1. Hafan
  2. Ôl-raddedig
  3. Cyrsiau Ôl-raddedig a Addysgir
  4. Cyrsiau Ôl-raddedig a Addysgir Ysgol y Gyfraith Hillary Rodham Clinton
  5. Heriau Byd-eang: Y Gyfraith, Polisi ac Ymarfer, MA

Heriau Byd-eang: Y Gyfraith, Polisi ac Ymarfer, MA

Diwrnod Agored
Cadwch Mewn Cysylltiad
hillary clinton giving a speech

Yn hwyluso cydweithredu rhyngwladol a mynd i’r afael â heriau dybryd

Manylion Allweddol y Cwrs

Dull Astudio
Ar y Campws
Cynnig Nodweddiadol (gweler dewisiadau arall)
1:1
Lleoliad
Campws Parc Singleton
Dyddiad Dechrau Ffioedd Dysgu - Blwyddyn 1
Ion 2023 £ 16,000
Dull Astudio
Ar y Campws
Cynnig Nodweddiadol
1:1 - Gwybodaeth Rhagor
Lleoliad
Campws Parc Singleton
Dyddiad Dechrau Ffioedd Dysgu - Blwyddyn 1
Ion 2023 £ 16,000

Trosolwg o'r Cwrs

Sefydlwyd Rhaglen Heriau Byd-eang Hillary Rodham Clinton, a gefnogir gan Sky, i hwyluso cydweithrediad rhyngwladol er mwyn mynd i’r afael â heriau cenedlaethol a thrawswladol dybryd. Mewn partneriaeth â Sky, bydd y fenter ysgoloriaeth i raddedigion hon yn datblygu’r genhedlaeth nesaf o arweinwyr rhagorol â meddylfryd blaengar sy’n canolbwyntio ar broblemau go iawn y byd, ym maes ysgolheictod, ymgyrchu ac ymarfer cyfreithiol. Mae’n bleser gennym recriwtio ein hail garfan o ddeiliaid ysgoloriaeth.

Ar gyfer ein trydedd garfan, a fydd yn dechrau astudio ym mis Ionawr 2022, rydym yn chwilio am bum deiliad ysgoloriaeth i astudio'r unrhyw un o'r pynciau canlynol:

  • Cynhwysiant digidol
  • Anghyfiawnder hiliol
  • Hawliau plant
  • Yr amgylchedd a newid yn yr hinsawdd
  • Hawliau dynol 

Os cewch eich derbyn i’r rhaglen meistr hon, byddwch yn derbyn ysgoloriaeth a fydd yn talu’r ffioedd dysgu llawn yn ogystal â grant gwerth £15,000 i gyfrannu at eich costau byw.

Bydd deiliaid yr ysgoloriaeth yn meddu ar ragoriaeth academaidd, ynghyd ag ymagwedd greadigol, â phwyslais ar weithredu, at gydweithredu a gweithio mewn partneriaeth. Byddant yn dilyn rhaglen gradd Meistr yn y Celfyddydau blwyddyn (12 mis) o hyd mewn Heriau Byd-eang: Cyfraith, Polisi ac Ymarfer. Mae’r rhaglen gradd hon yn seiliedig ar ddysgu drwy brofiad, ac mae’n cynnwys lleoliad prosiect ymchwil. Bydd deiliaid yr ysgoloriaeth hefyd yn elwa o amrywiaeth o weithgareddau ychwanegol, gan gynnwys mentora, siaradwyr gwadd, ymweliadau a hyfforddiant yn y cyfryngau.

Gan ystyried natur bwrpasol y rhaglen a’r cyfleoedd sydd ar gael, sylwer ein bod yn croesawu ceisiadau gan ymgeiswyr sydd eisoes wedi ennill cymwysterau lefel Meistr, yn ogystal â chan y rhai sy’n meddu ar radd israddedig dda.

Pam Heriau Byd-eang yn Abertawe?

Fel myfyriwr ôl-raddedig yn Ysgol y Gyfraith Hillary Rodham Clinton, byddwch yn rhan o ysgol y gyfraith a gydnabyddir ledled y byd, sy'n cynnig amgylchedd academaidd ffyniannus sy'n ymrwymedig i ragoriaeth mewn addysgu a gwaith ymchwil, ac sy'n cynnig profiad eithriadol i fyfyrwyr.

