ymchwil ac Arloesi Economi Gylchol Cymru.

Cadeiriodd Grŵp Gorchwyl a Gorffen Mentora rhwng Busnesau Cynulliad Cymru ac roedd yn un o sylfaenwyr Cyd-bwyllgor Moeseg Heddlu De Cymru.

Mae ei arbenigedd addysgu ym meysydd cyfrifoldeb cymdeithasol corfforaethol a strategaeth, yn enwedig lle mae’r pynciau hyn yn gorgyffwrdd. Yn yr un modd, mae ei ddiddordebau ymchwil yn canolbwyntio ar gyfrifoldeb cymdeithasol corfforaethol a Chreu Gwerth a Rennir ynghyd ag Ystwythder Strategol. Ar hyn o bryd, mae ynghlwm wrth ymchwil sy’n cymhwyso Ystwythder Strategol i Ofal Iechyd ar sail Gwerthoedd yn y DU.

Gan adeiladu ar brofiad blaenorol helaeth yn y sector preifat ac Addysg Uwch, mae Simon wedi ymgymryd ag amrywiaeth o rolau arwain uwch ers cyrraedd Abertawe ym mis Gorffennaf 2013. Mae’r rhain yn cynnwys Pennaeth yr Adran Marchnata, Busnes Rhyngwladol a Strategaeth, Deon Cyswllt Ymchwil Ôl-raddedig, Cyfarwyddwr Ymchwil Ôl-raddedig, Arweinydd Academaidd ar Dderbyniadau a chadeirydd Pwyllgor Menter ac Arloesi’r ysgol.

Meysydd Arbenigedd

  • Cyfrifoldeb Cymdeithasol Corfforaethol
  • Dadansoddi Strategol
  • Ystwythder Strategol
  • Gwerth a Rennir
  • Moeseg Busnes
  • Mapio Rhanddeiliaid
  • Gofal Iechyd ar sail Gwerthoedd

Uchafbwyntiau Gyrfa

Ymchwil
  • Cyfrifoldeb cymdeithasol corfforaethol a busnesau bach a chanolig.
  • Ystwythder strategol a chynaliadwyedd corfforaethol.
  • Ystwythder strategol a gofal iechyd sy'n seiliedig ar werthoedd.
  • Creu gwerth a rennir a gofal iechyd sy'n seiliedig ar werthoedd.

Bydd Simon yn awyddus i oruchwylio ymgeiswyr doethurol addas unwaith y bydd y rhaglen Meddyg Gweinyddu Busnes wedi'i lansio.

Prif Wobrau

Enillodd Simon y wobr 'Papur CSR Gorau' yn yr Academi Rheolaeth Brydeinig yn 2009 am ei bapur o'r enw 'The straightjacket of economic rationality: What CSR can learn from the sociology of economic behaviour'.

Cydweithrediadau

Mae Dr Simon B. Brooks wedi cymryd rhan mewn nifer o weithgareddau cydweithredol yn ystod ei yrfa academaidd.

Cydweithredodd â chydweithwyr yn y Coleg Peirianneg, a Phennaeth y Strategaeth Wastraff ar gyfer Cymru i sefydlu Grŵp Ymchwil ac Arloesi Economi Gylchol Cymru, dan gadeiryddiaeth yr Athro Cyswllt Gavin Bunting (Coleg Peirianneg).

Yn ddiweddar, mae wedi cydweithio ag aelodau o Gyngor Academi Rheolaeth Prydain i arwain rhaglen ‘Developing Education Focused Professors’ y DU ar gyfer 2020.

Bu’n aelod o’r grŵp llywio a aeth ati i sefydlu Cyd-bwyllgor Moeseg Heddlu De Cymru, gan fynd ymlaen i fod yn aelod o’r pwyllgor cychwynnol am dair blynedd.

Cadeiriodd Simon Grŵp Gorchwyl a Gorffen Mentora rhwng Busnesau ar gyfer Llywodraeth Cymru, a sefydlwyd gan y Dirprwy Brif Weinidog ar y pryd.

Cyflwynodd adroddiad ‘Tirwedd Cyfrifoldeb Cymdeithasol Corfforaethol Cymru’ ar gyfer Grŵp Gorchwyl a Gorffen Cyfrifoldeb Cymdeithasol Corfforaethol Llywodraeth Cymru, gan arwain at gydweithio â Busnes yn y Gymuned i ddatblygu deunyddiau i ymgysylltu busnesau bach a chanolig â chyfrifoldeb cymdeithasol corfforaethol.