TECHGYFREITHIOL, LLM

Byddwch yn dilyn modiwlau gorfodol yn y meysydd canlynol:

• Meddwl cyfrifiadol a chyflwyniad i raglennu ar gyfer cyfreithwyr
• Deallusrwydd Artiffisial, Deallusrwydd Artiffisial Esboniadwy a dysgu peirianyddol
• Blockchain a chontractau clyfar
• Eiddo deallusol digidol
• Dulliau Ymchwil a Moeseg

Yn ogystal, byddwch yn cymryd rhan mewn cyfres  blwyddyn o hyd o weithdai gyda siaradwyr gwadd ac ymchwilwyr.

Os ydych yn frwd ynghylch technoleg gyfreithiol, rydym am glywed gennych!

Mae'r cwrs wedi'i anelu at raddedigion y gyfraith ac ymarferwyr sy'n gweithio ar bob lefel o'r proffesiwn cyfreithiol. Ni ddisgwylir i fyfyrwyr ar y rhaglen hon feddu ar brofiad blaenorol o waith codio na gweithio gyda thechnoleg.

Rydym yn croesawu ceisiadau gan ddarpar fyfyrwyr o bob cwr o'r byd. Yn ddelfrydol, bydd gennych radd 2:1 yn y gyfraith neu gyfrifiadureg, er y byddwn yn ystyried ymgeiswyr â gradd 2:2 yn seiliedig ar eu perfformiad cyffredinol a'u perfformiad mewn modiwlau unigol. Caiff ymgeiswyr â phrofiad perthnasol hefyd eu hannog yn gryf i wneud cais.

Os nad ydych yn siarad Saesneg yn rhugl, bydd angen marc llwyddo derbyniol arnoch mewn cymhwyster Saesneg cymeradwy megis prawf IELTS (â sgôr gyffredinol o o leiaf 6.5, gydag isafswm o 6.0 ym mhob cydran).

Mae cyrsiau cyn-sesiynol bellach ar gael ar gyfer cyrsiau ôl-raddedig a addysgir yn y Gyfraith - Dysgwch fwy ar ein tudalennau gwe pwrpasol.

Mae bloc addysgu un (“TB1”) yn rhedeg rhwng mis Medi a mis Ionawr, ac yn ystod y bloc hwn, caiff y cwrs ei ddysgu mewn ffordd 'gyfunol'. Mae hyn yn golygu y bydd rhywfaint o'ch addysgu ar-lein a rhai elfennau ar y campws. Gall yr addysgu ar-lein, lle na fyddwch yn yr un ystafell â'ch darlithydd, fod yn ‘fyw’ gyda’ch darlithydd yno a byddwch yn gallu cydgysylltu. Gall rhywfaint o'r dysgu fod yn hunangyfeiriedig sy'n golygu y gallwch gael mynediad at y deunyddiau dysgu ar adeg sy'n gyfleus i chi. 

Yn fyw ar y campws

• Dosbarthiadau wythnosol mewn modiwlau dethol
• Cyfarfodydd mentor academaidd

Yn fyw ar-lein

• Dosbarthiadau wythnosol mewn modiwlau dethol
• Sesiynau sefydlu
• Rhaglen sgiliau academaidd
• Cyfarfodydd mentor academaidd
• Darlithoedd gwadd (yn dibynnu ar argaeledd siaradwyr)

Hunangyfeiriedig ar y campws

• Darllen dan arweiniad
• Paratoi ar gyfer darlith
• Paratoi ar gyfer seminar

Hunangyfeiriedig ar-lein

• Recordiadau o ddarlithoedd

Ac yn ogystal, fe allai gynnwys er enghraifft:

• Blogiau
• Flogiau
• Cwisiau
• Cwestiynau hunan brofi

Gallwch ddysgu rhagor am y ffordd y byddwch yn cael eic. h addysgu yn ein dogfen Diffiniadau Dysgu ac Addysgu.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Mentor Academaidd Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Mae ein graddau ôl-raddedig yn cynnig y cyfle i chi ddysgu gan academyddion sy'n arbenigwyr yn y diwydiant ac sy'n meddu ar brofiad academaidd ac ymarferol cyfoethog. Mae Ysgol y Gyfraith Hillary Rodham Clinton yn gartref i gymuned academaidd fywiog sy'n awyddus i ddeall rhai o faterion mwyaf heriol cymdeithas.

Gallwch gael gwybod mwy am ein harbenigedd academaidd ar ein tudalennau staff.

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Ysgoloriaethau a Bwrsariaethau Ysgol y Gyfraith

Yma, yn Ysgol y Gyfraith Hillary Rodham Clinton rydyn ni hefyd yn cynnig ystod o gyfleoedd ariannu. Gweler ein tudalen ysgoloriaethau a bwrsariaethau am ragor o wybodaeth. 

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Cyflogadwyedd yn Ysgol y Gyfraith

Mae Ysgol y Gyfraith yn gweithredu mewn modd rhagweithiol er mwyn gwella cyflogadwyedd graddedigion, ac mae ganddi Swyddog Cyflogadwyedd a Lleoliadau penodedig. Mae'r Ysgol yn cynnig amrywiaeth o leoliadau gwaith lleol, cenedlaethol a rhyngwladol, cyrsiau proffesiynol, cyngor a chymorth i'ch helpu i feithrin y sgiliau sydd eu hangen i gyflawni eich uchelgeisiau.

Mae ein graddedigion yn dod o hyd i swyddi mewn amrywiaeth eang o yrfaoedd, gan gynnwys y canlynol:
Cyfreithiwr Technoleg, Technolegydd Cyfreithiol, Peiriannydd Cyfreithiol, Arbenigwr/Rheolwr Gweithrediadau Cyfreithiol, Gwyddonydd Data Cyfreithiol, Dadansoddwr Cyfreithiol.

Ceir rhagor o wybodaeth ar ein tudalen we cyflogadwyedd.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Cymorth yn Ysgol y Gyfraith

Caiff Mentor Academaidd ei neilltuo i bob myfyriwr er mwyn helpu â'r canlynol:

• Arweiniad Academaidd
• Cynllunio Datblygiad Personol
• Cyngor ar Gyflogadwyedd

Mae gan yr ysgol hefyd Swyddfa Gwybodaeth i Fyfyrwyr a fydd yn gallu cynnig cymorth academaidd drwy gydol eich astudiaethau.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Am ragor o wybodaeth, cysylltwch â:

Mr Stefano Barazza (Cyfarwyddwr y Rhaglen)
E-bost: Stefano

Ymholiadau Cyffredinol:
Ffôn: +44 (0)1792 295831
E-bost: Astudio

Ar gyfer Ymholiadau o'r UE/Ymholiadau Rhyngwladol:
Ffôn: +44 (0)1792 602600
E-bost: Rhyngwladol