Arweinyddiaeth Ar Gyfer Y Proffesiynau Iechyd, MSc / PGDip / PGCert

Mae’r modiwlau’n cynnwys: Arwain a Gweithio mewn Timoedd a Grwpiau, Datblygu Arweinyddiaeth, Arloesedd a Newid, Deall Sefydliadau, Systemau a Gwasanaethau.  

• Dylai fod gan ymgeiswyr radd 2:2 neu gyfwerth
• Rydym yn croesawu ceisiadau o’r DU/UE a thramor
• IELTS: 6.5 (neu gymhwyster cyfwerth a gydnabyddir gan Brifysgol Abertawe)

Bydd eich dysgu ac addysgu grŵp rhithwir ar-lein yn cael ei atgyfnerthu gan ddiwrnodau cyswllt wyneb yn wyneb a goruchwylio ar-lein ac uniongyrchol ym mlwyddyn olaf yr MSc. Drwy gydol eich gradd, bydd y pwyslais ar ddefnyddio tystiolaeth a damcaniaeth yn uniongyrchol yn eich ymarfer.  

Os ydych chi’n siarad Cymraeg, mae ein hacademi bwrpasol, Academi Hywel Teifi, yma i’ch cefnogi gydol eich amser ym Mhrifysgol Abertawe. Rydym yn cynnig:

• Cyfweliad cyfrwng Cymraeg wrth wneud cais am le ar gwrs.
• Dewis i gael gohebiaeth bersonol yn y Gymraeg – byddwn yn cyfathrebu yn eich dewis iaith.
• Dewis i ysgrifennu a chyflwyno eich gwaith cwrs, a gwneud eich arholiadau drwy gyfrwng y Gymraeg (hyd yn oed os mai Saesneg yw iaith eich astudiaethau) a gwneir pob ymdrech i’w farcio yn yr iaith wreiddiol.
• Tiwtor personol sy’n siarad Cymraeg.
• Cymorth un-i-un i wella’ch sgiliau Cymraeg academaidd.

Ers 2011, mae cynnydd o 40% wedi bod yn nifer y myfyrwyr sy’n astudio drwy gyfrwng y Gymraeg ym Mhrifysgol Abertawe ac yn ôl ein data *TEF o’r ddwy flynedd ddiwethaf mae myfrywyr Cymraeg eu hiaith yn llwyddiannus iawn o safbwynt cyflogadwyedd (*canlyniadau TEF Prifysgol Abertawe 2017 a 2018).

Bydd myfyrwyr Arweinyddiaeth ar gyfer y Proffesiynau Iechyd yn cael eu haddysgu gan academyddion ac arbenigwyr blaenllaw mewn arweinyddiaeth Glinigol ac addysgol yn yr Ysgol Feddygaeth, gan roi mynediad heb ei ail i chi at addysgu ar yr ymchwil ac ymarfer diweddaraf. 

Mae’r prif staff addysgu ar y rhaglen Arweinyddiaeth ar gyfer y Proffesiynau Iechyd fel a ganlyn: 

• Yr Athro Judy McKimm  
• Mr Paul Jones (Athro Cysylltiol er Anrhydedd) – Cyfarwyddwr Rhaglen ar gyfer Meddygaeth i Raddedigion 
• Yr Athro Cysylltiol Claire Vogan 
• Mr James Moore – Gwasanaeth Ambiwlans Cymru  
• Yr Athro Sharon Williams - Cymrawd Gwyddoniaeth Gwella'r Sefydliad Iechyd 

Y ffioedd dysgu blynyddol ar gyfer blwyddyn academaidd 2020/21 fydd:

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Gallwch wynebu costau ychwanegol yn ystod eich amser yn y Brifysgol, gan gynnwys y canlynol (ond nid yw hon yn rhestr gynhwysfawr):

• Parcio yn y cae hamdden a theithio i'r campws ac oddi yno
• Argraffu, llungopïo, costau deunyddiau a chyfarpar ysgrifennu (e.e. cof bach)
• Prynu llyfrau neu destunau
• Argraffu a rhwymo
• Gŵn ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch mentor academaidd personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol: 

Neilltuir Mentor Academaidd i chi oblith staff academaidd cymwys yn yr Ysgol Feddygaeth ac academyddion er anrhydedd sy’n gweithio yn y GIG.  

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Gallai Mentoriaid Academaidd Personol hefyd eich helpu gyda'ch cynllunio datblygu personol a chyngor gyrfaoedd. Gall eich mentor hefyd eich cyfeirio at y gwasanaeth Lles a gwasanaethau cymorth eraill, fel y bo'n briodol.  

Swyddfa Wybodaeth yr Ysgol Feddygaeth: 

Mae'n tîm o weinyddwyr a chydlynwyr gwybodaeth myfyrwyr wrth law i roi cymorth gyda'ch ymholiadau academaidd a'ch cyfeirio at wasanaethau ychwanegol pan fydd angen.  

Dylech wneud cais drwy system ymgeisio fewnol y Brifysgol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.