Mae gan yr Ysgol enw da rhyngwladol am ymchwil, addysg a dysgu drwy brofiad sy'n rhoi'r sgiliau a'r profiadau i fyfyrwyr, staff a phartneriaid i'w galluogi i ddeall y dirwedd gyfreithiol newidiol a mynd i'r afael â heriau cymdeithasol.

Mae cydweithrediadau rhyngwladol yr Ysgol gyda mudiadau academaidd, masnachol ac o'r sector cyhoeddus yn cefnogi ei huchelgais i fod ar flaen y gad gydag addysg ym maes y gyfraith a throseddeg, sydd yr un mor gydnabyddedig am ei gallu i ddylanwadu ar bolisi a dadleuon ag am ansawdd yr addysg y mae'n ei darparu.

Yn ogystal ag arbenigedd blaenllaw mewn hawliau dynol, cyfraith amgylcheddol, cyfiawnder troseddol rhyngwladol a chyfraith masnach, mae'r Ysgol yn gartref i’r:

  • Labordy Arloesi Cyfreithiol Cymru, cyfleuster ymchwil a datblygu gwerth £5.6 miliwn sy’n cefnogi cydweithio rhwng cwmnïau cyfreithiol, cwmnïau technoleg a sefydliadau diogelwch, gan annog arloesi ym meysydd Technoleg Gyfreithiol, mynediad at gyfiawnder a gwrthderfysgaeth.

  • Arsyllfa ar Hawliau Dynol Plant, sy'n gweithio i wreiddio hawliau dynol plant ym mhob cam o'r broses gwneud penderfyniadau ar faterion sy'n effeithio arnynt. Dylanwadodd ymchwil yr Arsyllfa ar ddeddfwriaeth hawliau plant, sydd wedi ennill cydnabyddiaeth ryngwladol.
  • Y Ganolfan Ymchwil Seiber-fygythiadau sy’n arwain y ffordd yn y DU ym maes defnydd terfysgwyr o’r cyfryngau cymdeithasol. Drwy Ysgol y Gyfraith, mae Abertawe’n aelod o’r Rhwydwaith Byd-eang ar Eithafiaeth a Therfysgaeth, rhwydwaith ymchwil a ariennir gan brif gwmnïau’r cyfryngau cymdeithasol a ni yw’r unig aelod yn y DU o bwyllgor llywio Europol ar bropaganda terfysgwyr ar-lein.
  • Y Sefydliad Cyfraith Morgludiant a Masnachu Rhyngwladol, y ganolfan ymchwil arbenigol fwyaf o'i bath yn Ewrop.

Eich Heriau Byd-eang: Profiad ym meysydd y Gyfraith, Polisi ac Ymarfer

Bydd ysgolheigion yn dangos rhagoriaeth academaidd yn ogystal ag ymagwedd greadigol a gweithredol at gydweithio a gweithio mewn partneriaeth. Byddant yn dilyn gradd Meistr am flwyddyn mewn Heriau Byd-eang: Y Gyfraith, Polisi ac Ymarfer a fydd yn rhoi’r canlynol iddynt:

  • Ymwybyddiaeth gref o heriau byd-eang cyfredol o fewn fframwaith sy’n seiliedig ar hawliau;
  • Dealltwriaeth o rôl y gyfraith a pholisi wrth fynd i’r afael â heriau cenedlaethol a thrawswladol;
  • Y sgiliau i ymgymryd ag ymchwil effeithiol a datblygu atebion ymarferol a chreadigol a
  • Profiad o eirioli ac ymgysylltu â rhanddeiliaid i gynorthwyo gyda’r broses o ddiwygio’r gyfraith a pholisi.

Wrth ochr eu rhaglen radd, bydd ysgolheigion yn elwa ar gael amrywiaeth gyflenwol o weithgareddau ychwanegol, a ddyluniwyd i ddatblygu ymhellach eu sgiliau a’u profiad a gwella eu cyflogadwyedd.

Bydd y rhain yn cynnwys cael eu mentora gan ymchwilwyr ac ymarferwyr, hyfforddiant cyfryngau pwrpasol, cyfres o weithdai a seminarau gan arbenigwyr blaenllaw a chyfleoedd i ymweld â sefydliadau rhyngwladol blaenllaw.

