Secondary PGCE with QTS: Biology, PGCert

Bydd rhaid i'r holl ymgeiswyr TAR ddod i gyfweliad wyneb yn wyneb gydag aelod o staff addysgu PYPA. Cynhelir cyfweliadau yn Gymraeg neu'n Saesneg, a bydd cyfieithu ar y pryd ar gael i ymgeiswyr sy'n dymuno cael eu cyfweld yn Gymraeg. Bydd yr holl ddarpar athrawon dan hyfforddiant yn derbyn yr un broses gyfweld, gyda darpariaeth ar gyfer ffocws pwnc. Bydd hyn yn cynnwys gweithgaredd grŵp gyda'r panel cyfweld yn arsylwi arno, ac yna gyflwyniad unigol byr i'r panel cyfweld a thrafodaeth broffesiynol.

Rhaid i ymgeiswyr y TAR Uwchradd gyflawni'r canlynol cyn cael eu derbyn i'r rhaglen:

• Gradd anrhydedd gydag o leiaf 2:2 mewn pwnc perthnasol, neu bwnc cysylltiedig gydag o leiaf 50% o gynnwys pwnc perthnasol;
• Gradd B TGAU mewn Iaith Gymraeg/Saesneg (bydd rhaid i fyfyrwyr sy'n cyflwyno cais ar gyfer y rhaglen Gymraeg feddu ar TGAU mewn Cymraeg);
• Gradd B TGAU mewn MathemategBydd rhaid i ymgeiswyr gwblhau Prawf Mynediad Sgiliau Proffesiynol mewn llythrennedd a rhifedd fel rhan o'r broses gyfweld. Bydd y prawf llythrennedd yn cynnwys ysgrifennu darn byr (200 i 300 o eiriau) a fydd yn cael ei ddefnyddio i nodi'r rhai hynny a fyddai'n elwa o gael cymorth ysgrifennu academaidd gan dîm Canolfan Llwyddiant Academaidd Prifysgol Abertawe. Bydd y prawf rhifedd yn galluogi'r tîm TAR i nodi athrawon dan hyfforddiant a allai fanteisio ar y rhaglen MASS (Mathemateg ac Ystadegau), hefyd ar gael drwy'r Ganolfan Llwyddiant Academaidd. Bydd yr holl fyfyrwyr TAR yn cwblhau archwiliad Cymhwysedd Digidol wrth gofrestru a bydd hyfforddiant cymhwysedd digidol yn rhan o'u rhaglen astudio TAR.Bydd yn rhaid i'r holl ymgeiswyr gael gwiriad manwl gan y GDG. Ni ddylai ymgeiswyr fod wedi cael eu heithrio rhag addysgu neu weithio gyda phlant nac wedi'u cofrestru gyda'r GDG fel person sy'n anaddas i weithio gyda phlant neu bobl ifanc.
• Byddem yn croesawu ymgeiswyr tramor sy'n gallu dangos gofynion iaith Saesneg o 6.5 neu'n uwch ym mhob maes IELTS ac mae ganddynt yr hawl i weithio yn y DU ar ôl graddio.
• Rhaid i'r holl ymgeiswyr fodloni gofynion Safonau Iechyd Addysg (Cymru) gan gadarnhau eu gallu corfforol ac iechyd er mwyn addysgu.
• Efallai bydd ymgeiswyr â gradd C TGAU mewn Iaith Gymraeg/Saesneg neu Fathemateg sy'n bodloni'r holl feini prawf mynediad eraill yn cael eu derbyn os byddant yn cwblhau'r prawf cyfwerthedd yn llwyddiannus.

Bydd eich astudiaethau'n cynnwys sesiynau a addysgir yn y brifysgol, lleoliadau mewn ysgolion, diwrnodau profiad amgen ac wythnos ar leoliad arsylwi estynedig mewn un o'r lleoliadau amgen a brofwyd. Bydd lleoliadau amgen yn cynnwys: Cyfleusterau Addysgu Arbenigol, Unedau Cyfeirio Disgyblion, cyfnodau oedran eraill a lleoliadau diwylliannol/ieithyddol eraill.

Bydd cyfran yr addysgu y byddwch yn ymgymryd â hi'n cynyddu fesul cam yn ystod y flwyddyn felly bydd eich llwyth gwaith yn cynyddu o 30% ar amserlen addysgu lawn yn eich lleoliad cyntaf i 75% ar amserlen addysgu lawn ar ddiwedd eich cwrs.

Os ydych chi’n siarad Cymraeg, mae ein hacademi bwrpasol, Academi Hywel Teifi, yma i’ch cefnogi gydol eich amser ym Mhrifysgol Abertawe. Rydym yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn eich dewis iaith.
• Dewis i ysgrifennu a chyflwyno eich gwaith cwrs, a gwneud eich arholiadau drwy gyfrwng y Gymraeg (hyd yn oed os mai Saesneg yw iaith eich astudiaethau) a gwneir pob ymdrech i’w farcio yn yr iaith wreiddiol.
• Tiwtor personol sy’n siarad Cymraeg.
• Cymorth un-i-un i wella’ch sgiliau Cymraeg academaidd.

