Rydym yn cynnig llety ar y campws ac oddi arno, gydag opsiynau gwahanol. Gallwch edrych ar yr opsiynau sydd ar gael ar dudalen we llety i ôl-raddedigion neu SAS Lettings, sef gwasanaeth gan y Brifysgol sy'n eich helpu i ddod o hyd i lety oddi ar y campws.

Dyma rai o'r opsiynau o ran llety sydd ar gael ar:

• Gampws Parc Singleton
• Campws y Bae
• Pentref Myfyrwyr Hendrefoelan (HSV)
• Tŷ Beck

Cewch. Cewch fynd ar daith rithwir 360 o'r llety sy'n cynnwys Campws Parc Singleton, Campws y Bae, Pentref Myfyrwyr Hendrefoelan a Thŷ Beck.

Mae prisoedd ein llety yn amrywio gan ddibynnu ar ba lety rydych chi'n ei ddewis. Er mwyn dysgu rhagor, ewch i'n tudalennau ffioedd llety.

Gallwch gyflwyno cais am lety ar-lein. Bydd angen eich rhif myfyriwr arnoch er mwyn cyflwyno cais, a gallwch ddod o hyd i hwn ar eich llythyr cynnig a/neu ohebiaeth arall y byddech wedi ei derbyn.

Cewch. Os hoffech chi fyw gyda ffrind, rhowch enwau eich gilydd yn adran ceisiadau'r ffurflen gais. Er nad oes modd inni warantu y bydd gennych le gyda'ch gilydd, byddwn yn gwneud ein gorau glas i ddiwallu eich cais.

Os ydych chi'n siarad Cymraeg a hoffech chi fyw gyda myfyrwyr eraill sy'n siarad Cymraeg, nodwch hyn yn eich cais. Rydym yn cynnig llety neilltuol i fyfyrwyr Cymraeg. Er mwyn dysgu rhagor, ewch i dudalen Llety Academi Hywel Teifi.

Rydym yn cynnig llety myfyrwyr sydd wedi'i addasu ar gyfer cadeiriau olwyn. Rhowch wybod inni am eich gofynion wrth gwblhau eich cais. Gwyliwch y fideo hwn ynghylch y cymorth sydd ar gael i fyfyrwyr anabl yn Abertawe.

Os ydych chi am ddod â char, mae Pentref Myfyrwyr Hendrefoelan yn cynnig parcio am ddim i'r holl breswylwyr ar y safle, neu gallech ystyried llety oddi ar y campws drwy SAS.

Rydym yn cynnig llety ar gyfer cyrsiau o hyd ansafonol ar Gampws y Bae, Parc Singleton ac ym Mhentref Myfyrwyr Hendrefoelan er mwyn bodloni eich dyddiadau tymor penodol.

Yn Abertawe, mae gennym dîm arbennig sy'n gallu eich helpu i reoli eich arian. Ewch i wefan Arian@BywydCampws er mwyn dysgu pa gymorth sydd ar gael ichi.

Mae Campws Singleton a Champws y Bae yn cynnig bwyd halal ac mae ystod o leoedd bwyta.

Os ydych chi'n frwdfrydig iawn am chwaraeon, diwylliant neu gael antur yn yr awyr agored, byddwch yn darganfod digon i'ch cadw'n brysur rhwng darlithoedd. Dysgwch ragor am y ddinas a bywyd myfyrwyr ym Mhrifysgol Abertawe.