Rhithwir, MSc

Bydd modiwlau ymarferol allweddol yn rhoi cyflwyniad eang i feddalwedd rithrealiti a thrin a chreu asedau (siapiau 3D, synau ac effeithiau arbennig, gwrthrychau rhyngweithiol etc.). Bydd modiwlau eraill yn ymdrin â diwydiannau’r cyfryngau, diwylliannol a chreadigol, wedi’u cyfuno â datblygiad personol a phroffesiynol a rhyngweithiad rhwng cwsmeriaid a chleientiaid.

Yn ogystal â chael eich addysgu gan y Coleg Peirianneg, bydd yr Ysgol Reolaeth hefyd yn darparu safbwynt busnes/marchnata i’r cwrs i sicrhau bod myfyrwyr yn ymwybodol o natur fasnachol maes rhithrealiti. A bydd Coleg y Celfyddydau a’r Dyniaethau hefyd yn canolbwyntio ar agweddau cymdeithasol a chreadigol ar yr amgylchedd rhithrealiti. Gall cyfranwyr mewnol ehangu wrth i’r rhaglen ddatblygu.

Rhaid i fyfyrwyr ennill 2:2 (neu gyfwerth dramor) mewn gradd israddedig. Ystyrir unrhyw bwnc gradd.

Rydym yn croesawu ceisiadau gan ddarpar fyfyrwyr ledled y byd ac rydym yn chwilio am dystiolaeth o astudiaeth flaenorol sy’n gyfwerth â’r gofynion mynediad a nodir uchod. Byddai’r Swyddfa Derbyn Graddedigion yn falch o’ch cynghori ar a yw eich cymwysterau’n addas am fynediad i’r cwrs yr hoffech ei astudio. Anfonwch e-bost i postgraduate.admissions@abertawe.ac.uk i gael rhagor o wybodaeth.

Os nad yw’r Saesneg yn iaith gyntaf i chi, bydd angen i chi ennill marc derbyniol mewn cymhwyster Iaith Saesneg cymeradwy i wneud yn siŵr y gallwch fanteisio i’r eithaf ar astudio yn Abertawe. Rydym yn ystyried amrywiaeth eang o gymwysterau, gan gynnwys Prawf Saesneg Prifysgol Abertawe, prawf IELTS y British Council (gyda sgôr o o leiaf 6.5 a 5.5 ym mhob cydran). Ceir rhestr lawn am brofion Iaith Saesneg derbyniol yn:
https://www.swansea.ac.uk/admissions/english-language-requirements 

Mae athroniaeth y rhaglen yn canolbwyntio ar ddysgu gweithredol mewn timau amlddisgyblaethol. Nod y rhaglen yw rhoi’r egwyddorion sylfaenol y mae eu hangen ar raddedigion o  ddisgyblaeth/gefndir gwahanol i gynhyrchu gwaith mewn amgylchedd 2D/3D. Defnyddir mecanweithiau amrywiol i ddiddori myfyrwyr, gan gynnwys addysgu traddodiadol mewn ystafell ddosbarth, dysgu ar-lein, gweithdai rhyngweithiol, seminarau a sesiynau ymarferol.

Os wyt ti'n siarad Cymraeg, mae Academi Hywel Teifi, yma i'th gefnogi gydol dy amser ym Mhrifysgol Abertawe o safbwynt dy astudiaethau a'th brofiad myfyriwr. Mae Prifysgol Abertawe yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn dy ddewis iaith.
• Dewis i ysgrifennu a chyflwyno dy waith cwrs, a sefyll dy arholiadau drwy gyfrwng y Gymraeg (hyd yn oed os mai Saesneg yw iaith dy astudiaethau) a gwneir pob ymdrech i'w farcio'r gwaith yn yr iaith wreiddiol.
• Tiwtor personol sy'n siarad Cymraeg.
• Cymorth un-i-un i loywi dy sgiliau Cymraeg academaidd.

Ers 2011, mae cynnydd o 113% wedi bod yn nifer y myfyrwyr sy'n astudio trwy gyfrwng y Gymraeg ym Mhrifysgol Abertawe ac yn ôl ein data TEF yn 2017 a 2018 mae myfyrwyr Cymraeg eu hiaith yn llwyddiannus iawn o safbwynt cyflogadwyedd.

The following academic staff will be teaching on your degree:

• Professor Steve Brown
• Dr Marc Holmes

Y ffioedd dysgu blynyddol ar gyfer blwyddyn academaidd 2020/21 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr rhyngwladol ac astudiaethau rhan-amser: Bellach mae'n bosibl i rai myfyrwyr astudio'n rhan-amser o dan lwybr fisa Haen 4. Mae hyn yn dibynnu ar ffactorau sy'n ymwneud â'r cwrs a'ch sefyllfa unigol. Efallai y bydd yn bosibl astudio gyda ni hefyd os ydych chi eisoes yn y DU o dan gategori fisa gwahanol. Ewch i wybodaeth y Brifysgol am Visas a Mewnfudo am arweiniad a chefnogaeth bellach.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.