Ers 2011, mae cynnydd o 40% wedi bod yn nifer y myfyrwyr sy’n astudio drwy gyfrwng y Gymraeg ym Mhrifysgol Abertawe ac yn ôl ein data *TEF o’r ddwy flynedd ddiwethaf mae myfrywyr Cymraeg eu hiaith yn llwyddiannus iawn o safbwynt cyflogadwyedd (*canlyniadau TEF Prifysgol Abertawe 2017 a 2018).

Dr Neil Lucas, Pennaeth Partneriaethau Ysgol, Ysgol Addysg Prifysgol Abertawe

Y ffioedd dysgu blynyddol ar gyfer blwyddyn academaidd 2019/20 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau y Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae'r cymhellion presennol ar gyfer athrawon dan hyfforddiant TAR yn ddeniadol iawn, yn enwedig ar gyfer pynciau lle ceir prinder. Cyfeiriwch at y rhestr brisiau bresennol

Gall athrawon dan hyfforddiant TAR sy'n byw yng Nghymru hefyd fod yn gymwys am y pecyn cymorth i fyfyrwyr safonol, sy'n cynnwys benthyciad ar gyfer ffioedd dysgu a phecyn cymorth ar gyfer costau byw ('cynhaliaeth'). Bydd cyfanswm y pecyn cynhaliaeth gyfwerth â'r Cyflog Byw Go Iawn wrth astudio, sy'n gymysgedd o grantiau a benthyciadau, gan ddibynnu ar incwm yr aelwyd. Cymhellion Hyfforddiant Athrawon

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

• Teithio i ysgolion ac oddi yno
• Os cewch gynnig lle, bydd angen gwiriad manwl gan y Gwasanaeth Datgelu a Gwahardd arnoch, neu wiriad cyfwerth a gymeradwywyd. Gweler ein tudalen Arweiniad ar Gyflwyno Cais am DBS i gael rhagor o fanylion.

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mae ein myfyrwyr yn bwysig i ni a'n nod yw sicrhau eich bod yn ennill y dosbarth gradd gorau. Mae gennym system mentora personol lle y dyrennir mentor academaidd i chi. Mae gennym hefyd bolisi "drws agored" lle mae ein hathrawon academaidd ar gael i siarad â chi ar unrhyw adeg am unrhyw ymholiadau neu bryderon academaidd a allai fod gennych.

Gwneir ceisiadau am Addysg Gychwynnol i Athrawon drwy wefan UCAS

Ymchwil-gwybodus Ymarfer Myfyriol

Bydd asesiad ar gyfer EDPM16 yn galluogi athrawon dan hyfforddiant i ddangos eu bod wedi datblygu lefel uchel o sgiliau meddwl yn feirniadol a fydd yn eu galluogi i integreiddio dysgu academaidd a phrofiadol.

Asesiad 1: Myfyrio beirniadol ar gynlluniau gwersi

Bydd athrawon dan hyfforddiant yn cyflwyno 4 cynllun gwersi penodol gyda ffocws penodol ar faterion ysgol cyffredinol (e.e. rheoli ymddygiad mewn gwers Gemeg), ynghyd â myfyrdod beirniadol 750 o eiriau ar effeithiolrwydd y gweithgareddau dysgu a gyflwynwyd. Dylai pob myfyrdod beirniadol ddangos fod ganddynt ddealltwriaeth glir o sut mae llenyddiaeth yn cyfeirio cynllunio ar gyfer deilliannau penodol yn eu pwnc a sut mae'r wers a ddewiswyd yn cymhwyso theori i ymarfer. Bydd athrawon dan hyfforddiant yn amlinellu (i) y llenyddiaeth ymchwil sy'n cyfiawnhau eu dewis o weithgareddau dysgu a (ii) sut mae cynllun y wers yn ystyried fframweithiau statudol, (iii) ffactorau eraill a gyfrannodd at wella'r profiad dysgu i ddisgyblion (e.e. cynllun seddi, cymorth gan oedolion eraill).

Asesiad 2: Adroddiad ar brosiect ymchwil agos i ymarfer

Yn yr ail asesiad, bydd athrawon dan hyfforddiant yn gorfod nodi cwestiwn ymchwil sy'n gysylltiedig ag un o'r materion ysgol gyfan a astudiwyd. Bydd athrawon dan hyfforddiant yn datblygu cynnig er enghraifft, prosiect ymchwil sy'n agos i ymarfer ar raddfa fach, a fydd yn gwella cyfranogiad disgyblion. Caiff y canfyddiadau eu cyflwyno fel adroddiad ysgrifenedig sy'n cynnwys adolygiad llenyddiaeth, methodoleg, dadansoddi data a thrafod y canfyddiadau. Bydd yr adroddiad yn myfyrio'n feirniadol ar ymyriadau a strategaethau a roddwyd ar waith yn y prosiect. Bydd yr adroddiad agos i ymarfer yn 6,000 o eiriau.