Cyfleoedd cyflogaeth

Dyluniwyd y rhaglen i wella'n sylweddol gyflogadwyedd myfyrwyr, gan eu galluogi i ddatblygu sgiliau a fydd yn eu harfogi i weithio ar draws ystod o sectorau. Bydd y rhaglen yn cefnogi datblygiad ac uchelgeisiau myfyrwyr sy'n bwriadu parhau neu ddilyn gyrfa mewn:

  • Sefydliadau rhyngwladol a rhanbarthol: mae sefydliadau rhyngwladol a rhanbarthol yn ceisio cefnogi, monitro a dylanwadu ar bolisïau gwladol a threfniadau cymdeithasol mewn perthynas â meysydd heriau byd-eang. Bydd graddedigion yn ennill gwybodaeth a sgiliau sy'n berthnasol i eiriolaeth yn y meysydd hyn, yn ogystal â threfniant technegol rhaglenni gwladol er enghraifft. Mae gyrfaoedd posibl yn cynnwys: y Cenhedloedd Unedig, Cyngor Ewrop, a sefydliadau rhanbarthol eraill.
  • Y sector cyhoeddus, gan gynnwys llywodraeth ar bob lefel: mae heriau byd-eang yn un o gyfrifoldebau allweddol llywodraeth. Bydd graddedigion yn ennill yr wybodaeth a'r sgiliau perthnasol ar gyfer datblygu polisi a'r gyfraith, gweithredu rhaglennol, a chamau gweithredu gan y llywodraeth trwy reoleiddio a chyllidebu, a threfnu a darparu gwasanaethau cyhoeddus. Mae gyrfaoedd posibl yn cynnwys: y gwasanaeth sifil, llywodraeth ranbarthol, genedlaethol ac is-genedlaethol, awdurdodau lleol a chyrff cyhoeddus eraill a gwaith cynghori gwleidyddol a pholisi.
  • Y sector preifat: Mae'r sector preifat yn ymwneud yn fwy â heriau byd-eang ym maes cyfalafiaeth â chyfrifoldeb cymdeithasol. Mae sefydliadau rhyngwladol mawr megis Banc y Byd yn rhoi hawliau dynol a newid hinsawdd wrth wraidd eu busnes. Bydd graddedigion yn ennill gwybodaeth a sgiliau sy'n berthnasol i faterion hawliau dynol busnesau ar sail fyd-eang ac ar lefel wladol neu is-wladol. Mae gyrfaoedd posibl yn cynnwys: busnes byd-eang; y sector busnes (o fusnesau mawr megis yn y sector bancio i fentrau llai sy'n dymuno apelio at y cwsmer moesegol).
  • Sefydliadau Anllywodraethol: mae asiantaethau anllywodraethol yn rhanddeiliaid sefydledig o ran mynd i'r afael â heriau byd-eang. Mae eiriolaeth a lobïo am bolisïau, ymgyrchoedd ac ymyriadau rheng flaen oll yn agweddau ar y sector anllywodraethol ar lefel fyd-eang, cenedlaethol a lleol. Bydd graddedigion yn meddu ar yr wybodaeth a'r sgiliau sy'n berthnasol i ehangder y gwaith a wneir gan y sector anllywodraethol wrth fynd i'r afael â heriau byd-eang. Mae gyrfaoedd posib yn cynnwys: Sefydliadau Anllywodraethol rhyngwladol (e.e. UNICEF); sefydliadau anllywodraethol cenedlaethol neu leol. 
  • Ymchwil a'r byd academaidd: Mae ymchwil ar heriau byd-eang yn bryder mawr, ac mae'n debygol o fod yn fwy arwyddocaol ar gyfer blaenoriaethau ariannu. Bydd gan raddedigion sgiliau ymchwil datblygedig. Yn ogystal â'r potensial i barhau i astudio ar lefel PhD, bydd graddedigion yn ennill gwybodaeth a sgiliau sy'n berthnasol i addysgu a gwaith ymchwil yn y maes. Mae gyrfaoedd posib yn cynnwys: 'melinau trafod' polisi a SAUau.
Diwrnod Agored Gofynnwch gwestiwn i ni Sgwrsiwch â Myfyriwr Cyfredol