Asesiad 3: Myfyrdod beirniadol ar reolaeth ystafell ddosbarth

Bydd athrawon dan hyfforddiant yn nodi ardal o reolaeth ystafell ddosbarth yr hoffent ei gwella neu ei mireinio. Byddant yn cymryd fideo o'u hunain wrth addysgu dros gyfnod o wersi er mwyn arsylwi ar eu hymarfer addysgu eu hunain ac i fonitro cynnydd o ran yr ardal o reolaeth ystafell ddosbarth a nodwyd. Bydd athrawon dan hyfforddiant yn ymchwilio i ddulliau rheolaeth ystafell ddosbarth a'u cymhwyso mewn awyrgylch ystafell ddosbarth. Caiff y recordiad fideo ei gefnogi gan fyfyrdod beirniadol o'r strategaethau a ddefnyddir ganddynt. Bydd yr adroddiad terfynol yn 3,000 o eiriau.

EDPM17 Ymarfer Proffesiynol

Bydd yr asesiad ar gyfer EDPM17 yn galluogi athrawon dan hyfforddiant i ddangos sut maent wedi cyflawni'r Safonau Proffesiynol ar gyfer Addysgu ac Arweinyddiaeth a gallant gael eu hargymell ar gyfer gwobr SAC a gyflwynir gan y Cyngor Gweithlu Addysg. Bydd yn rhaid i athrawon dan hyfforddiant ddarparu tystiolaeth yn erbyn pob un o'r 32 o ddisgfrifwyr SAC a nodir yn y Safonau Proffesiynol ar gyfer Addysgu ac Arweinyddiaeth. Yn ystod eu hymarfer addysgu, bydd athrawon dan hyfforddiant yn cael eu cyflwyno i amrywiaeth o brofiadau mewn lleoliadau addysgol gwahanol sy'n ceisio sicrhau eu bod yn cael mwy nag un cyfle i gasglu tystiolaeth yn erbyn pob un o Safonau Proffesiynol ar gyfer Addysgu ac Arweinyddiaeth yng Nghymru.

Bydd athrawon dan hyfforddiant yn defnyddio Pasbort Dysgu Proffesiynol y Cyngor Gweithlu Addysg i gofnodi tystiolaeth o gyflawni'r Safonau Proffesiynol. Byddant yn gallu lanlwytho tystiolaeth yn Gymraeg neu'n Saesneg mewn amrywiaeth o fformatau gan gynnwys ffeiliau sain a fideo (gyda chaniatâd priodol) yn ogystal â chyflwyniadau ysgrifenedig traddodiadol (e.e. cynlluniau gwersi, cynlluniau gwaith, adnoddau dysgu ac addysgu, dyddiaduron myfyrio, adroddiadau ymchwil).

Bydd yn rhaid i fyfyrwyr ysgrifennu 5 traethawd myfyriol byr hefyd (400 gair yr un) sy'n cyd-fynd â phenawdau'r Safonau Proffesiynol, sef: Addysgeg, Cydweithio, Dysgu Proffesiynol, Arloesedd ac Arweinyddiaeth, a thraethawd myfyrio hwy 1,000 o eiriau sy'n trafod perthynas y 5 llinyn â'r gwerthoedd a'r rheolaeth a nodwyd yn y Safonau Proffesiynol ar gyfer Addysgu ac Arweinyddiaeth.

Bydd yr holl athrawon dan hyfforddiant y mae angen datblygu sgiliau Cymraeg arnynt yn ymgymryd â rhaglen 'Y Gymraeg i Oedolion mewn Addysg', sy'n galluogi'r holl athrawon dan hyfforddiant i ddatblygu gallu sylfaenol yn y Gymraeg pan fyddant yn graddio.

Bydd yr holl athrawon dan hyfforddiant yn treulio o leiaf ddiwrnod mewn ysgol Gymraeg fel rhan o'r rhaglen 'diwrnodau profiad'.

Bydd athrawon dan hyfforddiant sydd eisoes yn rhugl yn y Gymraeg yn dilyn rhaglen o weithgareddau i adeiladu ar sgiliau addysgeg athrawon dan hyfforddiant i addysgu'n ddwyieithog a gweithio yn Gymraeg, a fydd yn eu paratoi nhw i gyflwyno cais am Dystysgrif Hyfedredd Iaith i Athrawon y Coleg Cymraeg Cenedlaethol.